ଦୁଇଜଣ ଜାଆଁଳା ଶିଶୁ ଜନ୍ମ ହୋଇଛନ୍ତି, କିନ୍ତୁ ଭିନ୍ନ ଭିନ୍ନ ବର୍ଷରେ । ଏହିଭଳି ଏକ ବିରଳ ସଂଯୋଗ ବିଷୟରେ ଏବେ ଶୁଣିବାକୁ ମିଳୁଛି । ଆଜ୍ଞା ହଁ, ଏହିପରି ଏକ ଘଟଣା ଘଟିଛି କାଲିଫର୍ଣ୍ଣିଆରେ । ତେବେ ଆପଣ ଭାବୁଥିବେ ଏହା କିଭଳି ସମ୍ଭବ ହୋଇପାରେ ? ଏହି ସମ୍ବନ୍ଧରେ ଆମେ ଆପଣଙ୍କୁ ବିସ୍ତୃତ ଭାବେ ବୁଝାଇ ଦେବାକୁ ଯାଉଛୁ । ଦୁଇ ଜାଆଁଳା ଶିଶୁଙ୍କ ମଧ୍ୟରୁ ଜଣେ ଶିଶୁର ଜନ୍ମ ୨୦୨୧ ମସିହାରେ ଏବଂ ଆଉ ଜଣେ ଶିଶୁର ଜନ୍ମ ୨୦୨୨ ମସିହାରେ । ତଥାପି ଏହି ଶିଶୁ ଦୁହେଁ ଜାଆଁଳା ଅଟନ୍ତି ।
ଏହା ଆପଣଙ୍କଲୁ ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ଏକଦମ ସତ ଘଟଣା । କାଲିଫର୍ଣ୍ଣିଆରେ ଜଣେ ମହିଳା ମାତ୍ର ୧୫ ମିନିଟ ବ୍ଯବଧାନରେ ତାଙ୍କର ଦୁଇ ଜାଆଁଳା ଶିଶୁଙ୍କୁ ଜନ୍ମ ଦେଇଛନ୍ତି । ପ୍ରଥମ ସନ୍ତାନ ୨୦୨୧ ଡିସେମ୍ବର ୩୧ ରାତି ୧୧ଟା ୪୫ ମିନିଟରେ ଜନ୍ମ ହୋଇଥିବା ବେଳେ ଅନ୍ୟ ଜଣେ ସନ୍ତାନ ୨୦୨୨ ମଧ୍ୟରାତ୍ରରେ ଜନ୍ମ ହୋଇଥିଲା । ଯାହାଫଳରେ ଉଭୟ ଶିଶୁ ଜାଆଁଳା ହୋଇଥିଲେ ମଧ୍ୟ ସେମାନଙ୍କ ଜନ୍ମ ବର୍ଷ ଭିନ୍ନ ହୋଇଛି ।
ଏହି ଜାଆଁଳା ଶିଶୁଙ୍କ ମଧ୍ୟରେ ଜଣେ ପୁତ୍ର ସନ୍ତାନ ରହିଥିବା ବେଳେ ଅନ୍ୟ ଜଣେ କନ୍ୟା ସନ୍ତାନ । ପୁତ୍ର ସନ୍ତାନର ନାଁ ଆଲଫ୍ରେଡୋ ଏବଂ କନ୍ୟା ସନ୍ତାନର ନାଁ ଦିଆଯାଇଛି ଆଲେନ । କାଲିଫର୍ଣ୍ଣିଆର ଗ୍ରୀନଫିଲ୍ଡ ସହରର ମାଦ୍ରିଗଲ ନାମକ ଜଣେ ମହିଳା ଏହି ଜାଆଁଳା ଶିଶୁଙ୍କୁ ଜନ୍ମ ଦେଇଛନ୍ତି । ତାଙ୍କ ଶିଶୁ କନ୍ୟାଟି ୨୦୨୨ରେ ଜନ୍ମ ହୋଇଥିବା ବେଳେ ଏହାର ଠିକ ୧୫ ମିନିଟ ପୂର୍ବରୁ ୨୦୨୧ ଜନ୍ମ ହୋଇଛି ପୁତ୍ର ସନ୍ତାନ ।
ମହିଳା ଜଣକ ଯେଉଁ ହସ୍ପିଟାଲରେ ଏହି ଦୁଇ ଶିଶୁଙ୍କୁ ଜନ୍ମ ଦେଇଥିଲେ ସେଠାକାର ମେଡିକାଲ କତ୍ତୃପକ୍ଷ ମଧ୍ୟ ଏହି ଜାଆଁଳା ଶିଶୁଙ୍କ ଜନ୍ମକୁ ନେଇ ସୋସିଆଲ ମିଡିଆରେ ପୋଷ୍ଟ କରିଛନ୍ତି । ଉଭୟ ଶିଶୁଙ୍କ ଫଟୋ ଛାଡିବା ସହ ସେମାନେ ଦୁହେଁ ସୁସ୍ଥ ଥିବା କଥା ମେଡିକାଲ ପକ୍ଷରୁ କୁହାଯାଇଛି । ଏହିପରି ଭିନ୍ନ ଭିନ୍ନ ବର୍ଷରେ ଦୁଇ ଜାଆଁଳା ଶିଶୁଙ୍କୁ ପାଇ ସେମାନଙ୍କ ପିତାମାତା ମଧ୍ୟ ଖୁବ ଖୁସି ଅଛନ୍ତି ।
ଏହି ଘଟଣା ଏବେ ସାରା ବିଶ୍ବରେ ଚର୍ଚ୍ଚାର ବିଷୟ ପାଲଟିଛି । ସୋସିଆଲ ମିଡିଆରେ ମଧ୍ୟ ଏହି ଖବରକୁ ନେଇ ଖୁବ ଚର୍ଚ୍ଚା କରୁଛନ୍ତି ଲୋକେ । ଆପଣ ପୂର୍ବରୁ କେବେ ଏଭଳି ଘଟଣା ବିଷୟରେ ଶୁଣିଛନ୍ତି ଯଦି ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।