ବହୁଚର୍ଚ୍ଚିତ ତପସ୍ଵିନୀ ଏବଂ ସୁମିତଙ୍କ ମାମଲାରେ ଏବେ ନୂଆ ଟ୍ଵିଷ୍ଟ ଆସିଛି । କୋର୍ଟ ସେମାନଙ୍କୁ ସାତଦିନ ଏକାଠି ରହିବାକୁ ନିର୍ଦ୍ଦେଶ ଦେଇଥିଲେ । ଆଉ କୋର୍ଟଙ୍କ ଆଦେଶ ଅନୁସାରେ ସେମାନେ ଏକାଠି ରହୁଥିଲେ ମଧ୍ୟ । କିନ୍ତୁ ସାତଦିନର ଅବଧି ପୁରା ହେବା ପରେ କୋର୍ଟ ସେମାନଙ୍କୁ ଏକାଠି ରହିବାକୁ ପରାମର୍ଶ ଦେଇଥିଲେ । ପୂର୍ବ ଭଳି କଟକଣା ମଧ୍ୟ ଉଠାଇ ଦେଇଥିଲେ । ପ୍ରଥମ ସାତ ଦିନ ସୁମିତ ଓ ତପସ୍ଵିନୀ ଏକାଠି ରହିବା ସମୟରେ ସେମାନଙ୍କୁ କେତେକେ ସର୍ତ୍ତ ମାନିବାକୁ କୋର୍ଟ କହିଥିଲେ ।
ସେହି ସର୍ତ୍ତ ଅନୁଯାୟୀ ଉଭୟଙ୍କ ପରିବାର ଲୋକ ସେମାନଙ୍କୁ କେହି ଯୋଗାଯୋଗ କରିପାରିବେ ନାହିଁ କି ସେମାନଙ୍କ ପାଖକୁ ଆସିପାରିବେ ନାହିଁ ବୋଲି କୋର୍ଟ କହିଥିଲେ । ଏହାସହ ତପସ୍ଵିନୀ ଏବଂ ସୁମିତ ଉଭୟଙ୍କୁ ସ୍ଵାମୀ ସ୍ତ୍ରୀ ଭଳି ଚଳିବାକୁ କହିଥିଲେ । ଆସ୍କା ଆଇଆଇସିଙ୍କୁ ସେମାନଙ୍କ ରହିବା ପାଇଁ ଭଡାଘର ଖୋଜିବାକୁ ସେ ନିର୍ଦ୍ଦେଶ ଦେଇଥିଲେ । ଏହାସହ ବିଦ୍ୟୁତ, ପାଣି ଏବଂ ସମସ୍ତ ଘରୋଇ ଉପକରଣ ସୁବିଧା ଥିବା ଏକ ଘର ସେମାନଙ୍କ ପାଇଁ ଖୋଜି ଦେବାକୁ କହିଥିଲେ ।
ସେମାନଙ୍କ ରହଣି ସମୟର ସମସ୍ତ ଭାର ସୁମିତ ଉଠାଇବେ ବୋଲି କୋର୍ଟ କହିଥିଲେ । ସୁମିତ ଓ ତପସ୍ଵିନୀଙ୍କ ମଧ୍ୟରେ ଯେପରି କୌଣସି ଘରୋଇ ହିଂସା ଦେଖା ନଦେବ ସେଥିପ୍ରତି ନଜର ରଖିବାକୁ ସେମାନଙ୍କ ଘର ବାହାରେ ସୁରକ୍ଷାକର୍ମୀଙ୍କୁ ମଧ୍ୟ ମୁତୟନ କରିଥିଲେ । ତପସ୍ଵିନୀଙ୍କୁ ମଧ୍ୟ ସ୍ତ୍ରୀର କର୍ତ୍ତବ୍ୟ ତୁଲାଇବା ସହ ସୁମିତଙ୍କ ସହଯୋଗ କରିବାକୁ କହିଥିଲେ କୋର୍ଟ । ତେବେ ତପସ୍ଵିନୀଙ୍କ କହିବା ଅନୁଯାୟୀ ସୁମିତ ପ୍ରଥମ ଦିନ ତାଙ୍କ ସହ ରହିବା ସହ ଦ୍ଵିତୀୟ ଦିନ ୧୧ଟାରେ ହସ୍ପିଟାଲ ବାହାରି ଯାଇଥିଲେ ।
ପ୍ରତ୍ଯେକ ଦିନ ସୁମିତ ଦିନ ୧୧ଟା ପାଖାପାଖି ହସ୍ପିଟାଲ ବାହାରି ଯାଉଥିଲେ ଏବଂ ରାତି ପ୍ରାୟ ୯ଟା ଭିତରେ ଫେରି ଆସୁଥିଲେ । ତପସ୍ଵିନୀଙ୍କ ସହ ମିଶିକରି ଖିଆପିଆ କରୁଥିଲେ ଏବଂ ଭଲ ବ୍ୟବହାର ମଧ୍ୟ କରୁଥିଲେ । କିନ୍ତୁ ଫେରାର ହେବା ପୂର୍ବ ରାତି ଫୋନରେ କଥା ହେବା ପରେ ସେ ରୁମ୍ କୁ ଯିବେ ନାହିଁ ବରଂ କିଛି ସମୟ ବାହାରେ ବସିବେ ବୋଲି କହି ସେ ବାରଣ୍ଡାରେ ଚେୟାର ଯୋଡିକରି ଶୋଇଥିଲେ ।
ଏହାପରେ ତପସ୍ଵିନୀ ମଧ୍ୟ ତାଙ୍କ ପାଖେ ଯାଇ ବରଣ୍ଡାରେ ଶୋଇଥିଲେ । ଏବଂ ପରଦିନ ସକାଳୁ ସୁମିତ ୯ଟା ବେଳୁ ହିଁ ଅଫିସ ବାହାରି ଯାଇଥିଲେ । ଆଉ ତପସ୍ଵିନୀ ତାଙ୍କୁ ଫୋନ କରିବା ବେଳେ ତାଙ୍କ ନମ୍ବର ମଧ୍ୟ ଅଫ୍ ଆସିଥିଲା । ଏକ ଭିଡିଓ ବନେଇ ତପସ୍ଵିନୀ ଏହି ସବୁ କଥା ପ୍ରକାଶ କରିଥିଲେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।