ମଡେଲ ତଥା ଯୁବ ବ୍ୟବସାୟୀ ସୌମ୍ଯରଞ୍ଜନ ପାଣିଗ୍ରାହୀଙ୍କ ଆତ୍ମହତୟଆ ମାମଲା ଏକ ନୂଆ ମୋଡ ନେଇଛି । ଘଟଣାର ପ୍ରାୟ ଅଢେଇ ମାସ ପରେ ସୋମ୍ୟଙ୍କ ପ୍ରେମିକା ସୋନାଲି ନନ୍ଦ ଓ ତାଙ୍କ ମା’ଙ୍କ ବିରୋଧରେ ମାମଲା ରୁଜୁ କରିଛି ଇନଫୋସିଟି ପୋଲିସ । ସୌମ୍ୟଙ୍କ ଭଉଣୀଙ୍କ ଅଭିଯୋଗ ଆଧାରରେ ଗତ ଜାନୁୟାରୀ ୩୦ ତାରିଖ ରାତିରେ ସୌମ୍ଯ ଆତ୍ମହତୟଆ କରିଥିଲେ । ଆତ୍ମହତୟଆ ପୂର୍ବରୁ ସେ ଏକ ହାତଲେଖା ଚିଠି ଛାଡି ଯାଇଥିଲେ, ଯେଉଁଥିରେ ନିଜ ଆତ୍ମହତୟଆ ପାଇଁ ସେ ପ୍ରେମିକା ସୋନାଲି ନନ୍ଦଙ୍କୁ ଦାୟୀ କରିଥିଲେ ।
ଉଭୟଙ୍କ ମଧ୍ୟରେ ବିବାହ ସ୍ଥିର ହୋଇ ସାରିଥିବା ସହ ସୋନାଲି ବହୁ ବାର ସୌମ୍ଯଙ୍କ ପରିବାର ସହ ରହୁଥିଲେ । କିନ୍ତୁ ସୋନାଲିଙ୍କ ପରିବାର ଲୋକେ ବିବାହ କରିବା ଆଲରେ ଦିନ ଗଡେଇ ଚାଲିଥିଲେ । ଏପରିକି ସୌମ୍ଯ ତାଙ୍କ ରୋଜଗାରର ସମସ୍ତ ଅର୍ଥ ସୋନାଲିଙ୍କ ପଛରେ ଖର୍ଚ୍ଚ କରିଥିବା ସୌମ୍ୟଙ୍କ ଭଉଣୀ ଅଭିଯୋଗ ଆଣିଥିଲେ । ଏହାସହ ସୋନାଲି ଅନ୍ୟ ପୁଅଙ୍କୁ ଭଲ ପାଇ ବସିଥିଲେ ଯାହା ସୌମ୍ଯ ବିଲକୁଲ ସହି ପାରୁ ନଥିଲେ ।
ଏଥିପାଇଁ ସୌମ୍ଯଙ୍କୁ ଏକା ଏକା ଲାଗୁଥିଲା ଓ ଜୀବନ ମଧ୍ୟ ପିତା ଲାଗୁଥିଲା । ଶେଷରେ ସୌମ୍ଯ ଆତ୍ମହତୟଆ ଭଳି ଚରମ ନିଷ୍ପତ୍ତି ନେଲେ । ଆଉ ସବୁଠୁ ବଡ କଥା ହେଲା ସୋନାଲି ଏବଂ ତାଙ୍କ ମା’ ସୌମ୍ଯଙ୍କୁ ଏକ ଦାମୀ କାର୍ କିଣିବାକୁ କହିଥିଲେ । ଏହି କାର୍ ଦେଲେ ଯାଇ ସୋନାଲି ସାରା ଜୀବନ ତାଙ୍କ ସହ ରହିବେ ବୋଲି ସୋନାଲି ଏବଂ ତାଙ୍କ ମା’ ସୌମ୍ଯଙ୍କୁ କହିଥିଲେ ।
କାର୍ ନଦେଇ ଯଦି ବାରମ୍ବାର ଫୋନ କର ତେବେ ଥାନାରେ ମିଛ ମାମଲା ଦେଇ ତୁମକୁ ଫସେଇ ଦେବୁ ବୋଲି ସେମାନେ କହିଥିବା ସୋମ୍ୟଙ୍କ ଭଉଣୀ ଅଭିଯୋଗ କରିଥିଲେ । କିନ୍ତୁ ଏସବୁ ଅଭିଯୋଗ ପରେ ମଧ୍ୟ ଅଢେଇ ମାସ ଧରି ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନଥିଲା । ଯେଉଁଥି ପାଇଁ ସୌମ୍ଯଙ୍କ ପରିବାର ଲୋକେ ହାଇକୋର୍ଟର ଦ୍ଵାରସ୍ଥ ହୋଇଥିଲେ ।
ଏହାପରେ ହାଇକୋର୍ଟ ଭୁବନେଶ୍ବର ଡିସିପିଙ୍କୁ ମାମଲା ରୁଜୁ କରିବା ପାଇଁ ନିର୍ଦ୍ଦେଶ ଦେଇଥିଲେ ଓ ଏହାର ତଦନ୍ତ ରିପୋର୍ଟ ମଧ୍ୟ ହାଇକୋର୍ଟରେ ଦାଖଲ କରିବାକୁ କୁହା ଯାଇଥିଲା । ଆଉ ଘଟଣାର ଦେଢ ମାସ ପରେ ସୋନାଲି ଓ ତାଙ୍କ ମା’ଙ୍କ ନାଁରେ ମାମଲା ରୁଜୁ କରିଛି ପୋଲିସ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।