ସାଂସଦ ଅନୁଭବ ମହାନ୍ତିଙ୍କୁ ନେଇ ସାମ୍ନାକୁ ଆସିଛି ଆଉ ଏକ ବଡ ଖବର । ଆସନ୍ତା କାଲି ଅର୍ଥାତ ଅକ୍ଟୋବର ୧୭ ତାରିଖରେ ସାଂସଦ ଅନୁଭବ ମହାନ୍ତି ଓ ତାଙ୍କ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ମାମଲାର ଶୁଣାଣି ହେବାକୁ ଅଛି । ହେଲେ ଏହା ପୂର୍ବରୁ ହଠାତ ଆଜି ଥାନାର ଦ୍ଵାରସ୍ଥ ହୋଇଛନ୍ତି ସାଂସଦ ଅନୁଭବ ମହାନ୍ତି । ସେ ଅଭିଯୋଗ ଆଣିଛନ୍ତି କି, ତାଙ୍କ ନାମ ନେଇ ଡୋନେସନ ମଗାଯାଉଛି । କିଏ ଏବଂ କେମିତି ଡୋନେସନ ମାଗୁଛି ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ ।
ଅଭିଯୋଗ ଅନୁଯାୟୀ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ସାଂସଦ ଅନୁଭବ ମହାନ୍ତିଙ୍କ ନାଁରେ ଫେକ୍ ଆକାଉଣ୍ଟ ଖୋଲାଯାଇଛି । ଯାହାକୁ ନେଇ ଅନୁଭବଙ୍କୁ ଥାନାର ଦ୍ଵାରସ୍ଥ ହେବାକୁ ପଡିଛି । ଆଜି ଅନୁଭବ ମହାନ୍ତି କଟକ ସାଇବର ଥାନା ଓ ଅର୍ଥନୈତିକ ଅପରାଧ ଥାନାରେ ଏକ ଏତଲା ରୁଜୁ କରିଛନ୍ତି । ଆଉ ସବୁଠାରୁ ବଡ କଥା ହେଉଛି ଅନୁଭବ ମହାନ୍ତିଙ୍କ ନାଁରେ ଖୋଲା ଯାଇଥିବା ଏହି ଫେକ୍ ଆକାଉଣ୍ଟକୁ ପ୍ରାୟ ୧ଲକ୍ଷ ୯୪ହଜାର ଲୋକ ଫଲୋ କରୁଛନ୍ତି ।
ଆଉ ଏହି ପେଜ୍ ମାଧ୍ୟମରେ ଲୋକଙ୍କୁ ଡୋନେସନ ମଗା ଯାଉଥିବା ନଜର ଆସିଛି । ଯାହା ଅନୁଭବ ନିଜେ ତାଙ୍କ ଏତଲାରେ ଉଲ୍ଲେଖ କରିଛନ୍ତି । ଅନୁଭବଙ୍କ କହିବା କଥା ହେଉଛି, ଇନଷ୍ଟାଗ୍ରାମରେ କେହି ଜଣେ ତାଙ୍କ ନାଁରେ ଫେକ୍ ଆକାଉଣ୍ଟ ଖୋଲିଛି । ଆଉ ସେହି ଆକାଉଣ୍ଟ ମାଧ୍ୟମରେ ସମ୍ପୂର୍କ୍ତ ବ୍ୟକ୍ତି ବିଭିନ୍ନ ଲୋକଙ୍କୁ ଆର୍ଥିକ ସହାୟତା ମାଗୁଛି । ଆଉ ଅନ୍ୟପଟେ ସେହି ବ୍ୟକ୍ତିଜଣକ ଏହି ଫେକ୍ ଆକାଉଣ୍ଟରୁ ସାଂସଦ ଅନୁଭବ ମହାନ୍ତିଙ୍କୁ ବ୍ଲକ କରି ରଖିଛି ।
ଯେଉଁଥି ପାଇଁ ଇନଷ୍ଟାଗ୍ରାମ ପୋଷ୍ଟର ମେସେଜ ଗୁଡିକୁ ଅନୁଭବ ମହାନ୍ତି ନିଜେ ପଢି ପାରୁନାହାନ୍ତି କି ଜାଣି ପାରୁନାହାନ୍ତି । ସେହିଭଳି ଫେସବୁକରେ ମଧ୍ୟ ସମାନ ଢଙ୍ଗରେ ଆଉ ଏକ ଫେକ୍ ଆକାଉଣ୍ଟ ଖୋଲା ଯାଇଥିବା ଅଭିଯୋଗ କରିଛନ୍ତି ଅନୁଭବ । ତେଣୁ ଏହାର ତଦନ୍ତ କରି ସମ୍ପୃକ୍ତ ବ୍ୟକ୍ତିଙ୍କୁ ଲୋକଲୋଚନକୁ ଆଣିବା ସହ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ କେନ୍ଦ୍ରପଡା ସାଂସଦ ଅନୁଭବ ମହାନ୍ତି ଦାବି କରିଛନ୍ତି ।
ଏହାସହ ସେହି ଫେକ୍ ଆକାଉଣ୍ଟ ଗୁଡିକୁ ସ୍ଥାୟୀ ଭାବେ ବନ୍ଦ କରିବା ପାଇଁ ମଧ୍ୟ ନିବେଦନ କରିଛନ୍ତି ଅନୁଭବ । ଆଉ ଆସନ୍ତା କାଲି ଅନୁଭବ ଅନୁଭବ ମହାନ୍ତି ଓ ତାଙ୍କ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ମାମଲାର ଶୁଣାଣି ହେବାର ରହିଛି । ଯାହା ଉପରେ ରହିଛି ସାରା ଓଡିଶାବାସୀଙ୍କ ନଜର । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।