ଓଲିଉଡରେ ଖୁବ କମ୍ ଦିନରେ ନିଜର ସ୍ଵତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି ବହୁ ପ୍ରତିଭାବାନ ଅଭିନେତା ରାଜ ରାଜେଶ । ନେଗେଟିଭ ଚରିତ୍ରରୁ ନିଜ ଅଭିନୟ କ୍ଯାରିୟର ଆରମ୍ଭ କରିଥିବା ରାଜ ରାଜେଶ ନିଜକୁ ଏକ ଭଲ ଅଭିନେତା ଭାବେ ପ୍ରତିପାଦିତ କରି ପାରିଛନ୍ତି । ଅଳ୍ପ ଦିନର ଫିଲ୍ମ କ୍ଯାରିୟର ମଧ୍ୟରେ ସେ ରାଜସ୍ଥାନ ଫିଲ୍ମ ଫେଷ୍ଟିଭାଲ ଜାତୀୟ ସ୍ତରୀୟ ଫିଲ୍ମ କାର୍ଯ୍ୟକ୍ରମରେ ଓଡିଶା ପାଇଁ ଆୱାର୍ଡ ଆଣି ପାରିଛନ୍ତି ।
ତେବେ ଅଭିନୟ ଜୀବନ ଭଳି ନିଜ ବ୍ୟକ୍ତିଗତ ଜୀବନକୁ ନେଇ ମଧ୍ୟ ରାଜ ରାଜେଶ ସବୁବେଳେ ବେଶ ଚର୍ଚ୍ଚାରେ ରୁହନ୍ତି । ଅଭିନେତ୍ରୀ ଶ୍ରଦ୍ଧା ପାଣିଗ୍ରାହୀଙ୍କ ସହ ପ୍ରେମ ସମ୍ପର୍କ ଓ ବ୍ରେକଅପକୁ ନେଇ ସେ ଓଲିଉଡରେ ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଥିଲେ । ଶ୍ରଦ୍ଧାଙ୍କ ସହ ରାଜ ରାଜେଶ ଦୀର୍ଘ ଦିନରୁ ପ୍ରେମ ସମ୍ପର୍କରେ ରହିଥିବା ବେଳେ ଦୁହେଁ ବିବାହ କରିବେ ବୋଲି ନିଷ୍ପତ୍ତି ନେଇଥିଲେ । ଏପରିକି ସେମାନନକ ବିବାହ ନିର୍ବନ୍ଧ ମଧ୍ୟ ସରିଥିଲା । କିନ୍ତୁ ଉଭୟଙ୍କ ମଧ୍ୟରେ କୌଣସି କାରଣରୁ ତିକ୍ତତା ସୃଷ୍ଟି ହେବା ପରେ ଉଭୟଙ୍କର ବ୍ରେକଅପ ହୋଇ ଯାଇଥିଲା ।
ଏହି ଘଟଣାରେ ରାଜ ରାଜେଶଙ୍କୁ ସମସ୍ତେ ଦୋଷୀ ବୋଲି ଭାବିଥିଲେ । ତେବେ ଏନେଇ ସେ ଦୀର୍ଘଦିନ ଧରି ଚୁପ୍ ଥିବାବେଳେ ସମୟ ଆସିଲେ ସତ କଣ ସମସ୍ତେ ଜାଣିବେ ବୋଲି କହିଛନ୍ତି । ତେବେ ଶ୍ରଦ୍ଧାଙ୍କ ସହ ବ୍ରେକଅପ ପରେ ଏବେ ଅନ୍ଯତମ ଓଲିଉଡ ଅଭିନେତ୍ରୀ ଲୁମରାଇନାଙ୍କ ସହ ନଜର ଆସୁଛନ୍ତି ଅଭିନେତା ରାଜ ରାଜେଶ । ଲୁମରାଇନାଙ୍କ ଜନ୍ମଦିନ ସେମାନେ ଏକାଠି ପାଳନ କରିବା ସହ ସେମାନଙ୍କ ଫ୍ରେଣ୍ଡସ୍ ମଧ୍ୟ ଉପସ୍ଥିତ ଥିବା ଦେଖିବାକୁ ମିଳିଛି ।
ତେବେ ବର୍ତ୍ତମାନ ଲୁମରାଇନାଙ୍କୁ ହିଁ ନିଜ ଦୁନିଆ ବୋଲି କହିଛନ୍ତି ରାଜ ରାଜେଶ । ସେ ଲୁମରାଇନାଙ୍କୁ ଲଭ ଅଫ ମାଇ ୱାର୍ଲ୍ଡ ବଦଳରେ ସବୁବେଳେ ଡେଭିଲ ଅଫ ମାଇ ୱାର୍ଲ୍ଡ ବୋଲି କୁହନ୍ତି । ଲୁମରାଇନାଙ୍କ ଆଗ ଦାନ୍ତ ଦୁଇଟି ଡେଭିଲ ଦାନ୍ତ ଭଳି ହୋଇଥିବାରୁ ସେ ପ୍ରେମରେ ତାଙ୍କୁ ସେମିତି କୁହନ୍ତି ବୋଲି ଏକ ସାକ୍ଷାତକାରରେ କହିଛନ୍ତି । ତେବେ ଲୁମରାଇନା ପ୍ରଥମେ ଶିଶୁ କଳାକାର ଭାବେ ତରଙ୍ଗ ଟିଭି ଧାରାବାହିକ “ଜୀବନ ଯମୁନାରେ ଜୁଆର ଉଠେ ରେ” ରୁ ନିଜ କ୍ଯାରିୟର ଆରମ୍ଭ କରିଥିଲେ ।
ଏହାପରେ ସେ ଶଙ୍ଖା ସିନ୍ଦୂର, ଆମ ଘର ଲକ୍ଷ୍ମୀ, ଜୀବନ ସାଥି ଓ କୁଆଁରୀ ବୋହୂ ଭଳି ଲୋକପ୍ରିୟ ଧାରାବାହିକରେ ଅଭିନୟ କରି ନିଜ ପରିଚୟ ସୃଷ୍ଟି କରି ପାରିଛନ୍ତି । ତେବେ ରାଜ ରାଜେଶ ଓ ଲୁମରାଇନାଙ୍କ ଫ୍ୟାନ୍ସମାନେ ସେମାନଙ୍କ ଯୋଡିକୁ ବେଶ ପସନ୍ଦ କରୁଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।