ପୁଲୱାମାରେ ହୋଇଥିବା ଆତଙ୍କବାଦୀ ଆକ୍ରମଣ ପୁରା ଦେଶକୁ ଦୋହଲାଇ ଦେଇଛି । ଏହି ଆକ୍ରମଣରେ ସହିଦ ହୋଇଛନ୍ତି ୪୫ ଯବାନ ଏବଂ ୩୫ରୁ ଅଧିକ ଯବାନ ଆହତ ହୋଇଛନ୍ତି । ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଆକ୍ରମଣ ପରେ କହିଛନ୍ତି ଯେ ଆମ ଯବାନଙ୍କ ବଳିଦାନ ବ୍ୟର୍ଥ ଯିବନାହିଁ । ସେ ଏହି ଆତଙ୍କବାଦୀ ଆକ୍ରମଣକୁ ନିନ୍ଦା କରିବା ସହ ଏହା କାପୁରୁଷଙ୍କ କାମ ବୋଲି କହିଛନ୍ତି ଓ ସହିଦ ଯାବନଙ୍କ ବଳିଦାନ ଖାଲିଯିବ ନାହିଁ ବୋଲି କହିଛନ୍ତି ।
ଜୈସ-ଇ-ମହମ୍ମଦ ସଂଗଠନ ଏହି ସବୁ କରିଥିବାର ସୂଚନା ମିଳିଛି, ଯେଉଁ କାରରେ ବିସ୍ଫୋରକ ରଖି ବସ ସହ ଧକ୍କା କରଯାଇଥିଲା ସେଥିରେ ଆଦିଲ ଅହମ୍ମଦ ନାମକ ଆତଙ୍କବାଦୀ ଥିଲା ଯିଏ ଏହି ସଂଗଠନ ପାଇଁ କାମ କରେ । ସେ ସେହି କାରକୁ ଯବାନ ମାନଙ୍କ ବସ ସହ ଧକ୍କା କରାଇ ନିଜକୁ ମାରିବା ସହ ଆମ ଦେଶର କେତେ ବୀର ଯାବନ ମାନଙ୍କ ଜୀବନ ମଧ୍ୟ ନେଇ ଯାଇଛି । ସେଥିପାଇଁ ସରକାର ସେହି ସଙ୍ଗଠନକୁ ଏକ ଏଭଳି ଶିକ୍ଷା ଦେବା ପାଇଁ ନିସ୍ପତି ନେଇଛି ଯାହା ସେମାନେ କେବେ ବି ଭୁଲିପାରିବେ ନାହିଁ । ଜେଟଲୀ କହିଛନ୍ତି , ସହିଦ ମାନଙ୍କୁ ଆମେ ସାଲ୍ୟୁଟ କରୁଛୁ ଏବଂ ଆମେ ତାଙ୍କ ପରିବାରବର୍ଗଙ୍କ ସହ ସର୍ବଦା ଠିଆ ହେବୁ ।
ଗୃହମନ୍ତ୍ରୀ ରାଜନାଥ ସିଂହ ଏହି ବିଷୟରେ କହିଛନ୍ତି କି ଗୃହ ମନ୍ତ୍ରାଳୟ ଏହି ଘଟଣା ଉପରେ ପୁରା ନଜର ରଖିଛି । ଏହି ଆତଙ୍କବାଦୀ ଆକ୍ରମଣ ପରେ ଜମ୍ମୁ କାଶ୍ମୀର ରାଜ୍ୟପାଳ, ସିଆରପିଏଫ ଡିଜି ଓ ଗୃହ ସଚିବଙ୍କ ସହ ରାଜନାଥ କଥା ହୋଇଛନ୍ତି । ସେପଟେ ବିଜେପି ରାଷ୍ଟୀୟ ଅଧ୍ୟକ୍ଷ ଅମିତ ଶାହା କହିଛନ୍ତି ଏହା କାପୁରୁଷଙ୍କ କାମ । କଂଗ୍ରେସ ମୋଦି ସରକାରଙ୍କ ଉପରେ ପ୍ରଶ୍ନ ଉଠାଇ କହିଛି ପାକିସ୍ତାନ ପ୍ରାୟୋଜିତ ଆତଙ୍କବାଦୀ ଭାରତ ପାଇଁ ସବୁଠାରୁ ବଡ ବିପଦ । ଏହି ଆକ୍ରମଣ ପରେ ମୋଦୀ ସରକାର କଣ ପଦକ୍ଷପ ନେବେ ତାହା ଜାଣିବାକୁ ସମସ୍ତେ ଆଗ୍ରହୀ ଅଛନ୍ତି । ତେବେ ଦେଖାଯାଉ ଆଗକୁ କଣ ହେଉଛି ।