ସରକାରୀ ଚାକିରିରେ ଆବେଦନ କରିବ ଅପାଇନ ଅପେକ୍ଷା କରିଥିବା ଆଶାୟୀ ପ୍ରାର୍ଥୀଙ୍କ ପାଇଁ ଆସିଲା ବଡ ଖବର । ଓଡିଶା ଷ୍ଟାଫ ସିଲେକ୍ସନ କମିଶନ (OSSC) ପକ୍ଷରୁ ମିଳିତ ବୈଷୟିକ ସେବା ଏବଂ ମିଳିତ ସ୍ନାତ୍ତକ ସ୍ତର ନିଯୁକ୍ତି ପାଇଁ ପ୍ରକାଶ ପାଇଲା ବିଜ୍ଞପ୍ତି । ଏହି ସବୁ ବିଭାଗରେ ମୋଟ ୨୧୬୯ଟି ପଦବୀ ପାଇଁ ପ୍ରତିଯୋଗୀତା ମୂଳକ ପରୀକ୍ଷା କରାଯିବ । ଆଶାୟୀ ପ୍ରାର୍ଥୀମାନେ ଏଥିପାଇଁ ଅନଲାଇନ ମାଧ୍ୟମରେ ଆବେଦନ କରିପାରିବେ ।
ଆଶାୟୀ ପ୍ରାର୍ଥୀଙ୍କୁ ଓଡିଶା ଷ୍ଟାଫ ସିଲେକ୍ସନ କମିଶନର ୱେବସାଇଟ www.ossc.ac.in ରେ ଅନଲାଇନ ଜରିଆରେ ଆବେଦନ କରିବାକୁ ହେବ । ମିଳିତ ବୈଷୟିକ ସେବାର ଗ୍ରୁପ-ବି ରେ ମୋଟ ୧୨୨୬ ପଦବୀରେ ନିଯୁକ୍ତି ପାଇଁ ଖାଲି ପୋଷ୍ଟ ବାହାରିଥିବା ବେଳେ ମିଳିତ ସ୍ନାତ୍ତକ ସ୍ତର ପାଇଁ ମୋଟ ୯୪୩ ପଦବୀରେ ଚୟନ ପ୍ରାର୍ଥୀଙ୍କୁ ନିଯୁକ୍ତି ଦିଆଯିବ । ଏହା ବ୍ଯତୀତ ଗ୍ରୁପ-ବି ରେ ୬୯୯ ଏବଂ ଗ୍ରୁପ-ସି ରେ ୨୪୪ ପଦବୀ ମଧ୍ୟ ରହିଛି । ଆସନ୍ତା ନଭେମ୍ବର ୧୧ ତାରିଖରୁ ନିଜ ପସନ୍ଦର ପଦବୀରେ ଆବେଦନ କରିପାରିବେ ଆଶାୟୀ ପ୍ରାର୍ଥୀ ।
ତେବେ ଡିସେମ୍ବର ୧୦ ତାରିଖ ଭିତରେ ଆଶାୟୀଙ୍କୁ ଆବେଦନ କରିବାକୁ ହେବ । କାରଣ ଡିସେମ୍ବର ୧୦ ତାରିଖ ଆବେଦନର ଶେଷ ତାରିଖ ରଖାଯାଇଛି । ତେବେ ଏ ସମ୍ବନ୍ଧରେ ଟ୍ବିଟ କରି ସୂଚନା ଦେଇଛନ୍ତି ନିଜେ ଓଡିଶା ଷ୍ଟାଫ ସିଲେକ୍ସନ କମିଶନର ଅଧ୍ୟକ୍ଷ ଅଭୟ । ନିକଟରେ ବୈଷୟିକ ସେବା ଏବଂ ସ୍ନାତ୍ତକ ସ୍ତରରେ ବିଭିନ୍ନ ପଦ ପଦବୀରେ ନିଯୁକ୍ତି ପାଇଁ ଏକାଧିକ ପରୀକ୍ଷା ବଦଳରେ ଏକକ ପରୀକ୍ଷା ପାଇଁ କରାଯାଇଥିବା ପ୍ରସ୍ତାବକୁ ରାଜ୍ୟ କ୍ଯାବିନେଟ ଅନୁମୋଦନ ଦେଇଥିଲା ।
ରାଜ୍ୟ ସରକାରଙ୍କ ଅଧିନସ୍ଥ ‘ଖ’ ବର୍ଗ ଏବଂ ‘ଗ’ ବର୍ଗ ଅନ୍ତର୍ଗତ ବିଭିନ୍ନ ସେବା ଓ ପଦ ପଦବୀରେ ନିଯୁକ୍ତି ପାଇଁ ସମନ୍ଵିତ ସ୍ନାତ୍ତକ ସ୍ତର ନିଯୁକ୍ତି ପ୍ରକ୍ରିୟା ନିଯମାବଳୀ ଜାରି କରାଯାଇଛି । କ୍ଯାବିନେଟ ଅନୁମୋଦନ ଦେବା ପରେ ଓଡିଶା ଷ୍ଟାଫ ସିଲେକ୍ସନ କମିଶନ ପ୍ରଥମ ଥର ପାଇଁ ମିଳିତ ପରୀକ୍ଷା କରୁଛି ।
ଏହାଦ୍ବାରା ନିଯୁକ୍ତି ପ୍ରକ୍ରିୟାକୁ ଆହୁରି ସୁବ୍ୟବସ୍ଥିତ କରାଯିବା ସହ ନିର୍ଦ୍ଧାରିତ ସମୟ ମଧ୍ୟରେ ଏହାକୁ ଶେଷ କରା ଯାଇପାରିବ । ଏହାସହ ପରୀକ୍ଷାର୍ଥୀଙ୍କ ସମୟ ସହ ଅର୍ଥ ବ୍ୟୟ ମଧ୍ୟ କମ୍ ହେବ । ତେବେ ସୂଚନା ପାଇଁ ଆପଣ ଉପରୋକ୍ତ ୱେବସାଇଟରେ ଯାଇ ଯାଞ୍ଚ କରିବା ସହ ଆବେଦନ ପ୍ରକ୍ରିୟା ମଧ୍ୟ ପୂରଣ କରିପାରିବେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।