ଓଡିଆ ଘରର ବାଡିବଗିଚା ଓ ମନ୍ଦିରରେ ଗଙ୍ଗଶିଉଳି ଗଛ ଦେଖିବାକୁ ମିଳିଥାଏ । ଏହି ଫୁଲ ରାତିରେ ଫୁଟେ ଓ ସକାଳେ ହେବେ ଖସି ପଡେ । ତେବେ ଧଳା ରଙ୍ଗର ଏହି ଫୁଲରେ ରହିଛି ଅନେକ ଔଷଧୀୟ ଗୁଣ । ବର୍ତ୍ତମାନ ସମୟରେ ରୋଗବ୍ୟାଧିକୁ ନେଇ ଲୋକମାନେ ଚିନ୍ତିତ ରହୁଥିବା ବେଳେ ଗଙ୍ଗଶିଉଳି ପତ୍ର ଆମ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସାହାଯ୍ୟ କରିଥାଏ । ତେବେ ଚାଲନ୍ତୁ ଜାଣିବା ଗଙ୍ଗଶିଉଳି ପତ୍ରର ଉପକାରିତା ଓ ବ୍ୟବହାର ବିଷୟରେ ।
ଗଙ୍ଗଶିଉଳି ପତ୍ରରେ ଆଣ୍ଟି-ଅକ୍ସିଡାଣ୍ଟ, ଆଣ୍ଟି-ବ୍ୟାକ୍ଟେରିଆଲ ଓ ଆଣ୍ଟି-ଇନଫ୍ଲେମେଟୋରି ଗୁଣ ରହିଥାଏ । ଯାହା ଶରୀର ପାଇଁ ଅତ୍ୟନ୍ତ ଉପଯୋଗୀ । ଗଙ୍ଗଶିଉଳି ପତ୍ର ଦ୍ଵାରା ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା ପାଇଁ ଆପଣ 15-20 ଗାଢ ସବୁଜ ପତ୍ରକୁ ପେଷ୍ଟ କରି ଏକ ଗୋଟିଏ ମାଟି ପାତ୍ରରେ 1 ଲିଟର ପାଣି ଦେଇ ଫୁଟାଇ ଦିଅନ୍ତୁ । ଯେପରି ତାହା କମିଯାଇ 250ml ହୋଇଯିବ । ମାଟିପାତ୍ର ନଥିଲେ ଆପଣ ଅଲଗା ପାତ୍ରର ବ୍ୟବହାର କରିପାରିବେ ।
ବେଳେବେଳେ ଆମ ଶରୀରରେ ଦୀର୍ଘଦିନ ପର୍ଯ୍ୟନ୍ତ ଜ୍ଵର ରହିଥାଏ । ଏଭଳି ଜ୍ଵରକୁ ଭଲ କରିବା ପାଇଁ ଆମ ଗଙ୍ଗଶିଉଳି ଗଛର ଛାଲି 2 ଗ୍ରାମ, ଗଙ୍ଗଶିଉଳି ପତ୍ର 2 ଗ୍ରାମ ଓ 2-3ଟି ତୁଳସୀ ପତ୍ରକୁ ଏକ ଗ୍ଳାସ ପାଣିରେ ଭଲଭାବେ ଫୁଟାଇ ଦିଅନ୍ତୁ । ଏହାକୁ କିଛି ସମୟ ପାଇଁ ଥଣ୍ଡା ହେବାକୁ ଛାଡି ଦିଅନ୍ତୁ ।
ଏହିଭଳି ଭାବେ ପ୍ରତିଦିନ ସକାଳ ଓ ସନ୍ଧ୍ୟାରେ ପିଅନ୍ତୁ । ଏହାଦ୍ବାରା ଜ୍ଵର କମିବା ସହ ଜ୍ଵର ବେଳେ ଦୁର୍ବଳ ଲାଗୁଥିଲେ ଆରାମ ଲାଗେ । ସେହିଭଳି ଶୁଖିଲା କାଶ ଓ ଶ୍ଵାସ ଭଳି ସମସ୍ଯାକୁ ମଧ୍ୟ ଭଲ କରେ ଗଙ୍ଗଶିଉଳି ପତ୍ର । ଏହାର ରସକୁ କିଛିଦିନ ସେବନ କରିବା ଦ୍ଵାରା ଏହି ସମସ୍ଯା ଭଲ ହୁଏ । ଆଜିକାଲି ଅନେକ ଲୋକଙ୍କ ଥରେ ଅର୍ଶ ସମସ୍ଯା ଦେଖାଦେଉଛି ।
ଗଙ୍ଗଶିଉଳି ଗଛର ମଞ୍ଜି ଅର୍ଶ ପାଇଁ ରାମବାଣ ଭଳି କାମ କରେ । ଏହି ମଞ୍ଜିକୁ ହେମଦସ୍ତାରେ ଛେଚି ଉଷୁମ ପାଣିରେ ମିଶାଇ ପିଇଲେ ଅର୍ଶରୁ କିଛି ମାତ୍ରାରେ ଉପଶମ ମିଳିଥାଏ ଓ ଏହା ଆମ ଗ୍ଯାସ ସମସ୍ଯାକୁ ମଧ୍ୟ ଦୂର କରିଥାଏ । ଗଙ୍ଗଶିଉଳିର ସତେଜ ଫୁଲକୁ ମହୁ ସହ ମିଶାଇ ଖାଇବା ଦ୍ଵାରା ଏହା ଆମ ରକ୍ତରେ ଥିବା ଖରାପ କୋଲେଷ୍ଟ୍ରୋଲକୁ ନିୟନ୍ତ୍ରଣ କରିଥାଏ ।
ଫଳରେ ହୃଦଘାତ ଜନିତ ସମସ୍ଯା ମଧ୍ୟ ଦେଖା ଦିଏନାହିଁ । ଏହି ପତ୍ର ଆମ ତ୍ଵଚା ପାଇଁ ମଧ୍ୟ ବେଶ ଉପଯୋଗୀ ହୋଇଥାଏ । ଏହି ପତ୍ର ଉଭୟ ବ୍ୟାକ୍ଟେରିଆ ଓ ଭାଇରସ ସହ ଆମ ଶରୀରକୁ ଲଢେଇ କରିବାରେ ସାହାଯ୍ୟ କରେ । ତେଣୁ ଗଙ୍ଗଶିଉଳି ପତ୍ରକୁ ଆପଣ ନିଜ ଦୈନନ୍ଦିନ ଜୀବନରେ ସାମିଲ କରିବା ଉଚିତ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।