ମାର୍ଚ୍ଚ ୮ ତାରିଖ ଦିନ ପାଳିତ ହୋଇଛି ବିଶ୍ଵ ମହିଳା ଦିବସ । ଏହି ଅବସରରେ ରାଜ୍ୟରେ ମହିଳାଙ୍କ ସୁରକ୍ଷା ଓ ସଶକ୍ତିକରଣକୁ ଦୃଢୀଭୂତ କରିବା ପାଇଁ କମିଶନରେଟ ପୋଲିସ ପକ୍ଷରୁ ଅଲ ୱମେନ ଏନଫୋର୍ସମେଣ୍ଟ ଡ୍ରାଇଭ ଆରମ୍ଭ କରାଯାଇଛି । ଏଣିକି ଗଳିକନ୍ଦି ରାସ୍ତାରେ ବାଇକରେ ବୁଲି ଗାଡିଚାଳକଙ୍କୁ ସଚେତନ ସହ ଆଇନ ଖିଲାପକାରୀଙ୍କୁ ଫାଇଁ କତିବେ ମହିଳା ପୋଲିସ । ଏଥିପାଇଁ ଗତକାଲି କମିଶନରେଟ ପୋଲିସରେ କାର୍ଯ୍ୟରତ ମହିଳାମାନେ ବାଇକ ରାଲି କରିବା ସହ ଟ୍ରାଫିକ ବ୍ୟବସ୍ଥାର ମଧ୍ୟ ଯାଞ୍ଚ କରୁଥିବାର ଦେଖିବାକୁ ମିଳିଥିଲା ।
ମହିଳା ଦିବସ ଏବଂ ପୌର ନିର୍ବାଚନକୁ ଆଖି ଆଗରେ ରଖି ରାଜଧାନୀରେ ଅଲ ୱମେନ ଏନଫୋର୍ସମେଣ୍ଟ ଡ୍ରାଇଭ କମିଶନରେଟ ପୋଲିସ ପକ୍ଷରୁ ଆରମ୍ଭ ହୋଇଛି । ଏହି ଏନଫୋର୍ସମେଣ୍ଟ ଡ୍ରାଇଭ ପାଇଁ ମହିଳା ଅଧିକାରୀ ମାନଙ୍କୁ ଦାୟିତ୍ଵ ଦିଆଯାଇଛି । ଏନଫୋର୍ସମେଣ୍ଟ ଡ୍ରାଇଭ କମିଶନରେଟ ପୋଲିସ କାର୍ଜ୍ୟାଳୟରୁ ଆରମ୍ଭ ହୋଇ ଇନଫୋସିଟି ଥାନା ଯାଏ ହୋଇଥିଲା ।
ତେବେ ରାସ୍ତାରେ ଟ୍ରାଫିକ ନିୟମ ଉଲ୍ଲଂଘନ କରିଥିବା ଗାଡିଚାଳକ, ରାସ୍ତା ଉପରେ ଗାଡି ପାର୍କିଂ କରିଥିବା ବ୍ୟକ୍ତି ଓ ବିନା ହେଲମେଟରେ ଗାଡି ଚଲାଉଥିବା ଚାଳକଙ୍କ ଠାରୁ ଚାଲାଣ କଟିଥିଲା ଏହି ଏନଫୋର୍ସମେଣ୍ଟ ସ୍କ୍ବାଡ । ଏଥିସହିତ ଲୋକଙ୍କୁ ଟ୍ରାଫିକ ନିୟମ ବିଷୟରେ ମଧ୍ୟ ଏହି ସ୍କ୍ବାଡ ସଚେତନ କରିଥିଲା । ଏହି ସମୟରେ ଟ୍ରାଫିକ ନିୟମ ଉଲ୍ଲଂଘନ କରି ଯାଉଥିବା ଏକ ଗାଡି ଉପରକୁ ଡେଇଁ ତାକୁ ଧରିବାକୁ ଚେଷ୍ଟା କରିଥିଲେ ଜଣେ ମହିଳା ପୋଲିସ ଅଧିକାରୀ । ଯାହା ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା ଓ ଏହି ଘଟଣାର ଭିଡିଓ ମଧ୍ୟ ଭାଇରାଲ ହେଉଛି ।
ଆଇଜି କମିଶନରେଟ ପୋଲିସ ପକ୍ଷରୁ ପୋଲିସ କମିଶନରେଟ କାର୍ଜ୍ଯାଲୟରେ ଆନ୍ତର୍ଜାତୀୟ ମହିଳା ଦିବସ ମଧ୍ୟ ପାଳିତ ହୋଇଥିଲା ଓ ଏହି ଅବସରର ମହିଳା ଅଧିକାରୀ ମାନଙ୍କୁ ସମ୍ବର୍ଦ୍ଧିତ ମଧ୍ୟ କରା ଯାଇଥିଲା । ପୋଲିସ ସେବାରେ ମହିଳାଙ୍କ ଅବଦାନ ମଧ୍ୟ ଖୁବ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ । ଆଉ ମହିଳା ଦିବସ ଅବସରରେ ସେମାନଙ୍କ ଭୂମିକାକୁ ଆହୁରି ଗୁରୁତ୍ଵ ଦେବା ପାଇଁ ଏହିଭଳି ଏନଫୋର୍ସମେଣ୍ଟ ଡ୍ରାଇଭର ଆରମ୍ଭ କରୁଛୁ ବୋଲି ସେ କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି, ମହିଳା ଅଧିକାରୀ ମାନେ ଯେପ୍ରକାର ଭାବେ ଭଲ କାମ କରି ଆସିଛନ୍ତି ତାହା ଆଗକୁ ମଧ୍ୟ ଆହୁରି ଭଲ ଭାବେ ତୁଲାଇବେ ବୋଲି ତାଙ୍କର ବିଶ୍ବାସ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।