ଝିଅଟି ଦେଖିବାକୁ ଯେମିତି ସୁନ୍ଦରୀ ଥିଲା ଗୁଣ ବି ଠିକ ସେମିତି । କିନ୍ତୁ ସେଇ ସୁନ୍ଦରୀ ଗୁଣବତୀ ଝିଅ ପିଙ୍କି ଆଉ ଫେରି ଆସିବନି । କାରଣ ଅଫେରା ରାଇଜକୁ ବାଛି ନେଇଛି ପିଙ୍କି । ଗାଁରେ ସମସ୍ତେ ପିଙ୍କିକୁ ଭଲ ପାଉଥିଲେ କାରଣ ପିଙ୍କି ସିଲେଇ ଶିଖିଥିଲା । ଗାଁ ସାରା ସମସ୍ତଙ୍କ ଘରୁ ଛୋଟ ମୋଟ ସିଲେଇ କାମ ଆଣି ସେ ଘରେ କରୁଥିଲା । ସମସ୍ତଙ୍କ ମନ ମୁତାବକ ସିଲେଇ କାମ କରି ସେଥିରୁ ସେ ନିଜ ପାରିଶ୍ରମିକ ପାଏ । ସେଥିପାଇଁ ପିଙ୍କିର ଲୋକସମ୍ପର୍କ ଖୁବ ଭଲ ।
ଗାଁ ଛକରେ ପିଙ୍କି ଗୋଟିଏ ଦୋକାନଟିଏ କରିଥିଲା । କିନ୍ତୁ ହଠାତ ସେଦିନ ପିଙ୍କି ଦୋକାନକୁ ଯିବନି ବୋଲି କହିଲା । ମା’କୁ କହିଲା ତୁ ଯା ଖାଲି ଦୋକାନରେ ପୂଜା କରିଦେଇ ଆସିବୁ । ସରପଞ୍ଚ ଓ ତାଙ୍କ ସମର୍ଥକଙ୍କ ଟାହିଟାପରା ଆଉ ସହି ହେଉନି ସେଥିପାଇଁ ଦୋକାନକୁ ଯିବାକୁ ଇଚ୍ଛା ନାହିଁ ବୋଲି କହିଥିଲା ପିଙ୍କି । ଆଜି ଭଲ ଲାଗୁନି ମୁଁ ଦୋକାନ ଖୋଲିବାକୁ ଯାଇ ପାରିବିନି ମା କହି ଘରେ ରହିଥିଲା ପିଙ୍କି । ଏକଥା ଶୁଣି ମା ଦୋକାନକୁ ବାହାରି ଯାଇଥିଲେ ।
କିନ୍ତୁ ଦୋକାନ ପୂଜା ସାରି ଘରକୁ ଫେରି ଦେଖନ୍ତି ତ ତାଙ୍କ ଝିଅ ଆଉ ଏ ଦୁନିଆରେ ନାହିଁ । ଝିଅ ପିଙ୍କି ନିଜ ଜୀବନ ହାରି ଦେଇଥିବା ଦେଖି ଏହାକୁ ସହଜରେ ଗ୍ରହଣ କରି ପାରୁନାହିଁ ମାଆ । ଝିଅ କଥା ଶୁଣି ୧୦ ମିନିଟ ପାଇଁ ଦୋକାନକୁ ଯାଇଥିଲେ କିନ୍ତୁ ଏପଟେ ତାଙ୍କ ଅଲିଅଳି ଝିଅକୁ ସବୁଦିନ ପାଇଁ ହରେଇ ଦେଲା ମା । ଆଉ ତା’ପରେ ପୋଲିସ ବାବୁକୁ ଫୋନ କରି କହିଛନ୍ତି ମୋ ସମସ୍ୟାର କିଛିବି ସମାଧାନ କଲନି ଆଉ ଆଜି ମୋ ଝିଅ ମରିଗଲା । ଏଭଳି ଏକ ଛାତିଥରା ଘଟଣା ସାମ୍ନାକୁ ଆସିଛି କେନ୍ଦ୍ରପଡା ଜିଲ୍ଲା ପାଟକୁରା ଥାନା ଅନ୍ତର୍ଗତ ମହୁମୁଦା ଗାଁରୁ ।
ସେହି ଗ୍ରାମର ସୁଧାଂଶୁ ଶୁଭଦର୍ଶିନୀ ସ୍ଵାଇଁ ଓରଫ ପିଙ୍କି ଏହି ଗାଁର ସରପଞ୍ଚ ଓ ତାଙ୍କ ସମର୍ଥକଙ୍କ ଟାହିଟାପରା ସହି ନପାରି ନିଜ ଜୀବନ ହାରି ଦେଇଛନ୍ତି । ଜୁନ ୧୭ ତାରିଖ ଦିନ ତାଙ୍କ ପରିବାର ସହ ସ୍ଥାନୀୟ ସରପଞ୍ଚଙ୍କର କିଛି କଳହ ହୋଇଥିଲା । ଏହାର ସମାଧାନ ପାଇଁ ପିଙ୍କିର ପରିବାର ଲୋକେ ଥାନାର ଦ୍ଵାରସ୍ଥ ହୋଇଥିଲେ । ପୋଲିସ ଉଭୟଙ୍କ ପରିବାରକୁ ସମାଧାନ ପାଇଁ ଡ଼ାକିଥିଲେ ହେଲେ ସରପଞ୍ଚ ଆସିଥିଲେ ।
ପିଙ୍କିର ପରିବାର ଗାଁକୁ ଫେରିବା ପରେ ସରପଞ୍ଚଙ୍କ ସମର୍ଥକମାନେ ଅନେକ ଟାହିଟାପରା କଲେ ଓ ଅସଭ୍ୟ ଭାଷାରେ ଗାଳିଗୁଲଜ ମଧ୍ୟ କଲେ । ପିଙ୍କି ଦୋକାନ ଖୋଲିବାକୁ ଯିବାବେଳେ ତାଙ୍କୁ ଏଭଳି ଟାହିଟାପରାର ସାମ୍ନା କରିବାକୁ ପଡେ । ସବୁଦିନ ଏଭଳି ହେବାରୁ ପିଙ୍କିଙ୍କ ପାଇଁ ଏହା ଅସହ୍ୟ ହୋଇ ଯାଇଥିଲା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।