ଓଡିଶାର ପାଣିପାଗ ବିଭାଗରୁ ମିଳିଥିବା ସୂଚନା ଅନୁସାରେ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଆଜି ଆହୁରି ଅଧିକ ମାତ୍ରାରେ ଘନୀଭୂତ ହୋଇ ବର୍ଷାର ରୂପ ଧାରଣ କରିବ । ଏହି ଲଘୁଚାପ କାରଣରୁ ଆସନ୍ତା ୨୮ ତାରିଖ ପର୍ଯ୍ୟନ୍ତ ଓଡିଶାର ବିଭିନ୍ନ ଅଞ୍ଚଳରେ ପ୍ରବଳରୁ ଅତି ପ୍ରବଳ ମାତ୍ରାରେ ବର୍ଷା ହେବାର ସମ୍ଭାବନା ଅଛି । ଉତ୍ତର ଓଡିଶା, ଉପକୂଳ ଓଡିଶା, ଦକ୍ଷିଣ ଉପକୂଳ ଓଡିଶା, ଉତ୍ତର ଉପକୂଳ ଓଡିଶାର ସବୁ ଜିଲ୍ଲା ଗୁଡିକରେ ପ୍ରବଳ ମାତ୍ରାରେ ବର୍ଷା ହେବ ଓ ଏହି ସମସ୍ତ ଜିଲ୍ଲାକୁ ରେଡ ଅଲର୍ଟ ବି ଜାରି କରାଯାଇଛି ।
କେବଳ ବର୍ଷା ନୁହେଁ ଏହା ସହିତ ଘଡଘଡି ସହ ବଜ୍ରପାତ ବି ହେବ । ସମୁଦ୍ର ଉପକୂଳବର୍ତ୍ତୀ ଅଞ୍ଚଳରେ ୪୫ରୁ ୫୫ କିଲୋମିଟର ପର୍ଯ୍ୟନ୍ତ ପବନ ମଧ୍ୟ ବହିବାର ସମ୍ଭାବନା ଅଛି । ଏହି କାରଣରୁ ଆସନ୍ତା ୨୮ ତାରିଖ ପର୍ଯ୍ୟନ୍ତ ମତ୍ସ୍ୟଜୀବୀମାନଙ୍କୁ ସମୁଦ୍ର ମଧ୍ୟକୁ ନ ଯିବା ପାଇଁ ନିର୍ଦେଶ ଦିଆ ଯାଇଛି ।
କେନ୍ଦୁଝର, ମୟୂରଭଞ୍ଜ, ବାଲେଶ୍ଵର, ଭଦ୍ରକ, ଯାଜପୁର, କନ୍ଦ୍ରାପଡା, କଟକ, ଜଗସିଂହପୁର, ଢେଙ୍କାନାଳ, ଅନୁଗୁଳ ଏବଂ ଦେବଗଢ ଏହି ୧୧ ଟି ଜିଲ୍ଲାକୁ ରେଡ ଅଲର୍ଟ ଜାରି କରା ଯାଇଛି । ଏହି ସମସ୍ତ ଜିଲ୍ଲାରେ ଅତି ପ୍ରବଳ ମାତ୍ରାରେ ବର୍ଷା ସହ ବଜ୍ରପାତର ବି ସମ୍ଭାବନା ଅଛି । ଏହା ଛଡା ଏହି ଜିଲ୍ଲାର ପାଖାପାଖି ଥିବା ଜିଲ୍ଲା ଯେମିତି କି ଖୋର୍ଦ୍ଦା, ପୁରୀ, ସୁନ୍ଦରଗଢ, ବୌଦ୍ଧ, ବଲାଙ୍ଗୀର, ସମ୍ବଲପୁର, ସୋନପୁର ଏହି ସମସ୍ତ ଜିଲ୍ଲା ଗୁଡିକରେ ମଧ୍ୟ ପ୍ରବଳରୁ ଅତି ପ୍ରବଳ ବର୍ଷା ହେବ ।
ଯେଉଁଥିପାଇଁ ଏହି ସମସ୍ତ ଜିଲ୍ଲାକୁ ଅରେଞ୍ଜ ୱାରିଙ୍ଗ ଜାରି କରା ଯାଇଛି । ଏହା ସହିତ ଓଡିଶାର ସବୁ ଜିଲ୍ଲାରେ ବର୍ଷା ହେବାର ଆଶଙ୍କା କରା ଯାଉଛି । ଏମିତିରେ କୁହାଯାଉଛି କି ଓଡିଶାର ୧୯ଟି ଜିଲ୍ଲାରେ ବନ୍ୟାର ପରିସ୍ଥିତି ଦେଖା ଯାଇପାରେ । ଏମିତିରେ ଓଡିଶାର ରିଲିଫ କମିଶନର ସବୁ ଜିଲ୍ଲାର ଜିଲ୍ଲାପାଳମାନଙ୍କୁ ସମସ୍ତ ପରିସ୍ଥିତି ପାଇଁ ସତର୍କ ରହିବାକୁ ସୂଚନା ଦିଆ ଯାଇଛି ।
ଏହା ସହିତ ODRF ଟିମ, ଅଗ୍ନିସମ ବିଭାଗ ଇତ୍ୟାଦିକୁ ବି ସଜାଗ ରହିବା ପାଇଁ କୁହାଯାଇଛି । କାରଣ କିଛି ଜିଲ୍ଲା ଗୁଡିକରେ ଜଲବନ୍ଦି ପରିସ୍ଥିତି ଦେଖା ଯାଇ ପାରେ କିମ୍ବା ଅଚାନକ ବନ୍ୟା ହେବାର ସମ୍ଭାବନା ଅଛି । ସେଥିପାଇଁ ଆମର ଅନୁରୋଧ କି ଆପଣ ସମସ୍ତେ ସତର୍କ ଓ ସୁରକ୍ଷିତ ରୁହନ୍ତୁ ।
ଅନ୍ୟମାନଙ୍କ ସହିତ ସେୟାର କରନ୍ତୁ ଓ ଏହାକୁ ନେଇ ଆପଣଙ୍କ ମତାମତ ଆମକୁ ଜଣାନ୍ତୁ । ଆମେ ଏହି ପେଜରେ ଦୈନିକ ନ୍ୟୁଜ, ମନୋରଞ୍ଜନ, ବିଶେଷ, ଖେଳ, ସ୍ୱାସ୍ଥ୍ୟ, ଜୀବନଶୈଳୀ, ଜ୍ୟୋତିଷ ସମ୍ବଧୀୟ ତଥ୍ୟ ସବୁବଳେ ଆଣିଥାଉ । ଆମ ପେଜକୁ ଲାଇକକରି ଦିଅନ୍ତୁ, ଯାହା ଫଳରେ ଆଗକୁ ଆମେ ଏମିତି ନୂଆ ନୂଆ ଆର୍ଟିକିଲ ଆପଣଙ୍କ ପାଇଁ ନେଇ ଆସିବୁ, ଧନ୍ୟବାଦ ।