ପାଖାପାଖି ଏକ ବର୍ଷ ପରେ ଦୁଇ ଦୁଇ ଥର ନିର୍ବାଚନ ସ୍ଥଗିତ ରହିବା ପରେ ଆଜି ପିପିଲି ଉପନିର୍ବାଚନ ପାଇଁ ଭୋଟିଂ ହେଉଛି । ଆଜି ସକାଳ ୭ଟା ରୁ ପିପିଲି ଉପନିର୍ବାଚନ ପାଇଁ ମତଦାନ ଆରମ୍ଭ ହୋଇଛି । ଏଥିରେ ବିଜେଡି ପ୍ରାର୍ଥୀ ରହିଛନ୍ତି ସ୍ବର୍ଗତଃ ପ୍ରଦୀପ ମହାରଥୀଙ୍କ ପୁଅ ରୁଦ୍ରପ୍ରତାପ ମହାରଥୀ । ମତଦାନ ସ୍ଥଳରେ ପୁରା ମହାରଥୀ ପରିବାର ସହ ଆଦି ପହଞ୍ଚିଥିଲେ ରୁଦ୍ରପ୍ରତାପ ମହାରଥୀ ।
ଭୋଟ ଦେବା ପାଇଁ ପାଣିତୋଳ ଭୋଟ କେନ୍ଦ୍ରରେ ରୁଦ୍ରପ୍ରତାପ ମହାରଥୀ, ପତ୍ନୀ ଜାଗୃତି, ମା ପ୍ରତିଭା ମହାରଥୀ ଓ ଭଉଣୀ ଭିଣୋଇ ମଧ୍ୟ ଆସି ପହଞ୍ଚିଥିଲେ । ସକାଳୁ ସକାଳୁ ସେମାନେ ମଧ୍ୟ ନିଜ ମତାଧିକାର ସାବ୍ୟସ୍ତ କରିଛନ୍ତି । ଏହି ଭୋଟ କେନ୍ଦ୍ରରେ ୧୦ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ପିପିଲି ବାସିନ୍ଦା । ଏଠାରେ ପ୍ରାୟ ୨ ଲକ୍ଷ ୨୯ ହଜାର ଭୋଟର ନିଜର ମତାଧିକାର ଦେଉଛନ୍ତି ଏବଂ ସେମାନଙ୍କ ଜନ ପ୍ରତିନିଧି ତଥା ପିପିଲି ବିଧାୟକ କିଏ ହେବେ ସେନେଇ ଦେଉଛନ୍ତି ଭୋଟ ।
ତେବେ କଂଗ୍ରେସ, ବିଜେଡି ଓ ବିଜେପି ଏହି ତିନି ଦଳର ପ୍ରାର୍ଥୀଙ୍କ ମଧ୍ୟରେ ଏକ କଡା ମୁକାବିଲା ଦେଖିବାକୁ ମିଳୁଛି । ତେବେ ପୂର୍ବରୁ ବିଜୟ ଲାଭ କରି ସାତ ଥର ପିପିଲି ବିଧାୟକ ହୋଇଥିଲେ ସ୍ଵର୍ଗତ ପ୍ରଦୀପ ମହାରଥୀ । ପିତା ଯେମିତି ବିଜୟ ଲାଭ କରିଥିଲେ ପୁଅ ମଧ୍ୟ ସେହିପରି ବିଜୟ ଲାଭ କରିବ ତାଙ୍କର ଆଶା ଏବଂ ବିଶ୍ବାସ ବୋଲି ବିଜେଡି ପ୍ରାର୍ଥୀ ରୁଦ୍ରପ୍ରତାପଙ୍କ ମା ପ୍ରତିଭା ମହାରଥୀ କହିଛନ୍ତି । ପିପିଲି ପ୍ରଦୀପ ମହାରଥୀଙ୍କ ଗଡ ଥିଲା ଓ ସେ ଥିଲେ ପିପିଲିର ସେନାପତି ।
ତାଙ୍କ ପୁଅ ରୁଦ୍ରପ୍ରତାପ ମହାରଥୀ ପିତାଙ୍କ ପଦଚିହ୍ନ ଅନୁସରଣ କରି ଲୋକଙ୍କ ସେବା କରିବା ପାଇଁ ଆଗେଇ ଆସିଛନ୍ତି । ପିପିଲି ବାସିନ୍ଦା ନିଶ୍ଚୟ ତାଙ୍କୁ ଜିତେଇବେ ଏବଂ ପ୍ରତିଦ୍ଵନ୍ଦୀ ପ୍ରତିହତ କରିପାରିବେ ନାହିଁ ବୋଲି ପ୍ରତିଭା ମହାରଥୀ ଦୃଢ ଭାବେ କହିଛନ୍ତି । ଆଉ ସକାଳୁ ବଡ ସଂଖ୍ଯାରେ ଭୋଟ ଦେବା ପାଇଁ ଆସିଥିବାରୁ ଭୋଟର ମାନଙ୍କୁ କୃତଜ୍ଞତା ମଧ୍ୟ ଜଣାଇଥିଲେ ।
ତେବେ ଆସନ୍ତା ୩ ତାରିଖରେ ନିର୍ବାଚନ ଫଳାଫଳ ପ୍ରକାଶିତ ହେବା ପରେ ଜଣାପଡିବା କିଏ ହେବେ ପିପିଲର ଆଗାମୀ ବିଧାୟକ । ଆମ ପୋଷ୍ଟ ଅନ୍ୟମାନଙ୍କ ସହ ସେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।