ମଣିଷ ଉତ୍ତମ କର୍ମ କଲେ ଉତ୍ତମ ଫଳ ଭୋଗିଥାଏ କିନ୍ତୁ ମନ୍ଦ କର୍ମର ମନ୍ଦ ପରିଣାମ ଭୋଗିବାକୁ ପଡିଥାଏ ବୋଲି ଶାସ୍ତ୍ରରେ ଉଲ୍ଲେଖ ରହିଛି । ଅନେକ ଭବିଥାନ୍ତି କି ଏହି ଜନ୍ମର ଫଳ ଆମେ ଆରଜନ୍ମରେ ଭୋଗିଥାଉ ବୋଲି । କିନ୍ତୁ ଏହା ସଂପୂର୍ଣ୍ଣ ଭୁଲ ଅଟେ । ଏହି ଜନ୍ମର ଫଳ ଆମେ ଏହି ଜନ୍ମରେ ହିଁ ଭୋଗିକି ଯାଇଥାଉ । ତେବେ ଗରୁଡ ପୁରାଣ ଅନୁସାରେ କେଉଁ କର୍ମ କଲେ କେଉଁ ଜନ୍ମ ମିଳିଥାଏ ଆସନ୍ତୁ ଜାଣିବା ।
ଯଦି କେହି ସନ୍ନ୍ୟାସୀ ହୋଇଯାନ୍ତୁ ଏବଂ ଏହାପରେ ମଧ୍ୟ ନିଜ ସ୍ତ୍ରୀ ସହ ହେଉ କିମ୍ବା ଅନ୍ୟ କାହା ସହ ସମ୍ଭୋଗ କରୁଛନ୍ତି ତେବେ ସେହି ବ୍ୟକ୍ତି ବିଷ୍ଠାରେ କୃମି ହୋଇ ଜନ୍ମ ନେଇଥାଏ । ତେଣୁ ଯଦି କେହି ସନ୍ନ୍ୟାସ ନେଇଛନ୍ତି ତେବେ ଯେତେ ପ୍ରଲୋଭନ ଆସିଲେ ମଧ୍ୟ କେବେ କୌଣସି ସ୍ତ୍ରୀ ସହ ସମ୍ପର୍କ ରଖିବା ଉଚିତ ନୁହେଁ । ଯଦି କେହି କଳି କରିବାକୁ ଭଲ ପାଏ କିମ୍ବା ଥରେ କାହା ଝଗଡା ଆରମ୍ଭ କଲେ ତାହା ବନ୍ଦ ହୁଏ ନାହିଁ ତେବେ ସେହି ବ୍ୟକ୍ତି ପରଜନ୍ମରେ ବିରାଡି ହୋଇ ଜନ୍ମ ନେଇଥାଏ ।
ସେଥିପାଇଁ ସବୁବେଳେ ରାଉ ରାଉ ହେବା ବନ୍ଦ କରିଦେବା ଉଚିତ । ଯେଉଁ ବ୍ୟକ୍ତି ବିନା କାରଣରେ ସବୁବେଳେ ରାଉ ରାଉ ହୁଏ ବା ଆଡବାୟା ପରି ହୁଏ ସେ ପରଜନ୍ମରେ କାଉ ହୋଇ ଜନ୍ମ ନିଏ । ଯେଉଁ ବ୍ୟକ୍ତି ଅତ୍ୟନ୍ତ ଲୋଭୀ ପ୍ରକୃତିର ହୋଇଥାନ୍ତି ସେ ପରଜନ୍ମରେ ଛେଳି ହୋଇ ଜନ୍ମଲାଭ କରିଥାନ୍ତି ।
ଯେଉଁମାନେ ପରନାରୀ କିମ୍ବା ପରଧନ ହରଣ କରିଥାନ୍ତି ସେମାନେ ପରଜନ୍ମରେ କଙ୍କଡା ହୋଇ ଜନ୍ମ ନେଇଥାନ୍ତି । ଯେଉଁମାନେ ଅଖାଦ୍ଯ ଭୋଜନ କରିଥାନ୍ତି ସେମାନେ ପରଜନ୍ମରେ ଘୁଷୁରି ହୋଇ ଜନ୍ମ ଗ୍ରହଣ କରିଥାନ୍ତି । ଯେଉଁ ବ୍ୟକ୍ତିମାନେ ବାକ୍ ଯୁଦ୍ଧରେ ପ୍ରବୀଣ ଏବଂ ସବୁବେଳେ କଳି କରିବାକୁ ଭଲ ପାଆନ୍ତି ଓ ହିଂସା ଆଚରଣ କରନ୍ତି ସେ ପରଜନ୍ମରେ କୁକୁର ଜନ୍ମ ପାଆନ୍ତି । ଯେଉଁମାନେ ଅତି ଜିଦଖୋର ଓ ସବୁ କଥାରେ ମାଲି ମକଦ୍ଦମା କରିବାକୁ ଭଲ ପାଆନ୍ତି ସେମାନେ ମୃତ୍ୟୁ ପରେ ମେଣ୍ଢା ହୋଇ ଜନ୍ମ ଲାଭ କରନ୍ତି ।
ଯିଏ ବିନା ଦୋଷରେ ଅନ୍ୟକୁ ଦଣ୍ଡ ଦିଏ ଏବଂ ସର୍ବଦା ଫଁ ଫଁ ହୁଏ ସେ ପରଜନ୍ମରେ ସର୍ପ ହୋଇ ଜନ୍ମ ଗ୍ରହଣ କରିଥାଏ । ଯିଏ ପିତାମାତାକୁ ଅଭାଷା କୁହେ ଓ ସମ୍ମାନ ଦିଏ ନାହିଁ ସେ ପରଜନ୍ମରେ ମୂକ ହୋଇ ଜନ୍ମ ନେଇଥାଏ ।
ଯିଏ ପରନାରୀ, ପରନାରୀ ସ୍ତ୍ରୀ, ପରଝିଅ ଓ ପର ବୋହୂ ସହ ବହୁ ବାର ସଙ୍ଗମ କରେ ସେ ସାତ ଜନ୍ମ ଯାଏଁ ନର୍କ ଭୋଗ କରିଥାଏ । ଗରୁଡ ପୁରାଣ ଅନୁସାରେ ଆପଣ ଯଦି ଏପରି କିଛି ଭୁଲ କରୁଥିବେ ତେବେ ମନେ ରଖନ୍ତୁ ଆପଣ ସାତ ଜନ୍ମ ଯାଏଁ କେବେବି ମଣିଷ ହୋଇ ଜନ୍ମ ନେବେ ନାହିଁ ।
ଯଦି କିଛି ଭୁଲ କାର୍ଯ୍ୟ କରୁଛନ୍ତି ତେବେ ତାହା ପରିତ୍ୟାଗ କରି ପ୍ରାୟଶ୍ଚିତ କରନ୍ତୁ । ନହେଲେ ଏହିସବୁ ଦଣ୍ଡ ଭୋଗିବାକୁ ପଡିପାରେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।