ଯାତ୍ରା ଅଭିନେତ୍ରୀଙ୍କୁ ମଞ୍ଚ ଉପରେ ଚପଲ ଫୋପାଡିବା ଘଟଣାକୁ ନେଇ ଏବେ ସବୁଆଡେ ତର୍କବିତର୍କ ଚାଲିଛି । ଭଦ୍ରକର ଚରମ୍ପା ଅଞ୍ଚଳରେ କାଳୀପୂଜା ଉପଲକ୍ଷେ ଯାତ୍ରାର ଆୟୋଜନ ହୋଇଥିଲା । “ରାଜନନ୍ଦିନୀ” ଯାତ୍ରା ପାର୍ଟି ଯାତ୍ରା ପରିବେଷଣ କରୁଥିବା ବେଳେ ଅଭିନେତ୍ରୀ ରାନୀ ପ୍ରିୟଦର୍ଶିନୀ ଆଇଟମ ଗୀତରେ ଡ୍ୟାନ୍ସ ପ୍ରଦର୍ଶନ କରୁଥିଲେ । ଏତିକି ବେଳେ ଦର୍ଶକଙ୍କ ଭିଡ ମଧ୍ୟରୁ ଜଣେ ମହିଳା ତାଙ୍କୁ ଚପଲ ଫୋପାଡି ଥିଲେ ଏବଂ ତାଙ୍କ ଡ୍ୟାନ୍ସର ବିରୋଧ କରି ମଞ୍ଚ ଉପରକୁ ଚଢି ଯାଇଥିଲେ ।
ତାଙ୍କୁ ଅଟକାଇବା ପାଇଁ ଯତର କତ୍ତୃପକ୍ଷମାନେ ଚେଷ୍ଟା କରିଥିଲେ । ମହିଳା ଓ ଯାତ୍ରା କର୍ମୀଙ୍କ ମଧ୍ୟରେ ଅନେକ ସମୟ ଧରି ଗଣ୍ଡଗୋଳ ପରିସ୍ଥିତି ଦେଖା ଦେଇଥିଲା । ଫଳରେ କିଛି ସମୟ ଧରି ଯାତ୍ରା ବନ୍ଦ ହୋଇଥିଲା । ଏହି ଘଟଣାର ଭିଡିଓ ଏବେ ମୋବାଇଲରୁ ମୋବାଇଲକୁ ଘୁରି ବୁଲୁଥିବା ବେଳେ ଏହାକୁ ନେଇ ସମସ୍ତେ ଭିନ୍ନ ଭିନ୍ନ ମତ ରଖୁଛନ୍ତି । ଏତିକି ବେଳେ ଆଉ ଜଣେ ମହିଳା ଯାତ୍ରା କଳାକାର ଏନେଇ ନିଜ ମତ ରଖିଛନ୍ତି ।
ସେ କହିଛନ୍ତି କି, ଏଥିରେ ଯାତ୍ରା ପାର୍ଟି କିମ୍ବା ଅଭିନେତ୍ରୀଙ୍କର କୌଣସି ଭୁଲ ନାହିଁ । ସମସ୍ତେ ନିଜ ପେଟ ପୋଷିବା ପାଇଁ କାମ କରୁଛନ୍ତି । କିନ୍ତୁ ସେମାନଙ୍କୁ ସେଠାକୁ ଡ଼ାକିଥିବା କମିଟି ଏଥିପାଇଁ ସଂପୂର୍ଣ୍ଣ ଭାବେ ଦାୟୀ । ସେମାନେ ଯାତ୍ରା ଓ ଏହିଭଳି ନୃତ୍ୟକୁ ପ୍ରୋତ୍ସାହନ ଦେଇଥିବାରୁ ଆଜି ଏହିଭଳି ଘଟଣା ଘଟିଛି ।
ଅଭିନେତ୍ରୀ ରାନୀ ପ୍ରିୟଦର୍ଶିନୀ ସାହୁଙ୍କୁ ଯାତ୍ରା ପାର୍ଟିର ମାଲିକ ଡ୍ୟାନ୍ସ କରିବା ପାଇଁ ଡାକି ନଥିଲେ । ବରଂ କମିଟି ତାଙ୍କୁ ଡ଼ାକିଥିଲା ତେଣୁ ଏଠି ସଂପୂର୍ଣ୍ଣ ଭୁଲ ହେଉଛି କମିଟିର ବୋଲି କହିଛନ୍ତି ମହିଳା କଳାକାର । ପ୍ରଥମତଃ କମିଟି ଏହିସବୁ ପ୍ରତି ଧ୍ୟାନ ରଖିବାର ଥିଲା ଏବଂ ଅଶ୍ଳୀଳତାକୁ ତଥା ଅଶ୍ଳୀଳ ଡ୍ୟାନ୍ସ ପ୍ରଦର୍ଶନ କରୁଥିବା ବ୍ୟକ୍ତିଙ୍କୁ ମଞ୍ଚ ଉପରେ ଚଢାଇ ଦେବାର ନଥିଲା । କମିଟି ଯୋଗୁଁ ଆଜି ଜଣେ ନାରୀର ଅସମ୍ମାନ ହୋଇଛି ଓ ଯାତ୍ରା ସମୟରେ ଏହିଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ବୋଲି ସେ କହିଛନ୍ତି ।
ତେବେ ମହିଳାଜଣକ ପ୍ରତ୍ଯକ୍ଷରେ ରାନୀଙ୍କ ନୃତ୍ୟ ନିନ୍ଦା କରି ନଥିଲେ ମଧ୍ୟ ଅତି ଚତୁରତାର ସହ ପରୋକ୍ଷରେ ନିନ୍ଦା କରିଛନ୍ତି । ତେବେ ଏନେଇ ଆପଣଙ୍କ ମତ କଣ ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।