ବଙ୍ଗୋପସାଗରରେ ସୃଷ୍ଟ ଲଘୁଚାପ ଅବପାତର ରୂପ ନେଇ ସାରିଥିବା ବେଳେ ଆହୁରି ଅଧିକ ସକ୍ରିୟ ହେବାରେ ଲାଗିଛି । ଯାହାକି ଆଜି ଗଭୀର ଅବପାତର ରୂପ ନେବାକୁ ଯାଉଛି । ଆସନ୍ତା କାଲି ସକାଳେ ଏହି ଗଭୀର ଅବପାତରେ ବଙ୍ଗୋପସାଗରେ ବାତ୍ୟାର ରୂପ ନେବ । ବର୍ତ୍ତମାନ ସକ୍ରିୟ ଅବପାତ ଘଣ୍ଟାପ୍ରତି ୧୮ କିମି ବେଗରେ ଆଗକୁ ବଢିବାରେ ଲାଗିଛି । ବର୍ତ୍ତମାନ ଏହା ପୋର୍ଟବ୍ଲେୟାର ଠାରୁ ଉତ୍ତର- ପଶ୍ଚିମ ଦିଗରେ ୪୭୫ କିମି ଦୂରରେ କେନ୍ଦ୍ରୀଭୂତ ରହିଛି ।
ଆସନ୍ତା ୧୨ ଘଣ୍ଟା ମଧ୍ୟରେ ଗଭୀର ଅବପାତ ସୃଷ୍ଟି ହେବ ବୋଲି ପାଣିପାଗ ବିଭାଗ ସୂଚନା ଦେଇଛି । ଏହା ପରେ ଧୀରେ ଧୀରେ ଏହା ଦିଗ ପରିବର୍ତ୍ତନ କରି ଉତ୍ତର ଏବଂ ଉତ୍ତର- ପୂର୍ବ ଦିଗରେ ଗତି କରିବ ଏବଂ ଅଧିକ ଘନୀଭୂତ ହୋଇ ଆସନ୍ତା ସକାଳେ ଏହା ବାତ୍ୟାର ରୂପ ଧାରଣ କରିବ ଗଭୀର ଅବପାତ । ବାତ୍ୟାରେ ପରିଣତ ହେବା ପରେ ସମୁଦ୍ର ମଧ୍ୟରେ ବାଂଲାଦେଶ ଅଭିମୁଖେ ମୁହାଁଇବ ବାତ୍ୟା ସିତ୍ରାଙ୍ଗ । ବାତ୍ୟା ଯୋଗୁଁ ସମୁଦ୍ର ମଧ୍ୟରେ ତୀବ୍ର ସାମୁଦ୍ରିକ ଝଡ ହେବାର ସମ୍ଭାବନା ରହିଛି ।
ଆସନ୍ତା ୨୫ ତାରିଖ ସକାଳେ ବାତ୍ୟା ସିତ୍ରାଙ୍ଗ ବାଂଲାଦେଶ ଓ ପଶ୍ଚିମବଙ୍ଗ ଉପକୂଳର ତିନିକୋଣା ଦ୍ଵୀପ ସାଣ୍ଡୱିପ୍ ମଝିରେ ଏହା ଲ୍ୟାଣ୍ଡଫଲ କରିବ । ସ୍ଥଳଭାଗ ଛୁଇଁବା ବେଳକୁ ସିତ୍ରାଙ୍ଗ ପୁଣି ଥରେ ବାତ୍ୟାରେ ପରିଣତ ହୋଇ ସାରିଥିବ । ତେବେ ହେବାକୁ ଥିବା ଏହି ବାତ୍ୟା ଯୋଗୁଁ ଅନେକ ସ୍ଥାନରେ ଏହାର ପ୍ରଭାବ ଆଜି ଠାରୁ ଆରମ୍ଭ ହୋଇଯିବ । ବାତ୍ୟା ସିତ୍ରାଙ୍ଗ ଯୋଗୁଁ ପ୍ରବଳ ବର୍ଷା ଏବଂ ପବନ ହେବା ନେଇ ସୁଚାନ ଦେଇଛି ପାଣିପାଗ ବିଭାଗ ।
ଆଜି ପବନର ବେଗ ଘଣ୍ଟାପ୍ରତି ୫୫ ରୁ ୬୫ କିମି ହେବାସହ ଏହା କ୍ରମଶଃ ବଢି ୭୫ କିମି ପ୍ରତିଘଣ୍ଟା ମଧ୍ୟ ହୋଇପାରେ । କାଲି ଠାରୁ ପବନର ବେଗ ଆହୁରି ବୃଦ୍ଧି ପାଇବ । ଆସନ୍ତା କାଲି ଠାରୁ ପବନର ବେଗ ୮୦ ରୁ ୯୦ କିମି ପ୍ରତିଘଣ୍ଟା ଏବଂ ଝଟକା ପବନର ବେଗ ୧୦୦ କିମି ଯାଏଁ ରହିପାରେ । ସିଭିୟାର ସାଇକ୍ଳୋନିକ ଷ୍ଟର୍ମ ବେଳେ ସମୁଦ୍ର ଭିତରେ ୮୫ରୁ ୯୫ କିମି ବେଗ ପବନ ବୋହିବା ସହ ଝଟକା ପବନର ବେଗ ୧୦୫ କିମି ରହିବ ।
ଆଜିଠାରୁ ଓଡିଶା ଉପକୂଳରେ ବର୍ଷା ଆରମ୍ଭ ହେବାସହ ଆଜି ପାଇଁ କେନ୍ଦ୍ରପଡା, ଜଗତସିଂପୁର ଏବଂ ପୁରୀ ଜିଲ୍ଲାରେ ୟେଲୋ ବାର୍ଣ୍ଣିଙ୍ଗ ଦିଆଯାଇଛି । ୨୪ ଓ ୨୫ ତାରିଖକୁ ବର୍ଷାର ପରିମାଣ ଆହୁରି ବୃଦ୍ଧି ପାଇବ । ଏଥିପାଇଁ ବାଲେଶ୍ଵର ଭଦ୍ରକ, ଯାଜପୁର, କେନ୍ଦ୍ରପଡା, ଜଗତସିଂପୁର ଓ କଟକ ଜିଲ୍ଲାକୁ ୟେଲୋ ୱାର୍ଣ୍ଣିଂ ଦିଆଯାଇଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।