ବର୍ତ୍ତମାନ ସାରା ଦେଶ କରୋନା ଭାଇରସ ପାଇଁ ଚିନ୍ତାରେ ଅଛି ଏବଂ ତା ସହିତ ଯୁଦ୍ଧ ମଧ୍ୟ ଚଳାଇଛି । ଏହା ଏକ ଏପରି ମହାମାରୀ ଅଟେ ଯାହାର ପ୍ରତିଶେଧ ପାଇଁ କୌଣସି ଔଷଧ କି ଟୀକା ବାହାର କରାଯାଇ ନାହିଁ । ଏହି ମହାମାରୀ ରେ ବହୁତ ଲୋକ ସଂକ୍ରମଣ ହେଉଛନ୍ତି । ଏହା ଦିନକୁ ଦିନ ବଢିବାରେ ମଧ୍ୟ ଲାଗିଛି । ଏହି ମହାମାରୀ ରୁ ରକ୍ଷା ପାଇବା ପାଇଁ ସରକାର ଙ୍କ ଦ୍ଵାରା ଲକଡାଉନ ବ୍ୟବସ୍ତା ମଧ୍ୟ ଘୋଷଣା କରାଯାଇଛି ।
ଲୋକ ମାନଙ୍କ ଭିତରେ ସାମାଜିକ ଦୂରତା ରଖିବା ପାଇଁ ଏହି ବ୍ୟବସ୍ଥା କରାଯାଇଛି । ଏହା ସହିତ ମଧ୍ୟ ଲୋକ ମାନଙ୍କୁ ସବୁବେଳେ ମାସ୍କ ପିନ୍ଧିବା ପାଇଁ ଏବଂ ସାନିଟାଇଜର ବ୍ୟବହାର କରିବା ପାଇଁ କୁହାଯାଉଛି । ଏହି ଲକଡାଉନ ପାଇଁ ସବୁ ଯାନବାହାନ ଚଳାଚଳ ବନ୍ଦ କରାଯାଇ ଥିଲା । ବର୍ତ୍ତମାନ ଲକଡାଉନର ତୃତୀୟ ପର୍ଯ୍ୟାୟ ଚାଲିଛି ଯାହା କି ୧୭ ମେ ରେ ଶେଷ ହେବ । ଏହି ପର୍ଯ୍ୟାୟରେ ଲକଡାଉନ ବ୍ୟବସ୍ଥାକୁ ଟିକେ କୋହଳ କରାଯାଇଛି କିନ୍ତୁ ସାମାଜିକ ଦୂରତା ରଖିବା ପାଇଁ ଲୋକ ମାନଙ୍କୁ କୁହାଯାଉଛି । ଏହି ଲକଡାଉନ ପାଇଁ ଗରିବ ମଜୁରିଆ ମାନେ ବହୁତ ହଇରାଣ ହେଉଛନ୍ତି । ସରକାରଙ୍କ ତରଫରୁ ସେମାନଙ୍କୁ ସାହାଯ୍ୟ ମଧ୍ୟ କରାଯାଉଛି ।
ପ୍ରଧାନମନ୍ତ୍ରୀଙ୍କ କାର୍ଯ୍ୟଳୟରୁ ମିଳିଥିବା ସୂଚନା ଅନୁସାରେ PM କେୟାର୍ସ ଫଣ୍ଡ ଦ୍ଵାରା କରୋନା ସହିତ ଯୁଦ୍ଧ ଚାଲିଥିବା ସମୟରେ ୩୧୦୦ କୋଟି ଟଙ୍କା ଜାରି କରାଯାଇଛି । ଏହି ଟଙ୍କାରୁ ପ୍ରାୟ ୨୦୦୦ କୋଟି ଟଙ୍କାରେ ଭେଣ୍ଟିଲେଟର କିଣା ଯିବ ଏବଂ ୧୦୦୦ କୋଟି ଟଙ୍କାରେ ପ୍ରବାସୀ ମଜୁରିଆ ମାନଙ୍କର ଦେଖାଶୁଣା କାରାଯିବ । ବାକି ୧୦୦ କୋଟି ଟଙ୍କା ଭ୍ୟାକ୍ସିନ ର ବିକାଶ କରିବା ପାଇଁ ଖର୍ଚ କରାଯିବ ।
କରୋନା ବିରୁଦ୍ଧରେ ଯୁଦ୍ଧରେ ତିଆରି ହୋଇ ଥିଲା ଫଣ୍ଡ
ପିଏମ ମୋଦୀ ମାର୍ଚ ୨୮ ତାରିଖରେ କରୋନା ବିରୁଦ୍ଧରେ ଯୁଦ୍ଧ ପାଇଁ ପିଏମ କେୟାର୍ସ ଫଣ୍ଡ ର ଗଠନ କରିଥିଲେ । ଏହା ସହିତ ସେ ଲୋକ ମାନଙ୍କୁ ନିଜ ଇଚ୍ଛାରେ ଚାନ୍ଦା ଦେବା ପାଇଁ କହିଥିଲେ । ପ୍ରଧାନମନ୍ତ୍ରୀ ମୋଦୀ ଟୁଇଟ କରି କହିଥିଲେ ଦେଶର ସବୁ ଲୋକ ମାନେ କୋଭିଡ-୧୯ ବିରୁଦ୍ଧରେ ହେଉଥିବା ଯୁଦ୍ଧରେ ସହଯୋଗ କରିବା ପାଇଁ ଇଚ୍ଛା ପ୍ରକାଶ କରିଛନ୍ତି । ଏହି ଭାବନା କୁ ଆଖିରେ ରଖି ପିଏମ କେୟାର୍ସ ଫଣ୍ଡ ଗଠନ କରିଛି । ସୁସ୍ଥ ଭାରତ ଗଠନରେ ଏହା ବହୁତ ଲାଭକାରୀ ପ୍ରମାଣିତ ହେବ । ଏହି ଘଟଣାକୁ ନେଇ ଆପଣଙ୍କ ମତାମତ କମେଣ୍ଟ କରନ୍ତୁ । ଦୈନନ୍ଦିନ ଘଟୁଥିବା ଘଟଣା ବିଷୟରେ ଅପଡେଟ ରହିବା ପାଇଁ ପେଜକୁ ଲାଇକ ଲାଇକ କରନ୍ତୁ ।