ଓଲିଉଡ ଜଗତର କୁଖ୍ୟାତ ଅଭିନେତା ତଥା ଖଳନାୟକ ଅସିତ ପତି ଅନେକ ଦିନ ପରେ କ୍ୟାମେରା ଆଗକୁ ଆସିଛନ୍ତି । ସେ ନିଜ ଅଭିନୟ କ୍ଯାରିୟରର କିଛି ସ୍ମୃତିକୁ ତାଜା କରିଛନ୍ତି । ଓଲିଉଡ ଇଣ୍ଡଷ୍ଟ୍ରିରେ ସେ 70 ଦଶକରୁ ଖଳନାୟକ ଭାବେ କାମ କରି ଆସୁଛନ୍ତି । ତାଙ୍କ ସମୟରେ ଉତ୍ତମ ମହାନ୍ତି ଓଲିଉଡର ଏକମାତ୍ର ସୁପରଷ୍ଟାର ଥିଲେ । ଉତ୍ତମ ମହାନ୍ତିଙ୍କ ସହ ଅସିତ ପତି ପ୍ରାୟ ପାଖାପାଖି 50 ଫିଲ୍ମରେ ଖଳନାୟକ ଭାବେ କାର୍ଯ୍ୟ କରିଛନ୍ତି ।
ଅସିତ ଏନେଇ କୁହନ୍ତି କି, ସେ ତାଙ୍କ ଛାତ୍ର ଜୀବନରେ ବେଶ ଭଲ ଆଥଲେଟ ଥିଲେ । ସେ ଫୁଟବଲ, ବ୍ୟାଡମିଣ୍ଟନ ଏବଂ ପଲଭୋଲ୍ଟ ମଧ୍ୟ ଖେଳୁଥିଲେ । ଓଡିଶା ପାଇଁ ଅନେକ ଭଲ ଭଲ ଟୁର୍ଣ୍ଣାମେଣ୍ଟ ଖେଳିବା ସହ ବ୍ୟାଡମିଣ୍ଟନରେ 6 ବର୍ଷ ଚମ୍ପିୟାନ ମଧ୍ୟ ହୋଇଥିଲେ । ଜଣେ ଭଲ ଖେଳାଳି ଥିବାରୁ ସେ ଅଭିନୟ କରିବେ ବୋଲି କେବେ ଚିନ୍ତା କରି ନଥିଲେ । ଦିନେ ସେ କଲେଜ ବନ୍ଧୁଙ୍କ ସହ ବରୁଣେଇ ପାହାଡ ପିକନିକ କରିବାକୁ ଆସିଥିଲେ ସେଠାରେ ଉତ୍ତମ ମହାନ୍ତି ଓ ମହେଶ୍ଵତାଙ୍କ ଫିଲ୍ମ ଶୁ-ଟି-ଙ୍ଗ ଚାଲିଥାଏ ।
ଉତ୍ତମ ମହାନ୍ତି ବାରିପଦାରୁ ହୋଇଥିବାରୁ ସେମାନେ ତାଙ୍କ ଶୁ-ଟି-ଙ୍ଗ ଦେଖିବା ପାଇଁ ଅଟକିଥିଲେ । ଗୋଟେ କଲେଜ ଶୁ-ଟି-ଙ୍ଗ ବେଳର ଦୃଶ୍ୟ ଚାଲିଥିବା ବେଳେ ଅଭିନୟ କରୁଥିବା ଜଣେ ଯୁବକଙ୍କ ଡାଇଲଗ ନିର୍ଦ୍ଦେଶକଙ୍କୁ ଜମା ପସନ୍ଦ ଆସୁ ନଥାଏ । ହେଲେ ନିର୍ଦ୍ଦେଶକ ଅସିତଙ୍କୁ ବାରମ୍ବାର ଦେଖୁଥାନ୍ତି ।
ଏହାରି ମଧ୍ୟରେ ଲଞ୍ଚ ବ୍ରେକ ହେଲା ଓ ସେମାନେ ନିଜ ପିକନିକ ଜାଗାକୁ ଫେରିଗଲେ । ଏତିକି ବେଳେ ଉତ୍ତମ ମହାନ୍ତି ଓ ନିର୍ଦ୍ଦେଶକ ଆନନ୍ଦ କୁମାର ତାଙ୍କ ପାଖକୁ ଆସି ଅଭିନୟ କରିବାକୁ କହିଥିଲେ । ସେ ପ୍ରଥମେ ଇଚ୍ଛା କରୁ ନଥିଲେ ମଧ୍ୟ ପରେ ରାଜି ହୋଇ ଯାଇଥିଲେ । ନିର୍ଦ୍ଦେଶକ ସିନ୍ ବୁଝେଇବା ପରେ ସେ ଡାଇଲଗ ଡେଲିଭେରି କରିଥିଲେ ।
ଆଉ ତାଙ୍କ ଉପରେ ସେମାନେ ଖୁବ ଖୁସି ହୋଇ ଯାଇଥିଲେ । ଆଉ ସେହିଦିନ ଠାରୁ ସେ ଓଲିଉଡରେ ଖଳନାୟକ ବନିଗଲେ । ଫିଲ୍ମ ଜଗା ହାତରେ ପଘା ଫିଲ୍ମରେ ଜଣେ ମୂକ ଝିଅକୁ ସେ ରେ-ପ୍ କରିବା ସିନ୍ ଥିଲା । ଫିଲ୍ମ ରିଲିଜ ହେବା ପରେ ପୁରା ଟିମ୍ ସହ ସେ ମାଧବ ଟକିଜ୍ ଭଦ୍ରକ ଯାଇଥିଲେ ।
ସେଠାରେ ସେ ଯେତେବେଳେ ଷ୍ଟେଜକୁ ଆସିଥିଲେ ସ୍ତ୍ରୀଲୋକ ଓ ଝିଅମାନେ ତାଙ୍କୁ ଗା-ଳି-ଗୁ-ଲ-ଜ କରିବା ସହ କଥା କୁହେଇ ଦେଇ ନଥିଲେ । ଏପରିକି ଫିଲ୍ମ “ହାକିମ ବାବୁ” ଶୁ-ଟି-ଙ୍ଗ ନେଲେ ଅଭିନେତ୍ରୀ ଜୟା ତାଙ୍କ ଅଭିନୟ ଦେଖି ବେହୋସ ହୋଇ ଯାଇଥିଲେ । ସେଇ ଫିଲ୍ମରେ ତାଙ୍କର ଜୟା ମ୍ୟାଡାମଙ୍କ ସହ ଗୋଟେ ରେ-ପ ସିନ୍ ଥିଲା ।
ସିନ୍ ଆରମ୍ଭ ହେବାରୁ ଅସିତ ପତିଙ୍କ ଲୁକ୍ ଓ ଅଭିନୟ ଦେଖି ଜୟା ମ୍ୟାଡାମ ବେହୋସ ହୋଇ ଯାଇଥିଲେ । ଏହିଭଳି ଅଭିନୟ ଜୀବନର ଅନେକ ସ୍ମୃତି ସେ ସାଉଁଟିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।