ନିକଟରେ ଓଲିଉଡ ଜଗତର ସୁପର ହିଟ୍ ଗାୟକ ହ୍ୟୁମାନ ସାଗରଙ୍କ ବିରୋଧରେ ଅଭିଯୋଗ ଆଣିଥିଲେ ସଙ୍ଗୀତ ନିର୍ଦ୍ଦେଶକ ଦେବାଶିଷ ଓରଫ ଜାପାନୀ ଭାଇ । ହ୍ୟୁମାନ ସାଗର ସବୁ ପ୍ରକାର ଗୀତ ଗାଉଥିଲେ ମଧ୍ୟ ସବୁବେଳେ ଭଜନ ଗାଇବାକୁ ମନା କରି ଦେଉଥିବା କଥା ସେ କହିଥିଲେ । ଗତ ୫ ବର୍ଷ ଧରି ଅନେକ ସମୟରେ ସେ ହ୍ୟୁମାନ ସାଗରଙ୍କୁ ଜଗନ୍ନାଥ ଭଜନ ଗୋଟିଏ ଗାଇବା ପାଇଁ ଅନୁରୋଧ କରି ଆସୁଛନ୍ତି ।
କିନ୍ତୁ ତାଙ୍କ କଥାକୁ ସବୁବେଳେ ଟାଳି ଦେଇଛନ୍ତି ହ୍ୟୁମାନ ସାଗର, କାରଣ ସେ ଖ୍ରୀଷ୍ଟିୟାନ ଧର୍ମବଲମ୍ବୀ ଅଟନ୍ତି । ରଥଯାତ୍ରା ସମୟ ପାଖେଇ ଆସୁଛି । ତେଣୁ କିଛିଦିନ ତଳେ ଯେତେବେଳେ ଜାପାନୀ ଭାଇ ପୁଣି ଥରେ ହ୍ୟୁମାନ ସାଗରଙ୍କୁ ଜଗନ୍ନାଥ ଭଜନ ଟିଏ ପାଇଁ ଅନୁରୋଧ କରିଥିଲେ ହ୍ୟୁମାନ ବିରକ୍ତି ପ୍ରକାଶ କରିଥିଲେ । ଜାପାନୀ ତାଙ୍କୁ ବାରମ୍ବାର ଜଗନ୍ନାଥ ଭଜନ ପାଇଁ କହୁଥିବାରୁ ହ୍ୟୁମାନ ସାଗର ରାଗିଯାଇ ତାଙ୍କୁ ଧମକ ଦେଇଥିଲେ ।
କଟକ ଆସିଲେ ମାଡ ମାରିବା ସହ ଜୀବନରେ ମାରି ଦେବାକୁ ହ୍ୟୁମାନ ସାଗର ଓ ତାଙ୍କ ସହଯୋଗୀ ଧମକ ଦେଇଥିବା ନେଇ ଥାନାର ଦ୍ଵାରସ୍ଥ ହୋଇଥିଲେ ଜାପାନୀ ଭାଇ । କିନ୍ତୁ ହ୍ୟୁମାନ ସାଗର ଏନେଇ ସଫେଇ ଦେଇଥିଲେ କି ସେ ପୂର୍ବରୁ କୃଷ୍ଣଙ୍କର ଭଜନ ଗାଇଛନ୍ତି ଓ ତାଙ୍କ ବାପା ମଧ୍ୟ ଜଣେ ଲୋକପ୍ରିୟ ଭଜନ ଗାୟକ ଥିଲେ । ତେଣୁ ଭଲ ଗୀତ ଓ ଲେଖା ହେଲେ ସେ କେବେବି ଭଜନ ଗାଇବାକୁ ମନାକରିବେ ନାହିଁ ବୋଲି କହିଥିଲେ ।
ଏପରିକି ଏକ ଭଜନ ଗାଇ ସମସ୍ତଙ୍କ ପାଟି ଚୁପ୍ କରି ଦେଇଥିଲେ ହ୍ୟୁମାନ ସାଗର । ସେ ନିଜ କ୍ଯାରିୟରର ଶୀର୍ଷରେ ଥିବାରୁ କିଛି ଲୋକ ତାଙ୍କ ଛବିକୁ କଳଙ୍କିତ କରିବାକୁ ଉଦ୍ୟମ କରୁଛନ୍ତି ବୋଲି କହିଥିଲେ ହ୍ୟୁମାନ ସାଗର । ମାମଲାଋ ଥମି ଯାଇଥିବା ବେଳେ ସଙ୍ଗୀତ ନିର୍ଦ୍ଦେଶକ ଜାପାନୀ ଭାଇଙ୍କୁ ଏବେ ପୁରୀରେ ଭଜନ ଶୁଟିଙ୍ଗ କରୁଥିବାର ଦେଖିବାକୁ ମିଳିଛି । ଯେଉଁ ଭଜନ ଗାଇବା ପାଇଁ ସେ ହ୍ୟୁମାନ ସାଗରଙ୍କୁ ଅନୁରୋଧ କରୁଥିଲେ ସେହି ଭଜନର ଶୁଟିଙ୍ଗ ଚାଲିଥିବା କଥା ସେ କହିଛନ୍ତି ।
ଏହାସହ ତାଙ୍କ ଭଜନର ଦୁଇ ଲାଇନ ସେ ନିଜେ ମଧ୍ୟ ଗାଈ କରି ଶୁଣାଇଛନ୍ତି । ଗୀତଟି ସଂପୂର୍ଣ୍ଣ ଭାବେ ଶୁଟିଙ୍ଗ ହେବା ପରେ ରଥଯାତ୍ରା ପୂର୍ବରୁ ସାଧାରଣ ଜନତାଏନଜେକୁ ଭେଟି ଦିଆଯିବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।