“ଜଜ୍ ସାହେବଙ୍କ ଉପରେ ମୋତେ ଆଖିବୁଜି ବିଶ୍ବାସ କରିବାକୁ ପଡିବ,କାରଣ ତାଙ୍କ ଛଡା ମୋର ଆଉ କେହି ନାହିଁ । ଭଗବାନ ଉପରେ ଅଛନ୍ତି କିନ୍ତୁ ତଳେ ନାହାନ୍ତି ନା । କିନ୍ତୁ ଜଜ୍ ସାହେବ ତଳେ ଅଛନ୍ତି ଆଉ ନ୍ୟାୟ ସେ ହିଁ ଦେବେ । ତେଣୁ ତାଙ୍କ ଉପରେ ମୋର ବିଶ୍ବାସ ଏବଂ ଭରସା ଯେ ସେ ମୋତେ ଉଚିତ ନ୍ୟାୟ ଦେବେ । ମୋତେ ଯେମିତି ଆଉ କାନ୍ଦିବାକୁ ପଡିବନି କି ଏଇଠି ଏମିତି ବସିବାକୁ ପଡିବନି । ମୁଁ କାନ୍ଦି କାନ୍ଦି ଏଠାକୁ ଯେଉଁ ଅଧିକାର ପାଇଁ ଆସିଥିଲି ଯେମିତି ଖୁସିରେ ଖୁସିରେ ସେହି ଅଧିକାର ମୋତେ ପ୍ରଦାନ କରାଯାଉ ।”
ଏବେ ଏହିଭଳି କିଛି ମନ୍ତବ୍ୟ ଦେଇଛନ୍ତି ଡିମ୍ପଲ ଓରଫ ତପସ୍ଵିନୀ ଦାସ । ତେବେ ଆଜିକୁ ୮ ଦିନ ହେଲା ସେ ବ୍ରହ୍ମପୁର ବ୍ରହ୍ମାନଗର ସ୍ଥିତ ନିଜ ଶ୍ଵଶୁର ଘର ସାମନାରେ ଧାରଣା ଦେଇ ଆସୁଛନ୍ତି । ଦୁଇ ଦିନ ତଳେ ଏସଡ଼ିଜେଏମ କୋର୍ଟରେ ତାଙ୍କ ଆବେଦନର ଶୁଣାଣି ଥିଲା । ତାହା ସେତେଟା ସନ୍ତୋଷଜନକ ନଥିବା ବେଳେ କାନ୍ଦି କାନ୍ଦି ପୁଣି ଥରେ ଶ୍ଵଶୁର ଘର ସାମନାକୁ ଫେରିଥିଲେ ଡିମ୍ପଲ । କୋର୍ଟ ତାଙ୍କୁ ସଖୀ ସେଣ୍ଟରରେ ରହିବାକୁ ଅନୁମତି ଦେଇଥିଲେ ମଧ୍ୟ ଏହାକୁ ପ୍ରତ୍ୟାଖାନ କରିଥିଲେ ଡିମ୍ପଲ ।
ସେ ଏକା ଜିଦ୍ ଧରିଛନ୍ତି କି ସ୍ଵାମୀଙ୍କ ସହ ରହିବେ । ସେପଟେ ସ୍ଵାମୀ ଡକ୍ଟର ସୁମିତ କୁମାର ସାହୁ ପୂର୍ବରୁ ଡିମ୍ପଲଙ୍କ ସହ ଛାଡପତ୍ର ପାଇଁ କୋର୍ଟରେ ଆବେଦନ କରିଛନ୍ତି । ଡିମ୍ପଲ ଓ ସୁମିତଙ୍କ ବୈବାହିକ ମାମଲା କୋର୍ଟରେ ଥିବାରୁ ସୁମିତ ଚାହାଁନ୍ତି କି କୋର୍ଟ ଆଦେଶ ଅନୁଯାୟୀ ସବୁକିଛି ହେଉ ବୋଲି । ସେଥିପାଇଁ ସେ ତାଙ୍କ ଘର ସାମନାରେ ଡିମ୍ପଲ ଏଭଳି ଜିଦ୍ ଧରି ବସି ରହିବାକୁ ନାପସନ୍ଦ କରିଛନ୍ତି ।
ତେବେ ଆଜି ପୁଣି ଥରେ କୋର୍ଟରେ ଶୁଣାଣି ଅଛି । ଏଥର ଡିମ୍ପଲଙ୍କୁ ନିଶ୍ଚୟ ନ୍ୟାୟ ମିଳିବ ବୋଲି ସେ ଆଶା ବାନ୍ଧିଛନ୍ତି । ଡିମ୍ପଲ ଓ ସୁମିତ ଗତବର୍ଷ କୋର୍ଟ ମ୍ୟାରେଜ କରିଥିବା ବେଳେ ବୈଦିକ ରୀତିରେ ପୁଣି ଥରେ ବିବାହ କରିବା ପାଇଁ ପ୍ରସ୍ତାବ ରଖିଥିଲେ ସୁମିତଙ୍କ ଘରଲୋକ । ଆଉ ଡିମ୍ପଲଙ୍କୁ ବାପଘରକୁ ପଠାଇ ଦେଇଥିଲେ ।
କିନ୍ତୁ କଥା ଶ୍ଵଶୁର ଘର ଲୋକେ ଦୁଇ ଦୁଇଥର ଠକିବା ପରେ ଏପରି ପଦକ୍ଷେପ ନେଇଛନ୍ତି ଡିମ୍ପଲ । ତାଙ୍କୁ ନ୍ୟାୟ ନ ମିଳିବ ଯାଏଁ ସେ ସୁମିତଙ୍କ ଘର ଆଗରେ ଆମରଣ ଅନଶନ କରି ବସି ରହିବେ ବୋଲି ମଧ୍ୟ କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।