ଚାହୁଁ ଚାହୁଁ ଝରଣା ପାଣି ମାଡି ଆସିଲା, ଆଉ ପାହାଡୀ ଝରଣାର ସ୍ରୋତ ବି ଦେଖୁ ଦେଖୁ ବଢିଗଲା । ଠିକ ସେତିକି ବେଳେ ସେଠାରେ ଫସି ଯାଇଥିଲେ ଝରଣାରୁ ପାଣି ଉଠାଉଥିବା କାଉଡିଆ ମାନେ । ସୁଅ ଯେତେ ପ୍ରଖର ହେଉଥିଲା କାଉଡିଆଙ୍କ ହୃଦ ସ୍ପନ୍ଦନ ସେତେ ବଢି ବଢି ଯାଉଥିଲା । ଏଭଳି ଏକ ଅଭାବନୀୟ ଘଟଣା ଘଟିଛି ବରଗଡ ଜିଲ୍ଲା ପଦ୍ମପୁର ନୃସିଂହନାଥ ମନ୍ଦିରରେ । ମନ୍ଦିର ପାଖରେ ଥିବା ପାହାଡୀ ଝରଣାରୁ ମହାଦେବଙ୍କୁ ଜଳାଭିଷେକ ପାଇଁ ପାଣି ଉଠାଇବା ବେଳେ ହଠାତ ଝରଣା ପାଣି ମାଡି ଆସିଥିଲା ।
ସୁ ସୁ ଗର୍ଜନ କରି କରାଳ ରୂପରେ ଝରଣା ପାଣି ମାଡି ଆସିଲା । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓରୁ ଆପଣ ଜାଣି ପାରୁଥିବେ କେତେ ଭୟଙ୍କର ସେ ପାଣିର ଶବ୍ଦ । ଏହିଭଳି ପ୍ରଖର ଜଳସ୍ରୋତର ଝରଣା ଭିତରେ ପାଖାପାଖି ୫୦ ଜଣ କାଉଡିଆ ଫସି ଯାଇଥିଲେ । ଆଜି ଶ୍ରାବଣ ମାସର ଶେଷ ସୋମବାର ହୋଇଥିବାରୁ ନୃସିଂହନାଥ ମନ୍ଦିରରେ ଜଳାଭିଷେକ ପାଇଁ କାଉଡିଆଙ୍କ ପ୍ରବଳ ଭିଡ ଜମିଥିଲା ।
ବରଗଡ ଜିଲ୍ଲାର ପଦ୍ମପୁରରେ ପ୍ରସିଦ୍ଧ ନୃସିଂହନାଥ ମନ୍ଦିର ହୋଇଥିବାରୁ ଜିଲ୍ଲା ଓ ଜିଲ୍ଲା ବାହାରୁ ଏପରିକି ରାଜ୍ୟ ବାହାର ଛତିଶଗଡରୁ ମଧ୍ୟ କାଉଡିଆ ମାନେ ଜଳଲାଗି କରିବାକୁ ଏଠାକୁ ଆସିଥାନ୍ତି । ଜଳାଭିଷେକ ପାଇଁ କାଉଡିଆ ମାନେ ଯେତେବେଳେ ପାଣି ଉଠାଉଥିଲେ ଠିକ ସେତିକି ବେଳେ ବର୍ଷା ଯୋଗୁଁ ଝରଣାରେ ପ୍ରବଳ ସ୍ରୋତ ମାଡି ଆସିଥିଲା ।
ସୁ ସୁ ଗର୍ଜନ କରି ପାଣି ମାଡି ଆସିବା ପରେ ଚାହୁଁ ଚାହୁଁ ଝରଣାରେ ଦେଖିବାକୁ ମିଳିଥିଲା ଖର ଖର ସ୍ରୋତ । ଯାହା ଦେଖି ସେଠାରେ ଥିବା ସମସ୍ତେ ଖୁବ ଭୟଭୀତ ହୋଇ ଯାଇଥିଲେ । କିଛି କାଉଡିଆ ମଧ୍ୟ ସେଠାରେ ଫସି ଯାଇଥିଲେ । ପାଖାପାଖି ଦୁଇରୁ ତିନି ଘଣ୍ଟା ପର୍ଯ୍ୟନ୍ତ ସେହି ସ୍ଥାନରେ ଫସି ରହିଥିଲେ କାଉଡିଆ ମାନେ ।
ପରେ କାଉଡିଆମାନେ ସାହାସ ଯୁଟାଇ ହାର୍ଟକୁ ହାତ ଧରାଧରି ହୋଇ ସ୍ରୋତର ପାଣିକୁ ପାରି ହୋଇଥିଲେ । ଯେଉଁଥି ପାଇଁ ୫୦ ଜଣ କାଉଡିଆ ନିଜ ଜୀବନ ବଞ୍ଚାଇବା ପାଇଁ ସକ୍ଷମ ହୋଇ ପାରିଥିଲେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।