ପିଲାବେଳୁ ଜୀବନରେ ଅନେକ ସଂଘର୍ଷ କରନ୍ତି ଏହାସହ ଯୌନ ନିର୍ଯ୍ୟାତନାର ମଧ୍ୟ ଶିକାର ହୋଇଥାନ୍ତି କିନ୍ନରମାନେ । ଆଜି ଯଦ୍ୟପି ସମାଜରେ କିନ୍ନରଙ୍କ ପ୍ରତିଛବି ଧୀରେ ଧୀରେ ବଦଳିବାରେ ଲାଗିଛି । ତଥାପି ଅନେକ ଲୋକ ସେମାନଙ୍କୁ ବୁଝିପାରନ୍ତି ନାହିଁ । କିନ୍ନରଙ୍କୁ ଶିବଶକ୍ତି ଭାବେ ଲୋକ ମାନନ୍ତି ଆଉ ତାଙ୍କ ଆଶୀର୍ବାଦ ମଧ୍ୟ ନିଅନ୍ତି । କିନ୍ତୁ ଅନ୍ୟପଟେ ଛିଛାକର କରିବାକୁ ବି ପଛାନ୍ତି ନାହିଁ । ଅନେକ ଧାରାବାହିକ ଓ ଚଳଚ୍ଚିତ୍ରରେ କିନ୍ନରଙ୍କୁ ନେଇ ଅନେକ ଭଲ ମେସେଜ ଦିଆ ଯାଉଥିଲେ ମଧ୍ୟ ସମାଜ ଉପରେ ଏହାର ପ୍ରଭାବ ପଡୁନି ।
କିନ୍ତୁ ସମାଜ ନିଜର ଚିନ୍ତାଧାରାକୁ ପରିବର୍ତ୍ତନ କରିବାର ସମୟ ଆସିଯାଇଛି । ଏନେଇ ଜଣେ କିନ୍ନର ସମାଜସେବୀ ଆଲୋଚନା କରିବା ସହ ନିଜ ବିଷୟରେ ମଧ୍ୟ କିଛି କଥା ଶେୟାର କରିଛନ୍ତି । ଭାଗ୍ୟବଶତଃ ତାଙ୍କ ମା’ ପ୍ରଥମରୁ ହିଁ ତାଙ୍କୁ ବୁଝି ପଡ଼ିଥିଲେ । ସେ ଯେ ଜଣେ ଅଲଗା ଶରୀର ପାଇଛନ୍ତି ଏକଥା ମା’ ସିନା ବୁଝିଥିଲେ କିନ୍ତୁ ବାପା ଗ୍ରହଣ କରିପାରି ନଥିଲେ । କିନ୍ତୁ ସମୟ ବଢିବା ସହ ଧୀରେ ଧୀରେ ତାଙ୍କ ବାପା ମଧ୍ୟ ଏକଥା ବୁଝି ପାରିଥିଲେ ।
ତାଙ୍କ ଭାଇ ଯେତେବେଳେ ବିବାହ କଲେ ଆଉ ଘରକୁ ନୂଆ ଭାଉଜ ଆସିଲେ, ସେ ମଧ୍ୟ ଆରମ୍ଭରୁ ତାଙ୍କୁ ବେଶ ସପୋର୍ଟ କରିଥିଲେ । ସେ ଇଞ୍ଜିନିୟରିଂ ପଢିବା ବେଳେ ଲମ୍ବା ଚୁଟି ରଖିବା ଆରମ୍ଭ କରି ଦେଇଥିଲେ ତେଣୁ ବାପା ତାଙ୍କୁ ଏକପ୍ରକାର ଘରୁ ବାହାର କରି ଦେଇଥିଲେ । ପରେ ସେ ଚୁଟି କାଟି ପରୀକ୍ଷା ଦେଇ ଘରକୁ ଫେରିଥିଲେ ।
ସେହି ସମୟ ତାଙ୍କ ପାଇଁ ଟିକେ କଷ୍ଟଦାୟକ ଥିଲା । କିନ୍ତୁ ବର୍ତ୍ତମାନ ତାଙ୍କ ପରିବାରରେ ତାଙ୍କୁ ଗ୍ରହଣ କରୁଛନ୍ତି । କିନ୍ତୁ ସବୁ କିନ୍ନରଙ୍କ ଜୀବନରେ ଏଭଳି ହୁଏନି । ତାଙ୍କୁ ପରିବାର ଏବଂ ସମାଜ ଏକ ଭିନ୍ନ ନଜରରେ ଭାବେ ଓ ସଂଭୋଗର ବିଷୟବସ୍ତୁ ବୋଲି ଭାବେ । ତେଣୁ ସାଙ୍ଗସାଥି ଠାରୁ ନେଇ ବନ୍ଧୁବାନ୍ଧବ ପର୍ଯ୍ୟନ୍ତ ଅନେକଙ୍କ ଦ୍ଵାରା ସେମାନେ ଯୌନ ନିର୍ଯ୍ୟାତନାର ଶିକାର ହୁଅନ୍ତି । ଭଲ ପାଠ ନପଢିବା ଯୋଗୁଁ ଯୌନ ବୃତ୍ତି ତଥା ଭିକ୍ଷା ବୃତ୍ତିକୁ ବାଛି ନିଅନ୍ତି ।
ଆଉ ଏଥିପାଇଁ ସମାଜ ମଧ୍ୟ ସମାନ ଭାବେ ଦାୟୀ । କାରଣ ସମାଜ ତାଙ୍କ ଠାରୁ ସେଇଆ ହିଁ ଚାହେଁ । ସେଥିପାଇଁ ସେମାନେ ଜୀବନ ଜୀବିକା ପାଇଁ ବାଧ୍ୟ ହୋଇ ଏଭଳି କାର୍ଯ୍ୟ କରନ୍ତି । ସବୁ ମଣିଷଙ୍କ ଭଳି କିନ୍ନରଙ୍କର ମଧ୍ୟ ଶାରୀରିକ ଆବଶ୍ୟକତା ରହିଛି ତଥା ସେମାନେ ମଧ୍ୟ ସେକ୍ସ ଉପଭୋଗ ପାଇଁ ଚାହାନ୍ତି । କିନ୍ତୁ ସେମାନଙ୍କୁ କିଏ ବିବାହ କରନ୍ତି ନାହିଁ ।
ଆଜିକାଲି ବହୁତ କମ୍ କିନ୍ନର ବିବାହ କରୁଛନ୍ତି । ତେଣୁ ସେମାନେ ବାଧ୍ୟ ହୋଇ ଏକାଧିକ ସାଥି ବାଛି ନିଅନ୍ତି । ସମାଜ ଓ ପରିବାର ଯଦି ତାଙ୍କୁ ଗ୍ରହଣ କରିବ ତେବେ ସେମାନେ ଶିକ୍ଷିତ ହେବେ ଓ ଜୀବନରେ ସଂଘର୍ଷ ଅନେକ ପରିମାଣରେ କମିଯିବ । ଫଳରେ ଶିକ୍ଷିତ କିନ୍ନରଙ୍କ ସଂଖ୍ୟା ବଢିବ ଓ ସେମାନେ ମଧ୍ୟ ସମାଜ ଠାରୁ ନିଜକୁ ଅଲଗା ମନେକରିବେ ନାହିଁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।