ତୁଳସୀ ଦୁଇ ପତ୍ରରୁ ବାସିବା ଭଳି ପିଲାଟି ଦିନରୁ ବିଚକ୍ଷଣ ପ୍ରତିଭାର ଅଧିକାରୀ ଅଟନ୍ତି ବ୍ରହ୍ମପୁରର ଏହି କୁନି ପୁଅ । ସେ ବିଭିନ୍ନ ଇଂରାଜୀ ଶବ୍ଦ, ଭାଷା ଏବଂ କବିତା ଗାଇ ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇଛନ୍ତି ।
ସେ ଅନେକ ଇଂରାଜୀ ଶବ୍ଦକୁ କହିବା ପରେ ତାକୁ ପଛ ପଟୁ ମଧ୍ୟ ସଠିକ ଭାବେ କହି ପାରିଛନ୍ତି ଓ ଏକ ରୁ ଶହେ ପର୍ଯ୍ୟନ୍ତ ସଂଖ୍ୟା ଗୁଡିକୁ ପ୍ରଥମେ ଆଗ ପଟୁ ଓ ପରେ ପଛ ପଟୁ ମଧ୍ୟ କହିଛନ୍ତି । କେବଳ ଏତିକି ନୁହେଁ ସେ ତିରିଶିରୁ ଉର୍ଦ୍ଧ ଇଂରାଜୀ କବିତା ମଧ୍ୟ ଗାଇଛନ୍ତି । ଛୋଟ ବେଳୁ ଏପରି ବିଚକ୍ଷଣ ପ୍ରତିଭାର ଅଧିକାରୀ ଏହି କୁନି ପୁଅଙ୍କ ନାମ ହେଉଛି ଆରବ ଦାସ ।
ଆରବ ଏତେ ଛୋଟ ବେଳୁ ଏପରି ଏକ ରେକର୍ଡ କରି ପ୍ରଶଂସାର ପାତ୍ର ହୋଇ ପାରିଛନ୍ତି । ତାଙ୍କୁ ଧର୍ମେନ୍ଦ୍ର ପ୍ରଧାନଙ୍କ ପରି ବଡ ବଡ ନେତା ମାନେ ମଧ୍ୟ ତାଙ୍କର ଏହି ରେକର୍ଡ ଯୋଗୁଁ ପ୍ରଶଂସା କରିଛନ୍ତି । ଅନନ୍ୟ ପ୍ରତିଭାର ଅଧିକାରୀ ଆରବଙ୍କ ବୟସ ମାତ୍ର ୪ ବର୍ଷ । ସେ ଏବେ ମାତ୍ର LKG ରେ ପଢୁଥିବା ବେଳେ ପ୍ରଥମ ଶ୍ରେଣୀର ପାଠ ମଧ୍ୟ ସବୁ ଜାଣି ପାରୁଛନ୍ତି ।
ଏପରିକି ମାତ୍ର ୪ ବର୍ଷ ବୟସରେ ତାଙ୍କ ସ୍ମରଣ ଶକ୍ତି ଏତେ ପ୍ରଖର ଯେ ସେ ତିରିଶିରୁ ଅଧିକ ଇଂରାଜୀ କବିତା ମନେ ରାଖୀ କହି ପାରୁଛନ୍ତି ଓ ଏହା ସହ ମ୍ୟାଥ ଓ ସଧାରଣ ଜ୍ଞାନରେ ମଧ୍ୟ ତାଙ୍କର ରୁଚି ରହିଛି । ଏତେ ଛୋଟ ବେଳୁ ସଂପୂର୍ଣ୍ଣ ଇଂରାଜୀରେ ସେ ତାଙ୍କର ପରିଚୟ ମଧ୍ୟ ଦେଇ ପାରୁଛନ୍ତି ।
ସେ ଯେତେବେଳ ଏକ ବର୍ଷର ମଧ୍ୟ ହୋଇ ନ ଥିଲେ ସେତେବେଳ ହିଁ ପାଠପଢା ବିଷୟରେ କିଛି କହିଲେ ସେ ବହୁତ ଆଗ୍ରହୀ ହେଉଥିଲେ ବୋଲି ତାଙ୍କ ମା କହିଛନ୍ତି । ଆରବ ଖେଳୁ ଖେଳୁ କୌଣସି ବିଷୟ ତାଙ୍କୁ ପଚାରି ଦେଲେ ସେ ସାଙ୍ଗେ ସାଙ୍ଗେ ଖେଳ ଛାଡି ସେଥିପ୍ରତି ଆଗ୍ରହ ଦେଖାଉଥିଲେ । ଏହି ପ୍ରକାରେ ଆରବଙ୍କ ପିତାମାତା ଜାଣି ପାରିଥିଲେ କି ଆରବଙ୍କ ମଧ୍ୟରେ ଯେଉଁ ପ୍ରତିଭା ଅଛି ତାହା ତାଙ୍କ ବଯସର ପିଲାଙ୍କ ପାଇଁ ଅସଧାରଣ ଅଟେ ।
ତାଙ୍କ ମା କହିଛନ୍ତି କି ସେମାନେ ଆରବଙ୍କୁ ବହୁତ ଅଧିକ ସମୟ ଦିଅନ୍ତି ଓ ସେ ଖେଳୁଥିବା ଖାଉଥିବା ସମୟରେ ମଧ୍ୟ ତାଙ୍କୁ ଅନେକ ବିଷୟ ଶିଖାଇବାକୁ ଚେଷ୍ଟା କରନ୍ତି । ଆଉ ଆରବ ମଧ୍ୟ ଖୁବ ଆଗ୍ରହର ସହିତ ସେହି ସବୁ ଶିକ୍ଷା କରନ୍ତି । ଆରବଙ୍କ ପ୍ରତିଭାକୁ ଦେଖି ତାଙ୍କ ପରିବାର ଲୋକେ ଏଥର ଇଣ୍ଡିଆ ବୁକ ଅଫ ରେକର୍ଡ ପାଇଁ ଫର୍ମ ଭରିଥିଲେ । ଆଉ ନିଜ ଅନନ୍ୟ ପ୍ରତିଭା ବଳରେ ୪ ବର୍ଷର ଆରବ ଏହି ରେକର୍ଡ ହାସଲ କରି ପାରିଛନ୍ତି ।
ତେବେ କୁନି ପୁଅ ଆରବର ଏହି ପ୍ରତିଭା ସହ ତାଙ୍କ ପିତାମାତା ଏବଂ ପରିବାର ଲୋକଙ୍କ ସହଯୋଗ ଆଜି ତାଙ୍କୁ ଏପରି ଏକ ସମ୍ମାନଯୋଗ୍ୟ ରେକର୍ଡର ଅଧିକାରୀ କରେଇ ପାରିଛି । ଆପଣଙ୍କୁ ଏହି କୁନି ପୁଅର ଏପରି ପ୍ରତିଭା ଦେଖି କେମିତି ଲାଗିଲା ଆମକୁ କମେଣ୍ଟ କରି ଜଣାନ୍ତୁ ଓ ଏହିପରି ଅପଡେଟ ପାଇବା ପାଇଁ ଆମ ପେଜ୍ କୁ ଲାଇକ କରନ୍ତୁ ।