ସରକାରୀ କର୍ମଚାରୀଙ୍କ ପାଇଁ ଏକ ବଡ ଘୋଷଣା କରିଛନ୍ତି ସରକାର । ଆସନ୍ତା ଜାନୁୟାରୀ ୬ ଏବଂ ୭ ତାରିଖ ରାଜ୍ୟର ସରକାରୀ କର୍ମଚାରୀ ମାନଙ୍କ ପାଇଁ ସରକାରଙ୍କ ତରଫରୁ ଛୁଟି ଘୋଷଣା କରାଯାଇଛି । ଏଭଳି ଏକ ଘୋଷଣା କରିଛନ୍ତି ଆସାମ ସରକାର । ଏହି ଛୁଟି ଘୋଷଣା କରିବା ବେଳେ ମୁଖ୍ୟମନ୍ତ୍ରୀ ହିମନ୍ତ ବିଶ୍ଵ ସରମା ଏଭଳି ଛୁଟି ଦେବାର ଉଦ୍ଦେଶ୍ୟ ବାବଦରେ ମଧ୍ୟ କହିଛନ୍ତି । ମୁଖ୍ୟମନ୍ତ୍ରୀ ସରମା କହିଛନ୍ତି ଯ, ସରକାରୀ କର୍ମଚାରୀଙ୍କୁ ସେମାନଙ୍କ ପିତାମାତା ଏବଂ ଶାଶୁ ଶ୍ବଶୁରଙ୍କ ସହ ସମୟ ବିତାଇବା ପାଇଁ ଏହି ବିଶେଷ ଛୁଟି ଦିଆଯାଉଛି ।
ମୁଖ୍ୟମନ୍ତ୍ରୀ ଟ୍ବିଟ କରି ଲେଖିଛନ୍ତି କି, “ଆସାମ ସରକାରଙ୍କ କର୍ମଚାରୀ ମାନଙ୍କ ପାଇଁ ମୁଁ ଆସନ୍ତା ୬ ଏବଂ ୭ ଜାନୁୟାରୀରେ ଏକ ବିଶେଷ ଛୁଟି ଘୋଷଣା କରୁଛି । ମୁଁ କର୍ମଚାରୀ ମାନଙ୍କୁ ଅନୁରୋଧ କରୁଛି ଯେ ଏହି ସମୟ ମଧ୍ୟରେ ସେମାନଙ୍କ ପିତାମାତା ଏବଂ ଶାଶୁ ଶ୍ଵଶୁରଙ୍କ ସହ ଗୁଣାତ୍ମକ ସମୟ ଅତିବାହିତ କରନ୍ତୁ ।” ମୁଖ୍ୟମନ୍ତ୍ରୀ ହିମନ୍ତ ବିଶ୍ଵ ସରମା ଆହୁରି ମଧ୍ୟ କହିଛନ୍ତି, “ମୁଁ କର୍ମଚାରୀ ମାନଙ୍କୁ ସେମାନଙ୍କ ପିତାମାତାଙ୍କ ସହ ସମୟ କାଟିବାକୁ ଅନୁରୋଧ କରୁଛି ।
ସେମାନଙ୍କ ଆଶୀର୍ବାଦରେ ନୂତନ ଆସାମ ଏବଂ ନୂତନ ଭାରତର ପୁନଃ ନିର୍ମାଣ କରିବାକୁ ଅନୁରୋଧ କରୁଛି ।” ଆସାମ ସରକାର ଏକ ସରକାରୀ ବିବୃତ୍ତିରେ କହିଛନ୍ତି ଯେ, ରାଜ୍ୟର ସରକାରୀ ମନ୍ତ୍ରୀମାନେ ମଧ୍ୟ ସେମାନଙ୍କ ପିତାମାତା ଓ ଶାଶୁ ଶ୍ଵଶୁରଙ୍କ ସହ ସମୟ ବିତାଇବା ଉଚିତ । ଯେଉଁ କର୍ମଚାରୀ ମାନଙ୍କର ପିତାମାତା କିମ୍ବା ଶାଶୁ ଶ୍ଵଶୁର ଜୀବିତ ନାହାନ୍ତି ସେମାନେ ବିଶେଷ ଛୁଟି ପାଇବାକୁ ଯୋଗ୍ୟ ହେବେ ନାହିଁ ।
ତେବେ ଜରୁରୀକାଳୀନ ଦାୟିତ୍ବରେ ଥିବା କର୍ମଚାରୀ ମାନେ ଯଦିଓ ବର୍ତ୍ତମାନ ଏହି ଛୁଟି ନେଇପାରିବେ ନାହିଁ, କିନ୍ତୁ ପରେ ଦୁଇ ଦିନ ଛୁଟି ନେଇପାରିବେ । ଆସାମ ସରକାରଙ୍କ ଏହିଭଳି ଏକ ପଦକ୍ଷେପକୁ ଜାତୀୟ ସ୍ତରରେ ଖୁବ ପ୍ରଶଂସା କରାଯାଉଛି । କାର୍ଯ୍ୟ ଚାପ ଯୋଗୁଁ ଅନେକ କର୍ମଚାରୀ ପରିବାର ଲୋକଙ୍କ ସହ ଭଲ ଭାବେ ସମୟ ବିତାଇବାକୁ ସୁଯୋଗ ପାଆନ୍ତି ନାହିଁ । ବିଶେଷ କରି ଯେଉଁମାନେ ଘର ଠାରୁ ଦୂରରେ ରହୁଛନ୍ତି ସେମାନେ ବାପାମାଆଙ୍କ ସହ ସମୟ ବିତାଇବାକୁ ବିଲକୁଲ ସୁଯୋଗ ପାଆନ୍ତି ନାହିଁ ।
ଏପରି ବେଳେ ଆସାମ ରାଜ୍ୟ ସରକାରଙ୍କ ଏହିଭଳି ଏକ ଘୋଷଣା ନିଶ୍ଚିତ ଭାବେ ଅନେକଙ୍କ ମୁହଁରେ ହସ ଫୁଟାଇବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।