ପିଜୁଳି ପତ୍ରରେ ବହୁତ ଔଷଧୀୟ ଗୁଣ ରହିଛି । ଏଥିରେ Polyphenols, Carotenoids, Flavonoids, Tannins ଆଦି ତତ୍ଵ ରହିଥାଏ । ଏହା ଶରୀରର ବିଭିନ୍ନ ରୋଗକୁ ଦୂର କରିପାରେ । ଯଦି ଆପଣ ସବୁ ଦିନ ସକାଳ ସମୟରେ ମାତ୍ର ଗୋଟିଏ ପିଜୁଳି ପତ୍ରର ସେବନ କରିବେ, ତେବେ ଏହା ଦ୍ଵାରା ଆପଣଙ୍କ ଶରୀରକୁ ବହୁ ଫାଇଦା ମିଳିବ । ତେବେ ଆସନ୍ତୁ ଜାଣିବା ଏହି ସବୁ ଫାଇଦା ବିଷୟରେ ।
୧. ପାଚନ ତନ୍ତ୍ର-
ପିଜୁଳି ପତ୍ରରେ ବହୁ ମାତ୍ରାରେ Dietary Fiber ରହିଥାଏ । ଏହା ଦ୍ଵାରା ଆପଣଙ୍କ ପେଟ ଭଲ ଭାବରେ ସଫା ହୋଇଥାଏ । ଏହା ପେଟକୁ ସଫା ରଖିବା ସହିତ, ପେଟ ଜନିତ ସମସ୍ୟା ଗୁଡିକୁ ଦୂର କରିଥାଏ । ଯାହାଫଳରେ ଆପଣଙ୍କ ଶରୀରରେ ଖାଦ୍ୟର ପୁରା ପୋଷଣ ଅବଶୋଷିତ ହୋଇଥାଏ । ଯଦି ଆପଣ ସକାଳ ସମୟରେ କେବଳ ଗୋଟିଏ ପିଜୁଳି ପତ୍ରର ସେବନ କରିବେ, ତେବେ ଏହା ଦ୍ଵାରା ଆପଣଙ୍କ ପାଚନ ତନ୍ତ୍ର ସୁସ୍ଥ ରହିବ । ଯାହାଦ୍ୱାରା ଆପଣଙ୍କୁ ପେଟ ସମ୍ବନ୍ଧିତ କୌଣସି ସମସ୍ୟା ହେବ ନାହିଁ ।
୨. ଶରୀରର କୌଣସି ଅଙ୍ଗ ଫୁଲିଯିବା
ଯେତେବେଳେ ଶରୀରରେ କୌଣସି ଅଙ୍ଗରେ ଆଘାତ ଲାଗିଥାଏ, ସେହି ଅଙ୍ଗ ଫୁଲିଯାଏ । ହେଲେ ଏହା ବହୁତ କମ ସମୟ ପର୍ଯ୍ୟନ୍ତ ଶରୀରରେ ଥାଏ, ଯେତେବେଳେ କ୍ଷତ ସ୍ଥାନ ଠିକ ହୋଇଯାଏ, ସେତେବେଳେ ସେହି ଫୁଲା ଠିକ ହୋଇ ଯାଇଥାଏ । ହେଲେ Cronic Inflammation ନାମକ ଏକ ଦେହ ଫୁଲା ଥାଏ, ଯାହା ଶରୀରରେ ବହୁତ ଲମ୍ବା ସମୟ ପର୍ଯ୍ୟନ୍ତ ରହିଥାଏ । ତେଣୁ ଏହାକୁ ଦୂର କରିବା ପାଇଁ ପିଜୁଳି ପତ୍ର ବହୁତ ସହାୟକ ହୋଇଥାଏ । ତେଣୁ ଏହାକୁ ଦୂର କରିବା ପାଇଁ ଆପଣ ପ୍ରତି ଦିନ ସକାଳେ ପିଜୁଳି ପତ୍ରର ସେବନ କରିପାରିବେ ।
୩. ପାଚନ ତନ୍ତ୍ରର ସୁରକ୍ଷା କରିଥାଏ
ପିଜୁଳି ପତ୍ର ପାଚନ ତନ୍ତ୍ରରେ ଥିବା ବ୍ୟାକ୍ଟେରିଆ ଗୁଡିକୁ ମାରିଥାଏ ଓ ପାଚକ ରସର ଉପାଦାନକୁ ବଢାଇ ଥାଏ । ପିଜୁଳି ପତ୍ରର ସେବନରେ ଫୁଡ ପଏଜନିଙ୍ଗ ଆଦି ହୋଇନଥାଏ । ଯଦି ଆପଣଙ୍କ ପେଟରେ ଯନ୍ତ୍ରଣା ହେଉଛି, ତେବେ ଆପଣ ପିଜୁଳି ପତ୍ରକୁ ଗରମ ପାଣିରେ ସିଝାଇ ପିଇ ପାରିବେ । ଏହା ଦ୍ଵାରା ଆପଣଙ୍କ ପେଟରେ ହେଉଥିବା କଷ୍ଟ ଦୂର ହୋଇଯିବ ଓ ପାଚନ ତନ୍ତ୍ର ସୁସ୍ଥ ରହିବ ।
୪. କ୍ୟାନ୍ସର
ଯଦି ଆପଣ ସବୁଦିନ ସକାଳେ ଗୋଟିଏ ପିଜୁଳି ପତ୍ରର ସେବନ କରିବେ ତେବେ ଆପଣଙ୍କୁ କ୍ୟାନ୍ସର ଭଳି ମାରାତ୍ମକ ରୋଗ ହେବାର ସମ୍ଭାବନା କମିଯିବ । ପିଜୁଳି ପତ୍ରରେ ଲାଇକୋପୀନ ନାମକ ଏକ ଶକ୍ତିଶାଳି ଆଣ୍ଟିଅକ୍ସିଡେଣ୍ଟ ଥାଏ ଯିଏ କ୍ୟାନ୍ସର କୋଷିକାକୁ ବଢିବାରେ ଅଟକାଇଥାଏ ।
୫. ଡାଇବେଟିସ
ପିଜୁଳି ପତ୍ରର ସେବନ କରିବା ଦ୍ଵାରା ବା ଏହାର ଚା ବନୀୟ ପିଇବା ଦ୍ଵାରା ରକ୍ତରେ ସୁଗାର ଲେବଲ କମ ହେବାକୁ ଲାଗେ । ଏହା ଦ୍ଵାରା ଆପଣଙ୍କ ଡାଇବେଟିସ କଣ୍ଟ୍ରୋଲ ରେ ରହିଥାଏ ।
ତେଣୁ ଯଦି ଆପଣ ପ୍ରତିଦିନ ସକାଳେ କେବଳ ଗୋଟିଏ ପିଜୁଳି ପତ୍ରର ସେବନ କରିବେ,ତେବେ ଏହା ଦ୍ଵାରା ଆପଣଙ୍କ ଶରୀରରେ ଉପରୋକ୍ତ କୌଣସି ରୋଗ ହେବ ନାହିଁ ଓ ଏହା ସହିତ ଆପଣଙ୍କ ଶରୀର ସୁସ୍ଥ ମଧ୍ୟ ରହିବ ।