କଥାରେ ଅଛି, ନେଡି ଗୁଡ କହୁଣିକୁ ବୋହିଗଲା ପରେ ଆଉ ପସ୍ତେଇକି ଲାଭ କଣ ! ଏହି ଲୋକକଥାଟି ବର୍ତ୍ତମାନ ଭାରତୀୟ କ୍ରିକେଟ ଦଳର ଅଧିନାୟକ ରୋହିତ ଶର୍ମାଙ୍କୁ ଏକଦମ ସୁହାଉଛି । ଗତକାଲି ଇଂଲଣ୍ଡ ବିପକ୍ଷରେ ମ୍ଯାଚ ହାରିବା ପରେ ରୋହିତ ଶର୍ମା କାନ୍ଦୁଥିବାର ଦେଖିବାକୁ ମିଳିଥିଲା । ଉଦାସ ହେବାସହ ତଳକୁ ମୁହଁ କରି ଆଖିରୁ ଲୁହ ପୋଛି ପକାଉଥିଲେ ରୋହିତ । ଲଜ୍ଜା ଓ ଦୁଃଖରେ ରୋହିତଙ୍କ ମୁଣ୍ଡ ନଇଁ ଯାଉଥିବା ବେଳେ ଫ୍ୟାନ୍ସଙ୍କ ହୃଦୟକୁ କିନ୍ତୁ ଏହା ତରଳାଇ ପାରିନାହିଁ ।
ସମୟ ଥାଉ ଥାଉ ରୋହିତ ଯଦି ନିଜ ଭୁଲ ସୁଧାରି ଦେଇଥାନ୍ତେ ତେବେ ଟିମ୍ ଇଣ୍ଡିଆ ଆଜି ଫାଇନାଲରେ ଥା’ନ୍ତା ବୋଲି ଲୋକେ ଚର୍ଚ୍ଚା କରୁଛନ୍ତି । ବିଶ୍ଵକପ ମ୍ଯାଚ ଆରମ୍ଭରୁ ଟିମ୍ ଇଣ୍ଡିଆ ମ୍ଯାଚ ଜିତି ଆସୁଥିଲେ ମଧ୍ୟ ଟିମ୍ ର ଅନେକ ଭୁଲକୁ ନଜରଅନ୍ଦାଜ କରିବା ରୋହିତଙ୍କୁ ମହଙ୍ଗା ପଡିଛି । ଆଉ ବର୍ତ୍ତମାନ ସବୁକିଛି ହୃଦୟଙ୍ଗମ ହେବା ବେଳକୁ ଡଙ୍ଗା ବୁଡି ସାରିଲାଣି । ଯାହା ଦେଖି ରୋହିତ ଶର୍ମା ଭୋ ଭୋ ହୋଇ କାନ୍ଦି ପକାଇଥିଲେ । ହେଲେ ରୋହିତ ଏଭଳି କାନ୍ଦିବାକୁ ସମସ୍ତେ ଛଳନା ବୋଲି କହୁଛନ୍ତି ।
କାରଣ ରୋହିତଙ୍କ ପାଖେ ଭଲ ଭଲ ଖେଳାଳି ଥିଲେ ମଧ୍ୟ ସେ ସେମାନଙ୍କୁ ସୁଯୋଗ ଦେଇ ନଥିଲେ । ଲଗାତର ଖରାପ ପ୍ରଦର୍ଶନ କରି ଆସୁଥିବା ଖେଳାଳିଙ୍କୁ ଦଳରେ ସୁଯୋଗ ଦେଉଥିଲେ । ୟୁଜି ଚହଲଙ୍କୁ ଖେଳିବାକୁ ସୁଯୋଗ ଦେଲେନାହିଁ ଏବଂ କେ.ଏଲ ରାହୁଲ ଲଗାତାର ଫ୍ଲପ ହୋଇଥିଲେ ମଧ୍ୟ ତାଙ୍କୁ ବ୍ୟାଟିଂ କରିବାକୁ ସୁଯୋଗ ଦେଇଥିଲେ । ଏପରିକି ନିଜେ ମଧ୍ୟ ପୁରା ବିଶ୍ଵକପରେ ବ୍ୟାଟିଂରେ ଏକଦମ ଅସଫଳ ରହିଥିଲେ ରୋହିତ ।
ଟିମ୍ ଇଣ୍ଡିଆ ସେମିଫାଇନାଲରେ ଭଲ ପ୍ରଦର୍ଶନ କରିବା ନେଇ ସମସ୍ତେ ଆଶା ବାନ୍ଧି ବସିଥିଲେ ମଧ୍ୟ ଫଳାଫଳ ଏକଦମ ଓଲଟା ହୋଇଥିଲା । ତେଣୁ ରୋହିତଙ୍କ ନିଜ କର୍ମ ହିଁ ତାଙ୍କୁ କନ୍ଦାଉଛି ବୋଲି ଅନେକ ଲୋକ ତାଙ୍କୁ ସମାଲୋଚନା କରୁଛନ୍ତି । ସେମିଫାଇନାଲ ହାରିବା ପରେ କେବଳ ରୋହିତ କାନ୍ଦି ନାହାନ୍ତି ବରଂ ତାଙ୍କ ସହ ପ୍ରତିଟି ଭାରତୀୟ କ୍ରିକେଟପ୍ରେମୀଙ୍କ ହୃଦୟ କାନ୍ଦୁଛି ।
ଚିର ପ୍ରତିଦ୍ଵନ୍ଦୀ ପାକିସ୍ତାନ ସେମିଫାଇନାଲକୁ ଯିବାପରେ ଭାରତ ଓ ପାକିସ୍ତାନ ମଧ୍ୟରେ ଫାଇନାଲରେ କଡା ମୁକାବିଲା ଦେଖିବାକୁ ମିଳିବ ବୋଲି ସମସ୍ତେ ଆଶା କରୁଥିଲେ । କିନ୍ତୁ ବର୍ତ୍ତମାନ ପାକିସ୍ତାନ ଭାରତକୁ ନେଇ ଟାହିଟାପରା କରୁଛି । ଏପରି ସ୍ଥିତିରେ ଆଉ ଲୁହ ଗଡେଇ କି ଫାଇଦା ବୋଲି ଲୋକେ ଚର୍ଚ୍ଚା କରୁଛନ୍ତି । ତେବେ ଏନେଇ ଆପଣଙ୍କ ମତ କଣ ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।