ବହୁଚର୍ଚ୍ଚିତ ଲେଡି ବ୍ଲାକମେଲର ଅର୍ଚ୍ଚନା ନାଗ ଜେଲରେ ଥିବାବେଳେ ବର୍ତ୍ତମାନ ବେଆଇନ ଅର୍ଥ କାରବାରରେ ED (Enforcement Directorate) ଅର୍ଚ୍ଚନାଙ୍କ ଘରେ ତଦନ୍ତ ଆରମ୍ଭ କରିଦେଇଛି । ଆଜି ସକାଳୁ ଅର୍ଚ୍ଚନାଙ୍କ ଭୁବନେଶ୍ବର ସତ୍ୟବିହାର ସ୍ଥିତ ରାଜକୀୟ ବଙ୍ଗଳାରେ ରେଡ୍ ମାରିଛି ଇଡି । ଅର୍ଚ୍ଚନାଙ୍କ ଘର ତଲାସି ନେବା ସହ ଅର୍ଚ୍ଚନାଙ୍କ ସ୍ଵାମୀ ଜଗବନ୍ଧୁ ଚାନ୍ଦଙ୍କର ଥର୍ ଗାଡିର ମଧ୍ୟ ତଲାସି ନେଇଛି ଇଡି । ଇଡି ବର୍ତ୍ତମାନ ବେଆଇନ ଅର୍ଥ କାରବାରର ସବୁ ଦିଗକୁ ନେଇ ଯାଞ୍ଚ ଆରମ୍ଭ କରିଦେଇଛି ।
ତେଣୁ ଥର୍ ଗାଡିକୁ ମଧ୍ୟ ଏଥିରୁ ବାଦ୍ ଦେଇନାହିଁ । ସବୁ ଦିଗକୁ ଯାଞ୍ଚ କରି ସେଥିପ୍ରତି ଦୃଷ୍ଟି ଦେଉଛି ଇଡି । କାହିଁକି ଗତ ଦୁଇ ମାସ ଧରି ଅର୍ଚ୍ଚନା ଓ ଜଗବନ୍ଧୁଙ୍କ ମାମଲା ରାଜ୍ୟରେ ବେଶ ଚର୍ଚ୍ଚାର ବିଷୟ ପାଲଟିଛି । ହନିଟ୍ରାପ କୁଇନ କୁହା ଯାଉଥିବା ଅର୍ଚ୍ଚନା ବେଆଇନ ଭାବେ ପର୍ଯ୍ୟାପ୍ତ ଅର୍ଥ ହାସଲ କରିବା ସହ ବଡବଡିଆଙ୍କୁ ଲଗାତାର ଟାର୍ଗେଟ କରି ଆସୁଥିଲେ । ବ୍ଲାକମେଲ ମାମଲାରେ ଅର୍ଚ୍ଚନା ଓ ଜଗବନ୍ଧୁ ଉଭୟ ଜେଲରେ ଥିବାବେଳେ ପୋଲିସ ଏବଂ ଇଡି ଉଭୟ ମିଶି ତଦନ୍ତ ଆରମ୍ଭ କରିଛନ୍ତି ।
ଇଡି ଅର୍ଚ୍ଚନାଙ୍କ ଘରର ସବୁ କୋଣ ଅନୁକୋଣ, ଜିନିଷପତ୍ର ଭଲଭାବେ ଯାଞ୍ଚ କରିବା ସହ ତନତନ କରି ଯାଞ୍ଚ କରୁଛି । ଘରୁ ଯେତେସବୁ କାଗଜପତ୍ର ଓ ଡକ୍ୟୁମେଣ୍ଟ ମିଳିଛି ସେ ସବୁକୁ ଗୋଟି ଗୋଟି କରି ଯାଞ୍ଚ କରୁଛି ଇଡି । ଏହାସହ ବିଶେଷ କରି ଇଡି ଅର୍ଚ୍ଚନା ଓ ଜଗବନ୍ଧୁଙ୍କ କିଛି କାଗଜପତ୍ର ଖୋଜିବାକୁ ଚେଷ୍ଟା କରୁଥିବା ଜଣାପଡିଛି ।
ଯେଉଁଥି ପାଇଁ ଜଗବନ୍ଧୁଙ୍କ ଥର୍ ଗାଡିକୁ ସଂପୂର୍ଣ୍ଣ ଭାବେ ଯାଞ୍ଚ କରାଯାଇଛି । ଅର୍ଚ୍ଚନା ଯେଉଁ ଭଳି ଭାବେ ବଡ ବଡ ନେତା, ମନ୍ତ୍ରୀ, ବ୍ୟବସାୟୀ ଓ ଫିଲ୍ମ ପ୍ରଯୋଜକଙ୍କୁ ନିଜ କଳା ଜାଲରେ ଫସେଇ ବ୍ଲାକମେଲ କରୁଥିଲେ ସେସବୁ ଏବେ କାହାକୁ ଅଛପା ନାହିଁ । ବେଆଇନ ଅର୍ଥ କାରବାର ନେଇ ଅନେକ ଅଭିଯୋଗ ଆସିବା ପରେ ଇଡି ଏନେଇ ତନାଘନା ଆରମ୍ଭ କରିଦେଇଛି । ଏକକାଳୀନ ଅର୍ଚ୍ଚନା ନାଗଙ୍କ ସହ ଜଡିତ 6ରୁ 7ଟି ଜାଗାରେ ରେଡ୍ କରିଛି ଇଡି ।
ଇଡି ଥର୍ ଗାଡିର କାଗଜପତ୍ରକୁ ଏତେ ପରଖ କରି ଯାଞ୍ଚ କରିବା ନେଇ ଏବେ ଚର୍ଚ୍ଚା ଜୋର ଧରିଛି । ତେବେ ଦେଖାଯାଉ ଏହି ଗାଡି ଭିତରୁ ଇଡିକୁ କଣ ପ୍ରମାଣ ମିଳୁଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।