ପ୍ରେମ ଶାଶ୍ଵତ, ମଙ୍ଗଳମୟ ଏବଂ ପ୍ରେମ ସତ୍ୟ ଓ ଚିରନ୍ତନ ବୋଲି କୁହାଯାଏ । ପ୍ରେମ ନା ବାଧାବିଘ୍ନ ଦେଖେ ନା ଦେଖେ ଧନୀ ଗରିବ କି ଛୁଆଁ ଅଛୁଆଁ । ହେଲେ ଏଠି ପ୍ରେମର ସବୁ ସଜ୍ଞା ଓ ଭାବନା ମିଛ ସାବ୍ୟସ୍ତ ହୋଇଛି । ଏଠି ପ୍ରେମ ମିଛ ଆଉ ପାପ ମଧ୍ୟ । ଏଠି ପ୍ରେମ କଲେ ରାସ୍ତା ଉପରେ ଏମିତି ହୁଏ । ଯାହା ଆପଣ ଏହି ଭିଜୁଆଲରୁ ଜାଣି ପାରୁଥିବେ । ଏହା ଦେଖିବା ପରେ ଆପଣ ବି ଭାବିବେ ଏହି ପ୍ରେମୀଯୁଗଳ କଣ ପ୍ରେମ କରି ପାପ କରିଛନ୍ତି ! ଇଏ କଣ ପ୍ରେମ କରିବାର ପାଉଣା ଆଉ ଭଲ ପାଇବାର ଶାସ୍ତି !
ଇଏ କଣ କାହାକୁ ମନ ଦେବାର ଉପହାର ! ଛୋଟ ପିଲାଟିଏ ବାପା ସହ ବଜାରକୁ ଗଲେ ପିଲା ଯାହା ଖାଇବାକୁ ଇଚ୍ଛା କରେ ବାପା ତାହା ଦିଅନ୍ତି । ପିଲାଟି ବାପା ସହ ଚପଲ ଦୋକାନକୁ ଗଲେ ପୁଅକୁ ଭଲ ଲାଗୁଥିବା ଚପଲ ବାପା କିଣି ଦିଅନ୍ତି ଏବଂ ସେହି ପୁଅ ଲୁଗା ଦୋକାନକୁ ଗଲେ ନିଜ ପସନ୍ଦର ସାର୍ଟ ଆନେ ପୁଅ । କିନ୍ତୁ ସେହି ପୁଅ କିମ୍ବା ଝିଅ ସାରା ଜୀବନ କାହା ପାଖରେ ରହିବେ ତାଙ୍କୁ ବାଛିବାର ଅଧିକାର ତାଙ୍କ ପାଖରେ ନଥାଏ ।
କାରଣ ଆମ ସମାଜରେ ଆଜି ବି ପ୍ରେମକୁ ଘୃଣା ଚକ୍ଷୁରେ ଦେଖାଯାଏ । ପ୍ରେମ କରିବା ପାପ ବୋଲି କୁହାଯାଏ । ଆପଣ ଦେଖୁଥିବା ଏହି ଭିଜୁଆଲରେ ପ୍ରେମକୁ ଭରସା କରି ପ୍ରେମିକର ଘରକୁ ଧାଇଁ ଆସିଥିଲା ପ୍ରେମିକା ଟିଏ । ଆଉ ଝିଅର ପରିବାର କାଳେ ଉଚ୍ଚ ଜାତିର । ତେଣୁ ଝିଅ ଘର ଲୋକେ ଏହି ପ୍ରେମକୁ ଗ୍ରହଣ କରିପାରିଲେ ନାହିଁ ।
ଆଉ ଝିଅ ଘର ଯେତେବେଳେ ଖବର ପାଇଲେ ଝିଅ ଯାଇ ସେହି ପୁଅ ଘରେ ଅଛି ଯାହାର ଜାତି ଆମ ଜାତି ଠାରୁ ଛୋଟ, ନାଲି କାର୍ ନେଇ ଆସିଲେ ଆଉ ଜୋର ଜବରଦସ୍ତି ନିଜ ଝିଅକୁ ବସେଇ ନେଇଗଲେ । ଆଉ ଇଏ ହେଉଛି ସେହି ସମୟର ଭିଜୁଆଲ । ପୁରା ଫିଲ୍ମ ଷ୍ଟାଇଲରେ ଝିଅଘର ଲୋକେ ପୁଅଘରୁ କିଭଳି ନିଜ ଝିଅକୁ ଉଠାଇ ନେଉଛନ୍ତି ଭଲକରି ଦେଖନ୍ତୁ । ଏଭଳି ଘଟଣା ଦେଖିବାକୁ ମିଳିଛି ପୁରୀ ଜିଲ୍ଲା ପିପିଲି ବ୍ଲକ ବାଲିପୋଖରୀ ଅଞ୍ଚଳରେ ।
ଯେଉଁ ଘଟଣାର ଭିଡିଓ ଏବେ ସୋସିଆଲ ମିଡିଆରେ ହୁ ହୁ ହୋଇ ଭାଇରାଲ ହେବାରେ ଲାଗିଛି । ପ୍ରେମର ସବୁ ସଜ୍ଞାକୁ ଭୁଲ ପ୍ରମାଣିତ କରିଛି ଏହି ଭିଡିଓ । ପ୍ରେମ କଲେ ନିଜ ପରିବାର ଲୋକଙ୍କ ଦ୍ଵାରା ରାସ୍ତା ଉପରେ କିଭଳି ନିଜର ସମ୍ମାନ ଯାଏ ତାହା ଏହି ଚିତ୍ର ପ୍ରମାଣ କରୁଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।