କୋଲକାତାରେ ବହୁତ ଦିନ ଧରି ଚାଲି ଆସୁଥିବା ଶାରଦା ଚିଟ ଫଣ୍ଡ ମାମଲାରେ ଏବେ ଏକ ନୂଆ ମୋଡ ଆସିଛି । ଜଣାଇ ଦେଉଛୁ କି ଯେଉଁ ଅଧିକାରୀ ଉପରେ ଏହି କେସ ସହିତ ସମ୍ପୃକ୍ତ ଏଲେକ୍ଟ୍ରୋନିକ ପ୍ରମାଣ ନଷ୍ଟ କରିବାର ଅଭିଯୋଗ ହେଉଛି ସିବିଆଇ ତରଫରୁ ରୁଜୁ ହୋଇଥିବା ସେହି ମାମଲାରେ 5 ଫେବୃୟାରୀ ସକାଳୁ ଶୁଣାଣୀ ଆରମ୍ଭ ହେଲା । ସିବିଆଇ ନିଜର ମାମଲାରେ କୋଲକାତା ପୋଲିସ କମିଶନର ରାଜୀବ କୁମାରଙ୍କ ବିରୁଦ୍ଧରେ ଏଲେକ୍ଟ୍ରୋନିକ ରେକର୍ଡ ନଷ୍ଟ କରିବା କଥା କହିଥିଲେ । ସିବିଆଇ ଆରୋପ ଲଗାଇ କହିଲେ କି ପ୍ରଥମେ ରାଜୀବ କୁମାର ଏସଆଇଟି ରେ ଥିଲେ ଯେଉଁଠି ସେ ଆରୋପିଙ୍କ ସହିତ ମିଶି ପ୍ରମାଣସବୁ ନଷ୍ଟ କରିଥିଲେ ।
ଆଟର୍ନି ଜେନେରାଲ ସୁପ୍ରିମ କୋର୍ଟକୁ କହିଲେ କି ଆଇପିଏସ ଅଧିକାରୀ ରାଜୀବ କୁମାର (ଯିଏ ଏପ୍ରିଲ, 2013 ଓ ମଇ 2014 ମଧ୍ୟରେ ଚିଟ ଫଣ୍ଡ ଘୋଟାଲାର ଯାଞ୍ଚ କରିବା ପାଇଁ ଏସଆଇଟି ର ନେତୃତ୍ତ୍ଵ କରିଥିଲେ ) ପୁରା ସାମଗ୍ରୀ ସିବିଆଇକୁ ଦେଇ ନଥିଲେ ।
ଏହା ପରେ ସିବିଆଇ କୋର୍ଟରେ କହିଲେ, ‘ ପ୍ରକୃତରେ ଆରୋପିମାନଙ୍କର କଲ ରେକର୍ଡକୁ ଅନ୍ତର୍ଭୁକ୍ତ କରାଯାଇଥିଲା । କିନ୍ତୁ ରାଜୀବ କୁମାର ସିବିଆଇକୁ କଲ ରେକର୍ଡ ଦେଇଛନ୍ତି ସତ କିନ୍ତୁ କିଏ ଥିଲା, କିଏ ଡ଼ାକିଥିଲା ଏହାର ସୂଚନା ନଷ୍ଟ କରାଯାଇଥିଲା । ଶୁଦିପ୍ତୋ ସେନଙ୍କ ସେଲ ଫୋନକୁ ଫେରାଇ ଦିଆଯାଇଥିଲା ।
ସୁପ୍ରିମ କୋର୍ଟ ର ନିଷ୍ପତ୍ତି
ଏହି ପୁରା କଥା ଶୁଣିବା ପରେ ସୁପ୍ରିମ କୋର୍ଟର ମୁଖ୍ୟ ନ୍ୟାୟାଧୀଶ କହିଲେ କି ପୋଲିସ କମିଶନର ଏହି ମାମଲାରେ ସିବିଆଇର ସହଯୋଗ କରନ୍ତୁ । ସେ କହିଲେ କି ଦେଖାଇବାକୁ ପଡିବ କି ମାମଲାରେ କଣ ପ୍ରମାଣ ଅଛି ? ସିଜେଆଇ କହିଲେ, ‘ପୋଲିସ କମିଶନର ସିବିଆଇ ସାମ୍ନାକୁ ଆସନ୍ତୁ । କିନ୍ତୁ କୌଣସି ଗିରଫ ନ ହେଉ ।‘ ସେଇଠି ସିଜେଆଇ କହିଲେ କି ରାଜୀବ କୁମାରଙ୍କ ସହିତ ପଚରା ଉଚରା ଶିଲୋଙ୍ଗ ରେ କରାଯିବ । ଏହା ସହିତ କୋର୍ଟ କୋଲକାତାରେ ସିବିଆଇ ଅଧିକାରୀଙ୍କ ସାଥିରେ ହୋଇଥିବା ବ୍ୟବହାର ଓ ସୁପ୍ରିମ କୋର୍ଟ ର ନିଷ୍ପତ୍ତିର ଅବମାନନା ମାମଲାରେ ପଶ୍ଚିମବଂଗର ମୁଖ୍ୟ ସଚିବ ଓ ଡ଼ିଜିପି ଓ ପୋଲିସ କମିଶନର ରାଜୀବ କୁମାରଙ୍କୁ ନୋଟିସ ପଠାଇଛନ୍ତି ଓ ଏହି ମାମଲାର ଆସନ୍ତା ଶୁଣାଣୀ 20 ଫେବୃୟାରୀ କୁ ହେବ ।
ସେଇଠି ସୁପ୍ରିମ କୋର୍ଟ ଦ୍ଵାରା ଆସିଥିବା ନିଷ୍ପତ୍ତିରେ ମମତା ଜିତିଛନ୍ତି ବୋଲି ଜଣାଇଛନ୍ତି, ଦିଦି କହିଲେ କି ‘ମୁଁ ରାଜୀବ କୁମାରଙ୍କ ପାଇଁ ନୁହେଁ ପୁରା ଦେଶ ପାଇଁ ଲଢିଛି । ଏହି ଜୟ ମୋତେ ନୁହେଁ ପୁରା ଦେଶ ସମ୍ବିଧାନ ଓ ମିଡିଆକୁ ମିଳିଛି । ମମତା କହିଲେ କି ରାଜୀବ କୁମାର କେବେ ବି କହି ନାହାଁନ୍ତି କି ସେ ଏହି ତଦନ୍ତ ରେ ସହଯୋଗ କରିବେ ନାହିଁ, ସେ କହିଲେ କି କେନ୍ଦ୍ରୀୟ ତଦନ୍ତ ଏଜେନ୍ସିଙ୍କୁ କଥା ବାର୍ତ୍ତା ବିନା ରାଜ୍ୟକୁ ଆସିବା କଥା ନୁହେଁ ।