ଜଣେ ମହିଳା ତା’ର ପୂର୍ବ ପ୍ରେମୀର ମା’କୁ ଏତେ ଅମାନୁଷିକ ଉପାୟରେ ହତ୍ୟା କରିଛି, ଯାହା ବିଷୟରେ ଆପଣ ଶୁଣିଲେ ଆଶ୍ଚର୍ଯ୍ୟ ହେବେ । ଅଦାଲତରେ କୁହାଯାଇଛି ଏହି ମହିଳା ଜଣେ ୬୩ ବର୍ଷ ବୟସର ବୃଦ୍ଧ ମହିଳାଙ୍କୁ ଦୁଇଟି ଛୁରୀରେ ଆକ୍ରମଣ କରିଥିଲା । ଖବର ଅନୁସାରେ ଜଣା ପଡିଛି କି ଆକ୍ରମଣ ପରେ ପରେ ମଧ୍ୟ ବୃଦ୍ଧ ମହିଳାଙ୍କ ମୃତ୍ୟୁ ହୋଇନଥିଲା । ମହିଳା ଜଣକ ବେହୋସ ଅବସ୍ଥାରେ ତଳେ ପଡିଯାଇଥିଲେ । ଏ
ହା ପରେ ମହିଳା ଜଣକ ବୃଦ୍ଧ ମହିଳାଙ୍କ ଶରୀରରୁ ଆତ୍ମାକୁ ଅଲଗା କରିବା ପାଇଁ ବୃଦ୍ଧ ମହିଳାଙ୍କ ମୁଣ୍ଡ କାଟି ଦେଇଥିଲେ । ଏହା ପରେ ସେହି ମହିଳା ଜଣକ ବୃଦ୍ଧାଙ୍କ ଶରୀରକୁ ଗ୍ୟାରେଜରେ ଲୁଚାଇଦେଇଥିଲେ ଓ ମୁଣ୍ଡକୁ ରୋଷେଇ ଘରର sink ରେ ରଖିଦେଇଥିଲେ ।
ଗତ ଗୁରୁବାର ଦିନ ଏହି ମହିଳାଙ୍କ ଉପରେ ଫାର୍ଷ୍ଟ ଡିଗ୍ରୀ ମର୍ଡରର ଦୋଷ ଲାଗିଥିଲା । ଆମେରିକାର କଂସାସ ରାଜ୍ୟର ସବୁଠାରୁ ବଡ ସହର ବିଚିଟାରେ ରହୁଥିବା Rachael Hilyard ଙ୍କ ଉପରେ ୬୩ ବର୍ଷର Micki Davisଙ୍କୁ ହତ୍ୟା କରିଥିବାର ଆରୋପ ଲାଗିଛି । ୯ ଏପ୍ରିଲ ୨୦୧୭ରେ Miki Davis ନିଜ ୯ ବର୍ଷର ନାତି ସହ Rachael Hilyardଙ୍କ ଘରକୁ ତାଙ୍କ ପୁଅର କିଛି ସାମଗ୍ରୀ ଆଣିବାକୁ ଯାଇଥିଲେ ।
Sedgwick Country District Attorney, Marc Bennett ଅଦାଲତରେ କହିଥିଲେ କି, ସେହି ସମୟରେ ଦୁଇଜଣଙ୍କ ମଧ୍ୟରେ ଯୁକ୍ତି ଆରମ୍ଭ ହୋଇଥିଲା । ସେହି ସମୟରେ Rachael Hilyard ଦୁଇଟି ଛୁରୀ ନେଇ ହଠାତ ବୃଦ୍ଧାଙ୍କ ଉପରେ ଆକ୍ରମଣ କରିଥିଲେ । ବେକକୁ ଆକ୍ରମଣ କରିବାରୁ ମହିଳା ଜଣକ ସେଠାରେ ବେହୋସ ଅବସ୍ଥାରେ ପଡିଯାଇଥିଲେ । ହେଲେ ସେହି ସମୟରେ ମହିଳାଙ୍କର ମୃତ୍ୟୁ ହୋଇନଥିଲା ।
ଖବର ଅନୁସାରେ ଜଣା ପଡିଛି କି Rachael Hilyard ଭବିଲା ତାର ପୂର୍ବ ପ୍ରେମୀର ମା’ ମରିଯାଇଛି, ଏହା ଭାବି ସେ ବୃଦ୍ଧା ମହିଳାଙ୍କ ମୁଣ୍ଡକୁ ଛୁରୀରେ କାଟିଦେଇଥିଲା ଓ ଶରୀରକୁ ଗ୍ୟାରେଜରେ ଲୁଚାଇଦେଇଥିଲା । ହେଲେ ମୁଣ୍ଡକୁ sink ରେ ଥୋଇଦେଇଥିଲା । ସେହି ସମୟରେ ବୃଦ୍ଧାଙ୍କ ସହ ଆସିଥିବା ପିଲାଟି ଏହି ଦୃଶ୍ୟକୁ ଦେଖି ଭୟଭୀତ ହୋଇ ଯାଇଥିଲା ।
ସେହି ପିଲାଟି ଘରୁ ବାହାରି ସମସ୍ତଙ୍କୁ ସାହାର୍ଯ୍ୟ ମାଗିଥିଲା । ଏହି ମାମଲାରେ ଗିରଫ ହୋଇଥିବା ମହିଳାକୁ ତା’ର ଚିକିତ୍ସା ପାଇଁ ମନୋବିଜ୍ଞାନ ହସ୍ପିଟାଲରେ ଭର୍ତି କରାଯାଇଛି । ମହିଳା ଜଣକ ଅଦାଲତରେ ନିଜର ଭୁଲକୁ ସ୍ଵୀକାର କରିଛି ଓ ୨୭ ମାର୍ଚ୍ଚରେ ମହିଳାର ଦଣ୍ଡ ଘୋଷଣା ହେବ ।