ଗଜପତି ଚନ୍ଦ୍ରଗିରି ଆଇଟିଆଇ କଲେଜର ଜଣେ ପୂର୍ବତନ ଛାତ୍ର ସମୀର ପ୍ରଧାନ ନିଜର ଜ୍ଞାନ ଓ କୌଶଳ ମାଧ୍ୟମରେ ବିଭିନ୍ନ ପ୍ରକାରର ଯନ୍ତ୍ରପାତି ନୂଆ କରି ଉଦ୍ଭାବନ କରିଛନ୍ତି । ସୀମାରେ ଅନେକ ସମୟରେ ଶତ୍ରୁ ତାର କାଟି ପ୍ରବେଶ କରିଯାନ୍ତି । ତେଣୁ ଶତ୍ରୁଙ୍କ ଅନୁପ୍ରବେଶକୁ କିଭଳି ରୋକି ହେବ ସେଥିପାଇଁ ଚିନ୍ତା କରି ସମୀର ଏକ ଯନ୍ତ୍ର ଉଦ୍ଭାବନ କରିଛନ୍ତି । ଏହି ଯନ୍ତ୍ର ସୀମାରେ ଶତ୍ରୁଙ୍କ ପ୍ରବେଶ ବିଷୟରେ ସୂଚନା ଦେବା ସହ ବିଷାକ୍ତ ଗ୍ଯାସ ସ୍ପ୍ରେ କରି ଶତ୍ରୁଙ୍କୁ ମୂର୍ଚ୍ଛା ମଧ୍ୟ କରିଦେବ ।
ସୀମାରେ ଶତ୍ରୁଙ୍କ ପ୍ରବେଶ ଯୋଗୁଁ ଅନେକ ଯବାନ ଶହୀଦ ହୋଇ ଯାଉଛନ୍ତି । ଏପରି ଯେପରି ନହୁଏ ସେଥିପାଇଁ ଏଭଳି ଏକ ନୂଆ ଜିନିଷର ଉଦ୍ଭାବନ କରିଛନ୍ତି ଏହି ଦୁର୍ଗମ ଅଞ୍ଚଳର ଯୁବକ । ଏହାସହ ସେ ପୋଲିସ ମାନଙ୍କ ପାଇଁ ମଧ୍ୟ ଏକ ପ୍ରୋଜେକ୍ଟ କରିଛନ୍ତି । ଏକ ପ୍ରକାର ହେଲମେଟ ତିଆରି କରିଛନ୍ତି ଯାହା ମୃତକଙ୍କ ମୁଣ୍ଡରେ ପିନ୍ଧାଇବା ଦ୍ଵାରା ତାହା ସ୍କାନ କରି ହତ୍ୟାକାରୀଙ୍କ ଫଟୋ ଦେଖାଇଦେବ ।
ଏଭଳି ଘଟଣାର ଯାଞ୍ଚ କରିବା ପାଇଁ ଏବଂ ହତ୍ୟାକାରୀକୁ ଧରିବା ପାଇଁ ପୋଲିସକୁ ଅନେକ ସମୟ ଲାଗିଯାଏ । କିନ୍ତୁ ଏହି ହେଲମେଟ ସାହାଯ୍ୟରେ କେବଳ ୫ ମିନିଟରେ ଦୋଷୀକୁ ଧରିହେବ ବୋଲି ସମୀର କହିଛନ୍ତି । ସମୀରଙ୍କ ଏଭଳି ଉଦ୍ଭାବନ ଯୋଗୁଁ ସ୍ଥାନୀୟ ବାସିନ୍ଦା ମଧ୍ୟ ବେଶ ଖୁସି ଅଛନ୍ତି ।
ସେମାନକ ଅଞ୍ଚଳର ଜଣେ ଯୁବକ ଏତେ ବଡ କାମ କରିପାରିଛି ସେମାନଙ୍କ ପାଇଁ ଏହା ଗର୍ବର ବିଷୟ ବୋଲି ସେମାନେ କହିଛନ୍ତି । ସମୀର ଏଭଳି ଜିନିଷ ସବୁ ତିଆରି କରିବା ପରେ ଏହାକୁ କେମିତି ଲୋକଙ୍କୁ ଜଣାଇବେ ଓ କିଭଳି ସେନାର ହିତରେ ଲଗାଇବେ ବୋଲି ଜଣେ ବଡ ଭାଇଙ୍କୁ ଯାଇ ପଚାରିଥିଲେ । ଯାହାଫଳରେ ସେ ତାଙ୍କୁ ପ୍ରଥମେ ସମୀରଙ୍କ ଉଦ୍ଭାବନକୁ ଲୋକଲୋଚନକୁ ଆଣିବାକୁ ସାହାଯ୍ୟ କରିଥିଲେ ।
ପୁଅର ସମାଜ ପାଇଁ ଏଭଳି ଜନ ହିତକର କାର୍ଯ୍ୟରେ ତାଙ୍କ ବାପା ମଧ୍ୟ ବେଶ ଖୁସି ଅଛନ୍ତି କହିଛନ୍ତି । ସମୀର ଯାହା ତିଆରି କରିଛନ୍ତି ତାହା କିପରି ଶୀଘ୍ର ଲୋକଙ୍କ ପାଖରେ ପହଞ୍ଚିବ ଓ କାର୍ଯ୍ୟରେ ଲାଗିବ ସେନେଇ ସେ ଅନେକ ଆଶା ରଖିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।