ତପସ୍ଵିନୀ ଦାଶ ଓ ସୁମିତ ସାହୁଙ୍କ ବୈବାହିକ ଜୀବନର ଝଡ ସାମାନ୍ଯ ଶାନ୍ତ ହୋଇଥିବା ପରି ନଜର ଆସୁଥିବା ବେଳେ ଏବେ କାହାଣୀରେ ଆସିଛି ଆଉ ଏକ ନୂଆ ମୋଡ । ସ୍ତ୍ରୀ ତପସ୍ଵିନୀଙ୍କୁ ଚିନିଶିଳ୍ପ ଗେଷ୍ଟହାଉସରେ ଛାଡି ଫେରାର ହୋଇ ଯାଇଛନ୍ତି ସ୍ଵାମୀ ସୁମିତ । ଏହି ସମ୍ପର୍କରେ ତପସ୍ଵିନୀଙ୍କ ପ୍ରତିକ୍ରିୟା ନିଆ ଯାଇଥିଲା । ତପସ୍ଵିନୀ ନିଜ ବୟାନରେ କହିଛନ୍ତି ଯେ ସେ ସକାଳୁ ଜାଣି ପାରୁଥିଲେ କି ସୁମିତ ଫେରାର ହୋଇଛନ୍ତି ବୋଲି, ଆଉ ଏହି କଥା ସେ ଘର ବାହାରେ ମୁତୟନ ଥିବା ପୋଲିସକର୍ମୀଙ୍କୁ ମଧ୍ୟ ଅବଗତ କରାଇଥିଲେ ।
କିନ୍ତୁ କିଛି ସ୍ପଷ୍ଟ ନହୋଇ ସିଧାସଳଖ ଏହିଭଳି ଆରୋପ ନ ଲଗାଇବା ପାଇଁ ପୋଲିସକର୍ମୀ ତାଙ୍କୁ ବୁଝାଇଥିଲେ ଯାହାଫଳରେ ତପସ୍ଵିନୀ ସନ୍ଧ୍ୟା ପର୍ଯ୍ୟନ୍ତ ଧୈର୍ଯ୍ୟ ଧରି ରହିଥିଲେ । ତପସ୍ଵିନୀ ଫୋନ ଲଗାଇବାକୁ ଚେଷ୍ଟା କରିଥିଲେ କିନ୍ତୁ ସୁମିତଙ୍କ ଫୋନ ବନ୍ଦ ଥିଲା । ଏହାପରେ ତପସ୍ଵିନୀଙ୍କ ପାଖକୁ ଖବର ଆସିଥିଲା କି ସୁମିତ ହସ୍ପିଟାଲ ମଧ୍ୟ ଯାଇ ନାହାନ୍ତି । ବରଂ ସେ ଚାରିଦିନ ଛୁଟି ଆବେଦନ କରିଛନ୍ତି ।
ତେବେ ସୁମିତଙ୍କ ଏହିଭଳି ଗାୟବ ହେବା ପଛରେ ସୁମିତଙ୍କ ବାପା ତଥା ତପସ୍ଵିନୀଙ୍କ ଶ୍ଵଶୁରଙ୍କ ହାତ ଥିବା ସିଧାସଳଖ କହିଛନ୍ତି ତପସ୍ଵିନୀ । ଫେରାର ହେବା ପୂର୍ବ ରାତିରୁ ହିଁ ସୁମିତ କିଛି ଗୋଟେ ଯୋଜନା କରୁଛନ୍ତି ବୋଲି ତପସ୍ଵିନୀ ବୋଲି ବୁଝି ପାରୁଥିଲେ । ରାତିସାରା ସୁମିତ ତାଙ୍କ ବାପା ମା ଏବଂ ଓକିଲଙ୍କ ସହ କଥା ହେଉଥିଲେ । ସୁମିତ ପାଖରେ ଦୁଇଟି ଫୋନ ରଖିଥିଲେ ।
ଗୋଟିଏ ଫୋନ କୋର୍ଟଙ୍କ ନିର୍ଦ୍ଦେଶ କ୍ରମେ ଟ୍ରାକିଂରେ ପଡିଥିବା ବେଳେ ଅନ୍ୟ ନମ୍ବରଟିରେ ସୁମିତ କୋର୍ଟଙ୍କ ନିୟମ ଅବମାନନା କରି ଘରଲୋକଙ୍କ ସହ କଥା ହେଉଥିଲେ ବୋଲି ତପସ୍ଵିନୀ କହିଛନ୍ତି । ତେବେ ତାଙ୍କ ଶ୍ଵଶୁର ହିଁ ସୁମିତଙ୍କୁ ଅପହରଣ କରି ନେଇଛନ୍ତି ବୋଲି ଆରୋପ ଲଗାଇଛନ୍ତି ତପସ୍ଵିନୀ । ଘର ବାହାରେ ଗୋଟିଏ ସ୍କୁଟି ସନ୍ଦେହଜନକ ଭାବେ ବାରମ୍ବାର ବୁଲୁଥିବାର ମଧ୍ୟ ଦେଖିଥିଲେ ତପସ୍ଵିନୀ ।
ବାହାରେ ପୋଲିସକର୍ମୀ ମୁତୟନ ଥାଇ ମଧ୍ୟ ସେମାନଙ୍କ ଆଖି ଆଢୁଆଳରେ କିପରି ଖସି ପଳାଇଲେ ସୁମିତ ଏହା ପ୍ରଶ୍ନ କରୁଛନ୍ତି ତପସ୍ଵିନୀ । ସୁମିତଙ୍କୁ ଫେରାର ହେବାରେ ପୋଲିସ ମଧ୍ୟ ସାହାଯ୍ୟ କରିଛି ବୋଲି କହୁଛନ୍ତି । ତେବେ ସୁମିତ ଗୋଟିଏ ସ୍କୁଟିରେ ଫେରାର ହୋଇଯିବା ଶୁଣିବା ପରେ କଣ ହେଲା ବୋଲି ଭାବି ଘରଭିତରୁ ଦୌଡି ଆସିଥିଲେ ତପସ୍ଵିନୀ । ଆଉ ସୁମିତ ଫେରାର ହୋଇଯିବା ଶୁଣି ସେ ମୁଣ୍ଡ ବୁଲାଇ ପଡି ଯାଇଥିଲେ ଓ ତାଙ୍କ ହାତ, ଗୋଡ ମଧ୍ୟ ମାଡ ହୋଇ ଯାଇଥିଲା ।
ତେବେ ତପସ୍ଵିନୀ ଚାହାନ୍ତି କି ଆଉ ଦ୍ଵିତୀୟ ତପସ୍ଵିନୀ ଏବଂ ସୁମିତ ନ ବାହାରନ୍ତୁ, ସେଥିପାଇଁ ଦୋଷୀମାନଙ୍କୁ କଠିନରୁ କଠିନ ଦଣ୍ଡ ଦିଆଯାଉ ବୋଲି ସେ କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।