ଆମେ ଆପଣଙ୍କୁ ଏଭଳି ଜଣେ ମହିଳାଙ୍କ ବିଷୟରେ କହିବୁ ଯିଏ ଘଞ୍ଚ ଜଙ୍ଗଲରେ ଦୀର୍ଘ ତିନି ମାସରୁ ଅଧିକ ସମୟ ଧରି ରହି ଆସୁଛନ୍ତି । ବାଘ, ଭାଲୁ ଭଳି ହିଂସ୍ରଜନ୍ତୁଙ୍କୁ ଖାତିର ନକରି ସେ ଜଙ୍ଗଲରେ ଦିନା କାଟୁଛନ୍ତି । ସେ କଣ ଖାଉଛନ୍ତି ଓ କେମିତି ରହୁଛନ୍ତି ତାହା କାହାରିକୁ ଜଣାନାହିଁ । ମହିଳାଜଣକ ଏକାକୀ ଜଙ୍ଗଲରେ ରହୁଥିବା ବେଳେ ତାଙ୍କ ଜୀବନ ପ୍ରତି ଜଙ୍ଗଲୀ ଜନ୍ତୁଙ୍କ ବିପଦ ରହିଛି । ଗ୍ରାମବାସୀ ଏନେଇ କହୁଛନ୍ତି କି, ମହିଳାଜଣକ ବାୟାଣୀ ଅଟନ୍ତି ତେଣୁ ଯୁଆଡେ ଇଚ୍ଛା ସେଆଡେ ପଳାଉଛନ୍ତି ।
ଦେବଗଡ ଜିଲ୍ଲା ରିୟାମାଳ ବ୍ଲକ ଟୁହିଲାମାଳ ଗାଁର ଅଙ୍ଗାରପୋଡା ନାଳ ନିକଟରେ ଥିବା ଅଘଞ୍ଚ ଜଙ୍ଗଲରେ ଏହି ଅପରିଚିତ ମହିଳା ରହୁଛନ୍ତି । ପ୍ରଥମେ ଏକ ଗଣମାଧ୍ୟମ ଏହି ଖବର ପାଇବା ପରେ ସେମାନେ ବିଡିଓଙ୍କୁ ଏନେଇ ଜଣାଇଥିଲେ । ତେବେ ବିଡିଓ ଦିବ୍ୟଶଙ୍କର ଜୟପୁରିଆ କହିଛନ୍ତି କି, ଏ ବିଷୟରେ ସେ ପୂର୍ବରୁ କିଛି ଜାଣି ନାହାନ୍ତି । ଘଟଣା ସମ୍ପର୍କରେ ଜାଣିବା ପରେ ପିଆଇଓ ଙ୍କୁ ସେଠାକୁ ପଠାଇବେ ବୋଲି ବିଡିଓ କହିଛନ୍ତି
। ଆଜିକୁ ପ୍ରାୟ ତିନି ମାସ ସେହି ମହିଳାଜଣକ ଜଙ୍ଗଲରେ ରହି ଆସୁଥିବା କହୁଛନ୍ତି ସ୍ଥାନୀୟ ଲୋକେ । କାହାକୁ କେତେବେଳେ କଣ ଟିକେ ମାଗିକରି ଖାଉଛି ଯଦି ଖାଉଛି । ନହେଲେ ସେ ଖରା ବର୍ଷା ଓ ଶୀତରେ ଜଙ୍ଗଲ ଭିତରେ ପଡି ରହୁଛି । ସେଠାରେ ସେ କଣ ଖାଉଛି ପିଉଛି ତାହା ମଧ୍ୟ କେହି ଜାଣି ନାହାନ୍ତି ।
ମହିଳାଙ୍କୁ ଯାହା ବି ପଚାରିଲେ ସେ କିଛି ମୁହଁ ଖୋଲୁନି । କେବେ କେବେ କହୁଛି ମୋ ସ୍ଵାମୀକୁ ଗଛ ମାଡି ବସିଲା ଆଉ ମୋ ଛୁଆକୁ ସରକାର ନେଇଗଲେ । ହେଲେ ତାଙ୍କ ପରିଚୟ ବାବଦରେ ସେ କିଛି ବି କହୁନାହାନ୍ତି । ମହିଳାଙ୍କୁ ଦେଖିଲେ ଏହା ମଧ୍ୟ ସ୍ପଷ୍ଟ ବାରି ହେଉଛି କି ତାଙ୍କର ମାନସିକ ସ୍ଥିତି ବିଲକୁଲ ଠିକ ନାହିଁ । ତେବେ ସେ କେଉଁଠୁ ଆସିଲେ ଓ ଜଙ୍ଗଲ ଭିତରେ ଏକାକୀ କେମିତି ରହୁଛନ୍ତି ତାହା ସମସ୍ତଙ୍କୁ ଆଶ୍ଚର୍ଯ୍ୟ କରୁଛି ।
ହିଂସ୍ର ଜନ୍ତୁଙ୍କ ଭୟ ରହିଥିବା ବେଳେ ଜଙ୍ଗଲ ଭିତରେ ଦୀର୍ଘ ଦିନ ଧରି ଦିନ ବିତାଉଛନ୍ତି ଏହି ମହିଳାଜଣକ । ତେବେ ପ୍ରଶାସନ ତାଙ୍କୁ ସେଠାରୁ ଉଦ୍ଧାର କରି ଯାଞ୍ଚ କଲେ ତାଙ୍କ ପରିଚୟ ମିଳିପାରିବ ବୋଲି ଲୋକେ କହୁଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।