ମୋ ଇଚ୍ଛା ହେଲା ମୁଁ ମାରିଦେଲି, ଚନ୍ଦୁକୁ ମାରିଦେଲି, ହଁ ମୁଁ ଲେଡି ଡନ୍ । ମୋ ଇଚ୍ଛା ଯେତେବେଳେ ଯାହା ହେବ ତାହା କରିବ । ଭଲକରି ଏହି ଲେଡି ଡନ୍ ଙ୍କ ଆବଭାବ ଓ ଚାଲିଚଳନକୁ ଦେଖି ନିଅନ୍ତୁ । ସେ ନିଜେ ସ୍ଵୀକାର କରୁଛନ୍ତି ଯେ ସେ ମଣିଷ ମାରିଛନ୍ତି । ତଥାପି ତାଙ୍କ ମନରେ ଟିକେ ବି ଭୟ ନାହିଁ । ନାରାୟଣ ବସ୍ତିର ପି. ସୁବ୍ରତ ରାଓ ଓରଫ ଚନ୍ଦୁ ହତ୍ୟାକାଣ୍ଡ ମାମଲାରେ ଗିରଫ ହୋଇଛନ୍ତି ମୁଖ୍ୟ ଅଭୁଯୁକ୍ତ ତଥା ଲେଡି ଡନ୍ ରଞ୍ଜୁ ଓ ତାଙ୍କ ସହଯୋଗୀ କାହ୍ନା ।
ଏହି ଦୁଇଜଣଙ୍କୁ କ୍ୟାପିଟାଲ ଥାନା ପୋଲିସ ଗିରଫ କରି ସାରିଛି । ହତ୍ୟାକାଣ୍ଡ ଭିଆଇବା ପରେ ରଞ୍ଜୁ ଓ ତା’ ସହଯୋଗୀ କାହ୍ନା ଯାଇ ବାହାର ଜିଲ୍ଲାରେ ଲୁଚିଥିଲେ । ଚନ୍ଦୁକୁ ହତ୍ୟା କରିବା ପରେ ଉଭୟ ମିଶି ବାହାର ଜିଲ୍ଲାକୁ ଫେରାର ହୋଇ ଯାଇଥିଲେ । ଏହାର ଖବର ପାଇ କ୍ୟାପିଟାଲ ଥାନା ପୋଲିସ ଉଭୟଙ୍କୁ ଯାଇ ଗିରଫ କରିଥିଲା । ତେବେ ପୁରା ଘଟଣାଟି ହେଉଛି ଗତ ୯ ତାରିଖ ରାତିରେ ଚନ୍ଦୁ ଓ ତା’ର ସହଯୋଗୀଙ୍କୁ ଗୋଡେଇ ଗୋଡେଇ ଆକ୍ରମଣ କରିଥିଲେ ରଞ୍ଜୁ ଏବଂ ତାଙ୍କ ସହଯୋଗୀ କାହ୍ନା ।
ଫଳରେ ଚନ୍ଦୁଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇଜଣ ଗୁରୁତର ହୋଇ ଏବେବି ଚିକିତ୍ସାଧୀନ ଅଛନ୍ତି । ଆଉ ଏହି ଘଟଣା ଘଟାଇବା ପରେ ଲେଡି ଡନ୍ ରଞ୍ଜୁ ଓ ତାଙ୍କ ସହଯୋଗୀ କାହ୍ନା କୁଆଡେ ଫେରାର ହୋଇ ଯାଇଥିଲେ । କମିଶନରେଟ ପୋଲିସର ଘଟଣାର ତଦନ୍ତ ଜାରି ରଖିଥିଲା ।
ହେଲେ ରଞ୍ଜୁ ଓ କାହ୍ନାର କୌଣସି ପତ୍ତା ମିଳିପାରି ନଥିଲା । ବହୁ ଖୋଳତାଡ କରିବା ପରେ ଶେଷରେ ରଞ୍ଜୁ ଓ କାହ୍ନା ଲୁଚିଠିବା ସ୍ଥାନର ସୁରାକ ପୋଲିସ ହାତରେ ଲାଗିଥିଲା । ଏହାପରେ ଯୋଜନା କରି ପୋଲିସ ଯାଇ ରଞ୍ଜୁ ଓ କାହ୍ନାକୁ ଗିରଫ କରିବାରେ ସକ୍ଷମ ହୋଇଛି । ସେମାନଙ୍କୁ ଗିରଫ କରି କ୍ୟାପିଟାଲ ଥାନାକୁ ଆଣିଛି ପୋଲିସ ।
ଆଉ ରଞ୍ଜୁକୁ ଏନେଇ ପଚରା ଯିବାରୁ ସେ କହୁଛି ମୋ ଇଚ୍ଛା ହେଲା ତେଣୁ ଚନ୍ଦୁକୁ ମାରିଦେଲି । ଏଭଳି ନିର୍ଭୀକ ଲେଡି ଡନ୍ ବିରୁଦ୍ଧରେ କଣ କାର୍ଯ୍ୟାନୁଷ୍ଠାନ ନିଆଯାଉଛି ତାହା ଦେଖିବାକୁ ବାକି ରହିଲା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।