ଅଭିନେତା ପିଣ୍ଟୁ ନନ୍ଦଙ୍କୁ 50 ହଜାର ଟଙ୍କାର ଚେକ୍ ଠକେଇ କରିବା ପରେ ଓଡିଆ ଫିଲ୍ମ ପ୍ରଯୋଜକଙ୍କୁ ନେଇ ଏବେ ସବୁ ଆଡେ ଚର୍ଚ୍ଚା । ନିଜକୁ ଫିଲ୍ମ ପ୍ରଯୋଜକ କହୁଥିବା ଯୁବକ ପିଣ୍ଟୁ ନନ୍ଦଙ୍କୁ 50 ହଜାର ଟଙ୍କାର ଚେକ୍ ଦେଇଥିଲେ । କିନ୍ତୁ ଚେକ୍ ଟି ବାଉନ୍ସ ହେବା ପରେ ଯୁବକଙ୍କ ଅସଲ ଚେହେରା ସାମ୍ନାକୁ ଆସିଥିଲା । ହେଲେ ଗଣମାଧ୍ୟମ ସାମ୍ନାରେ ବେଶ ବଡ ବଡ କଥା କହିଥିଲେ ପ୍ରଯୋଜକ ଜଣକ । ଆଉ ଏବେ ତାଙ୍କ ନିଜ ମା’ ତନକର ସବୁ ପୋଲ ଖୋଲି ଦେଇଛନ୍ତି ।
ସୁତ୍ରାଂଶୁ ନାମରେ ନିଜର ପରିଚୟ ଦେଇ ନିଜକୁ ଫିଲ୍ମ ପ୍ରଯୋଜକ କହୁଥିବା ଯୁବକଙ୍କ ଅସଲ ନାଁ ହେଉଛି ଦୀପ୍ତିରଞ୍ଜନ ମହାନ୍ତି । ଯାହାକି ତାଙ୍କ ମା’ ସ୍ପଷ୍ଟ କରିଛନ୍ତି । ମାଉସୀଙ୍କ କହିବା ଅନୁଯାୟୀ, ସୁତ୍ରାଂଶୁଙ୍କ ପିଲାବେଳୁ ମୁଣ୍ଡ ଟିକେ ଖରାପ ଥିଲା । ସେଥିପାଇଁ ସେ ମେଡ଼ିସିନ ମଧ୍ୟ ଖାଉଥିଲେ । ହେଲେ ଏବେ ଆଉ ମେଡ଼ିସିନ ଖାଉ ନାହାନ୍ତି ବରଂ ନିଶାପାଣି ଖାଇ ଫିଲ୍ମ ଇଣ୍ଡଷ୍ଟ୍ରିର କେତେକ ଲୋକଙ୍କ ସହ ବୁଲୁଛନ୍ତି ।
ଦୀପ୍ତିରଞ୍ଜନ ଭୁବନେଶ୍ବରରେ ଟେଣ୍ଟ କାମ କରନ୍ତି, ହେଲେ ସବୁବେଳେ ଲୋକେ ତାଙ୍କ ଜିନିଷପତ୍ର ମାଡି ବସନ୍ତି ଓ ତାଙ୍କୁ ଟଙ୍କା ଦିଅନ୍ତିନି । ଏମିତିରେ ଟଙ୍କା ପାଇବା ବଦଳରେ ତାଙ୍କୁ ବାରମ୍ବାର ଟଙ୍କା ଗଣିବାକୁ ପଡେ । ପୁଅ ପାଇଁ ମା’ ନିଜେ ମଧ୍ୟ ଖୁବ ହଇରାଣ ହୁଅନ୍ତି । ସେ ନିଜେ ଅନେକ ଥର ଧାର ଉଧାର କରି ପୁଅ ପାଇଁ ଟଙ୍କା ସୁଝିଥିବା କହିଛନ୍ତି । ମାଉସୀ କହିଛନ୍ତି ତାଙ୍କ ପୁଅ ପାଖରେ ଟଙ୍କାଟିଏ ବି ନାହିଁ ।
ବର୍ଷେ ତଳେ ସେ ବାହା ହେଇଛି । ଖାଇବା ପାଇଁ ପଇସାପତ୍ର ନାହିଁ ସେଥିପାଇଁ ତାଙ୍କ ପାଖକୁ ଆସି ଟଙ୍କା ମାଗିକରି ନିଏ । ଏମିତିକି ଦୁଇ ଦିନ ତଳେ ଆସି ଦୁଇ ହଜାର ଟଙ୍କା ତାଙ୍କଠୁ ନେଇକି ଯାଇଛି ବୋଲି ମାଉସୀ କହିଛନ୍ତି । ତାଙ୍କ କହିବା ଅନୁଯାୟୀ, ଫିଲ୍ମ ଲାଇନର କିଛି ଲୋକ ଫିଲ୍ମରେ କାମ ଦେବେ କହି ତାଙ୍କ ପୁଅକୁ ଅବାଟରେ ନେଉଛନ୍ତି । ସେସବୁ କାମ ଛାଡି ସେ ଯଦି ଅଲଗା କେଉଁ କାମ କରନ୍ତା ତେବେ ଯାଇ ସେ ଖୁସି ହୁଅନ୍ତେ ।
ଖାଲି ସେତିକି ନୁହେଁ ବରଂ ଦୀପ୍ତିରଞ୍ଜନ ଅନେକ ଥର ଗିରଫ ମଧ୍ୟ ହୋଇଥିବା କହିଛନ୍ତି ତାଙ୍କ ମା’ । ତେବେ ମାଉସୀ ଜଣକ କେବଳ ଚାହାନ୍ତି କି ତାଙ୍କ ପୁଅ ଭଲ ମଣିଷ ହେଉ ଓ ଭଲ ବାଟକୁ ଆସୁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।