ଦେଶର ସବୁଠୁ ଅଧିକ ଟ୍ରାନ୍ସାକ୍ସନ କରୁଥିବା ବ୍ଯାଙ୍କ ଷ୍ଟେଟ ଅଫ ବ୍ଯାଙ୍କ ଇଣ୍ଡିଆ ନିଜ ଗ୍ରାହକଙ୍କୁ ଆଲର୍ଟ କରିଛି । ୩୧ ମାର୍ଚ୍ଚ ୨୦୨୨ ପୂର୍ବରୁ ଏସବୁ କମ କରିବାକୁ ନୋଟିସ ଜାରି କରିଛି ବ୍ଯାଙ୍କ । କାରଣ ଦେଶରେ ଆଧାର ସହ ପ୍ୟାନ କାର୍ଡ ଲିଙ୍କ କଡାକଡି ହୋଇଛି । ଆଉ ଏହାକୁ ତୁରନ୍ତ କାର୍ଯ୍ୟକାରୀ କରିବା ପାଇଁ ଆଗେଇ ଆସିଛି ଷ୍ଟେଟ ବ୍ଯାଙ୍କ ଅଫ ଇଣ୍ଡିଆ । ୨୦୨୨ ମାର୍ଚ୍ଚ ୩୧ ତାରିଖ ପୂର୍ବରୁ ନିଜ ଆଧାର ସହ ପ୍ୟାନ କାର୍ଡ ଲିଙ୍କ କରିବାକୁ ଗ୍ରାହକଙ୍କୁ ନୋଟିସ ଜାରି କରିଛି ଏସବିଆଇ ।
ଏହାସହ ନିଜ ବ୍ଯାଙ୍କ ଆକାଉଣ୍ଟ ସହ ଏହାକୁ ତୁରନ୍ତ ଲିଙ୍କ କରିବା ପାଇଁ ଏସବିଆଇ ଟ୍ବିଟ କରି ଜଣାଇଛି । ସମୟ ସେମା ପୂର୍ବରୁ ଏସବୁ ନ କରିଥିଲେ ଗ୍ରାହକଙ୍କ ବ୍ଯାଙ୍କ ସେବା ବନ୍ଦ ହୋଇପାରେ ବୋଲି କୁହାଯାଉଛି । ତେବେ ବର୍ତ୍ତମାନ ଚାଲନ୍ତୁ ଜାଣିବା ଆପଣଙ୍କ ଆଧାର ସହ ପ୍ୟାନ କିପରି ଲିଙ୍କ କରିବେ । ଏଥିପାଇଁ ପ୍ରଥେମ ଇନକମ୍ ଟ୍ଯାକ୍ସ ୱେବସାଇଟ www.incometaxindiaefiling.gov.in/home ରେ କ୍ଲିକ କରନ୍ତୁ । ଏହାପରେ ଏହି ସାଇଟର ବାମ ପଟେ ଆପଣଙ୍କୁ ‘ଲିଙ୍କ ଆଧାର’ ର ବିକଳ୍ପ ଦେଖାଯିବ ।
ଏହା ଉପରେ କ୍ଲିକ କରିବା ପରେ ଏକ ନୂଆ ପେଜ୍ ଖୋଲିଯିବ । ଯେଉଁଠାରେ ଆପଣଙ୍କ ପ୍ୟାନ ଓ ଆଧାର ଅନୁସାରେ ଆପଣଙ୍କ ନାମ ଓ ଅନ୍ୟ ସମସ୍ତ ତଥ୍ୟ ଭରିବାକୁ ପଡିବ । ଯଦି ଆପଣଙ୍କ ଆଧାର କାର୍ଡରେ କେବଳ ଜନ୍ମ ବର୍ଷ ରହିଛି ତେବେ ‘I have only year of birth in aadhaar card’ ବକ୍ସ ଉପରେ କ୍ଲିକ କରନ୍ତୁ । ସବମିଟ୍ କରିବା ପରେ ଆପଣଙ୍କ ଲିଙ୍କ ମୋବାଇଲ ନମ୍ବରକୁ ଏକ ଓଟିପି ଆସିବ ।
ଓଟିପି ଅପସନ ଭରି ‘ଲିଙ୍କ ଆଧାର’ ଅପସନକୁ କ୍ଲିକ କଲେ ଆପଣଙ୍କ ପ୍ୟାନ କାର୍ଡ ଓ ଆଧାର କାର୍ଡ ଆପେ ଆପେ ଲିଙ୍କ ହୋଇଯିବ ।ୱେବସାଇଟ ବ୍ଯତୀତ SMS ମାଧ୍ୟମରେ ମଧ୍ୟ ଆପଣ ପ୍ୟାନ ଓ ଆଧାର ଲିଙ୍କ କରିପାରିବେ । ପ୍ରଥମେ ମୋବାଇଲର ମେସେଜ ବକ୍ସକୁ ଯାଇ ଟାଇପ କରନ୍ତୁ UIDPAN ଓ ସ୍ପେସ ଦେଇ ଆପଣଙ୍କ ୧୨ ଡିଜିଟର ଆଧାର ନମ୍ବର ଓ ସ୍ପେସ ଦେଇ ୧୦ ଡିଜିଟର ପ୍ୟାନ ନମ୍ବର ଲେଖନ୍ତୁ ।
ଏହି ମେସେଜକୁ ୫୬୭୬୭୮ କିମ୍ବା ୫୬୧୬୧ ରେ ପଠାଇ ଦିଅନ୍ତୁ । କେବଳ ଏତିକି କଲେ ପ୍ୟାନ ସହ ଆଧାର ଲିଙ୍କ ହୋଇ ଯାଇଥାଏ । ଯାହାକୁ ଆପଣ ନିଜ ବ୍ଯାଙ୍କ ଆକାଉଣ୍ଟ ସହ ଅପଡେଟ କରିପାରିବେ । ପୂର୍ବରୁ ଆଧାର ସହ ପ୍ୟାନ ଲିଙ୍କ ସମୟ ସୀମା ୩୦ ସେପ୍ଟେମ୍ବର ୨୦୨୧ ଯାଏଁ ରଖା ଯାଇଥିଲା । ଏବେ ଏହି ନିୟମକୁ ୩୧ ମାର୍ଚ୍ଚ ୨୦୨୨ ଯାଏଁ ବୃଦ୍ଧି କରାଯାଇଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।