ଆଜି ଚେନ୍ନାଇରୁ ଫେରି ସିଧାସଳଖ ଜଗନ୍ନାଥ ବିହାରସ୍ଥିତ ନିଜ ଘରକୁ ଯାଇଛନ୍ତି ବାବୁଶାନ । ଘରେ ପହଞ୍ଚିବା ପରେ ସେ ନିଜ ମାଆଙ୍କୁ ଧରି କାନ୍ଦିଛନ୍ତି । ଏମିତି ଭୁଲ୍ ଆଉ କେବେ ହେବନି, ମାଆ ମୁଁ ତୋତେ ଛାଡି ଆଉ କୁଆଡେ ବି ଯିବିନି ଲୋ । ମୁଁ ସବୁବେଳେ ତୋ ପାଖରେ ଆଉ ବାପାଙ୍କ ପାଖରେ ହିଁ ରହିବି । ମୁଁ ଏବେ ପୁରା ବଦଳିଯିବି ଆଉ ତୋ ସୁନା ପୁଅ ହୋଇଯିବି । ଏ ଦୁନିଆ ଏବେଠୁ ନୂଆ ବାବୁଶାନଙ୍କୁ ଦେଖିବ । ଘରେ ପହଞ୍ଚି ମାଆକୁ ଦେଖିବା ପରେ ତାଙ୍କୁ ଧରି କାନ୍ଦି କାନ୍ଦି ଏମିତି କିଛି କହିଛନ୍ତି ଓଲିଉଡର ହିରୋ ନଂ.୧ ବାବୁଶାନ ମହାନ୍ତି ।
ବାପାଙ୍କ ଦେହ ଖରାପ ଥିବାରୁ ସେ ବାପାଙ୍କ ପାଖରେ ବସି ମଧ୍ୟ କାନ୍ଦିଛନ୍ତି । ପୁଅ ତୁ ଫେରିଆ ବୋଲି ବାବୁଶାନଙ୍କ ମା’ ଅପରାଜିତା ନେହୁରା ହୋଇ କ୍ୟାମେରା ଆଗରେ କାନ୍ଦି କାନ୍ଦି କହିଥିଲେ । ନିଜ ପୁଅକୁ ଏତେ ଭଲ ପାଉଥିବା ମା’ ତାଙ୍କୁ କେମିତି ବା ଛାଡିକି ରହିପାରିବ । ସେଥିପାଇଁ ସମସ୍ତଙ୍କୁ ଭୁଲ୍ ପ୍ରମାଣିତ କରି ଆଜି ପୁଅ ତା’ ମାଆ ପାଖକୁ ପୁଣି ଥରେ ଫେରି ଆସିଛି । ବାବୁଶାନ ଘରକୁ ଆସିବା ପରେ ମା’ର ଆଖି ଭିଜି ଯାଇଛି ।
ପୁଅ ବି ମାଆକୁ ଧରି ଭୋ ଭୋ ହୋଇ କାନ୍ଦିଛି । ଗତକାଲି ଚେନ୍ନାଇ ବିମାନ ବନ୍ଦରରୁ ବାବୁଶାନଙ୍କର ଏକ ଭିଡିଓ ଭାଇରାଲ ହୋଇଥିଲା । ଯାହାପରେ ସେ ଭୁବନେଶ୍ବର ଆସୁଛନ୍ତି ବୋଲି ଚର୍ଚ୍ଚା ଜୋର ଧରିଥିଲା । ହେଲେ ଗତକାଲି ସେ ଭୁବନେଶ୍ବର ଆସି ନଥିଲେ । ହେଲେ ବୁଧବାର ସକାଳୁ ସକାଳୁ ସେ ଭୁବନେଶ୍ବରରେ ପହଞ୍ଚି ବରମୁଣ୍ଡାସ୍ଥିତ ନିଜ ଘରକୁ ଫେରିଛନ୍ତି ।
ବାବୁଶାନ ଏୟାରପୋର୍ଟରେ ପହଞ୍ଚିବା ପରେ ସେଠାରେ ତାଙ୍କ ପ୍ରତିକ୍ରିୟା ନେବା ପାଇଁ ଅନେକ ଗଣମାଧ୍ୟମ ଭିଡ ଜମାଇଥିଲେ । କିନ୍ତୁ ବାବୁଶାନ ପ୍ରଥେମ କେବଳ ନିଜ ଘରକୁ ନିଜ ବାପାମା’ଙ୍କ ପାଖକୁ ଯିବାକୁ ଚାହାନ୍ତି ବୋଲି କହିଥିଲେ । ସେମାନଙ୍କ ସହ ଆଲୋଚନା ପରେ ବାବୁଶାନ ମିଡିଆ ସାମ୍ନାରେ ନିଜ ପ୍ରତିକ୍ରିୟା ରଖିପାରନ୍ତି । ସାରା ଓଡିଶାବାସୀ ଗତ ତିନିଦିନ ହେଲାଣି ବାବୁଶାନ ଘରକୁ ଫେରି ଆସନ୍ତୁ ବୋଲି ଅପିଲ୍ କରୁଥିଲେ ।
ତେବେ ଅପେକ୍ଷାର ଅନ୍ତ ଘଟାଇ ବାବୁଶାନ ତ ଫେରି ଆସିଛନ୍ତି । ଦେଖାଯାଉ ସେ ପ୍ରକୃତିଙ୍କ ସହ ସମ୍ପର୍କକୁ ନେଇ ଆଉ କଣ ପ୍ରତିକ୍ରିୟା ଦେଉଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।