ଶୀତଦିନେ ପାରଦ ଟିକେ ତଳକୁ ଖସିଲେ ଏଠି ଆମେ କବାଟ ଝରକା କିଳି ଡବଲ କମ୍ବଳ ତଳେ ଶୋଇ ପଡୁଛୁ । କିନ୍ତୁ ସୀମାରେ ଆମ ଦେଶର ସୁରକ୍ଷା କରୁଥିବା ଯବାନଙ୍କ କଥା ଟିକେ ଚିନ୍ତା କରନ୍ତୁ । ସେମାନଙ୍କ ପାଖେ ନା ଛାତ ନାହିଁ କି କେଇ ମୂହୁର୍ତ୍ତ ପାଇଁ ମୁଣ୍ଡ ଗୁଞ୍ଜିବା ପାଇଁ ଗଛ ଟିଏ ବି ନାହିଁ । ତୁହାକୁ ତୁହା ଚାରିଆଡେ ବରଫ ବର୍ଷା ସାଙ୍ଗକୁ ଦାନ୍ତକୁ ଦାନ୍ତ ମାଡ କରିଦେବା ଭଳି ଜାଡୁଆ ପବନ । ଏତେ ବରଫ ବର୍ଷୁଛି ଯେ ଯବାନଙ୍କ ଯବାନଙ୍କ ମୁଣ୍ଡରୁ ପିଟି ଯାଏଁ ପିଟି ହୋଇ ଆଣ୍ଠୁଏ ଯାଏଁ ବରଫ ଗଦା ହୋଇଗଲାଣି ।
ଦେଶର ସୀମା ସୁରକ୍ଷା କି ଏମିତି ବି ନିଜକୁ ସମର୍ପିତ କରି ଦେଇପାରେ ତାହା ଏହି ଯବାନଙ୍କୁ ଦେଖିଲେ ଜଣାପଡେ । ଏତେ ଥଣ୍ଡା ବରଫ ମାଡରେ ଏହି ବନ୍ଧୁକଧାରୀ ଯବାନଙ୍କୁ ପହରା ଦେଉଥିବା ଦେଖିଲେ ଦେହରେ ଶିହରଣ ଖେଳି ଯାଉଛି । ହାତରେ ରାଇଫଲ ନାମ ଅସ୍ତ୍ର ଧରି ଜାଗ୍ରତ ପ୍ରହରୀ ସାଜି ଛିଡା ହୋଇଥିବା ଯବାନଙ୍କ ପାଇଁ ଆମ ଆମ ଛତି ଗର୍ବରେ ଫୁଲି ଉଠୁଛି । ଏହି ଭିଡିଓଟି ଆସିଛି ଜାମୁ-କାଶ୍ମୀର ସୀମାରୁ । ପ୍ରତିରକ୍ଷା ମନ୍ତ୍ରଣାଳୟ ଉଦମପୁର ଅଫିସିଆଲ ଟ୍ବିଟରରେ ଯବାନଙ୍କ ସମର୍ପଣର ଏହି ଭିଡିଓ ପୋଷ୍ଟ କରିଛନ୍ତି ।
ଯେଉଁଥିରେ ଲେଖାଅଛି, “ଆମ ଲକ୍ଷ୍ୟ ସ୍ଥଳରେ ଆମେ ହୁଏତ ସହଜରେ ପହଞ୍ଚି ପାରିବା ନାହିଁ । କିନ୍ତୁ ଦୃଢ ଇଚ୍ଛାଶକ୍ତି ଆଉ ବଳିଦାନ ଦ୍ଵାରା ଆମେ ଆମ ଲକ୍ଷ ହାସଲ କରିପାରିବା । ଆମକୁ ଜୀବନ ଗୋଟିଏ ଥର ପାଇଁ ମିଳିଛି । ହେଲେ ଦେଶ ମାତୃକା ପାଇଁ ବଳିଦାନ ଦେବ କିଏ ? ଏମିତି ପଥର ଭଳି ସୀମାରେ ଛିଡା ହେବ କିଏ ?”
ଏହି ଭିଡିଓକୁ ଆମେ ଅଧିକ କଣ ବା ବର୍ଣ୍ଣନା କରିପାରିବୁ । ମାଇନସ ଡିଗ୍ରୀ ତାପମାତ୍ରାରେ ହାତରେ ବନ୍ଧୁକ ଧରି କେମିତି ଭାରତ ମାଆର ସୁରକ୍ଷା କରୁଛନ୍ତି ଆମର ବୀର ଯବାନ । ଥଣ୍ଡା ଏମିତି ଯେ ରକ୍ତ ବି ବରଫ ହୋଇଯିବ । ଆଉ ଏଭଳି ତାପମାତ୍ରାରେ ବି ଭାରତ ମାଆର ସେବା କରି ଚାଲିଛନ୍ତି ତା ବୀର ପୁଅମାନେ । ସତରେ ଦେହରେ କେଇ ଆସ୍ତରଣ ଥିବା ଜ୍ୟାକେଟ, ବରଫ ସହୁ ନଥିବା ହାତ ଗ୍ଲୋବ୍ସ, ଆଖି ପାଉ ନଥିବା କୁହୁଡି ବର୍ଷା ଆଉ ଆଣ୍ଠୁଏ ବରଫରେ ଛିଡା ହେବା କାମ କେବଳ ଜଣେ ସାହସୀ ଯବାନ ହିଁ କରିପାରିବ ।
ଦେଶ ମାତୃକା ପାଇଁ ତାଙ୍କ ହୃଦୟରେ ଥିବା ସମର୍ପଣ ଭାବ ହିଁ ତାଙ୍କ ବୀରତ୍ଵର ପରିଚୟ । ଏତେ କଷ୍ଟ ସହି ଆମକୁ ସୁରକ୍ଷିତ ରଖିଥିବା ଭାରତୀୟ ଯବାନ ମାନଙ୍କୁ ଆମର ଶହେ ସଲାମ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।