ଶୟଦ ମୁସ୍ତାକ ଅଲ୍ଲୀ ଟ୍ରଫିରେ ବିଜୟ ସହ ସେମି ଫାଇନାଲ ଟିକେଟ ହାତେଇଛି ବିଧର୍ବ ଟିମ୍ । ଆଉ ଏହି ମ୍ଯାଚ ପଚାର ହିରୋ ସାଜିଛନ୍ତି ଅକ୍ଷୟ କର୍ଣ୍ଣେୱାର । ସେ ନିଜ କଞ୍ଜୁସି ବୋଲିଂ ବଳରେ ରାଜସ୍ଥାନକୁ ହଟହଟା କରିଥିଲେ । ଅକ୍ଷୟ ୪ ଓଭର ବୋଲିଂ କରି ୭ ରନ୍ ଦେବା ସହ ଗୋଟିଏ ୱିକେଟ ହାସଲ କରିଥିଲେ । ଯାହାଫଳରେ ରାଜସ୍ଥାନ ବଡ ସ୍କୋର କରିବାରେ ବିଫଳ ହୋଇଥିଲା । ଅକ୍ଷୟଙ୍କ ବଲ୍ କୁ ଖେଳିବା ରାଜସ୍ଥାନ ଖେଳାଳିଙ୍କ ପାଇଁ ଏତେ ସହଜ ନଥିଲା ।
କାରଣ ସେ ଦୁଇ ହାତରେ ବୋଲିଂ କରି ରାଜସ୍ଥାନ ଖେଳାଳିଙ୍କୁ ଅଡୁଆରେ ପକାଇ ଦେଇଥିଲେ । ବିଧର୍ବ ପକ୍ଷରୁ କ୍ରିକେଟ ଖେଳୁଥିବା ଏହି ୨୯ ବର୍ଷୀୟ ବୋଲରଙ୍କ ଦୁଇ ହାତର ବୋଲିଂର ଚର୍ଚ୍ଚା ଏବେ ଭାରତୀୟ କ୍ରିକେଟରେ ଜୋରଦାର ହେଉଛି । ଦୁଇ ହାତରେ ବୋଲିଂ କରି ବିପକ୍ଷଙ୍କୁ ବାନ୍ଧି ରଖିବାରେ ଅକ୍ଷୟ ଖୁବ ପାରଙ୍ଗମ ଅଟନ୍ତି । ଗତ କିଛି ବର୍ଷ ହେବ ଅକ୍ଷୟଙ୍କୁ ଏହି ଭୂମିକାରେ ଦେଖିବାକୁ ମିଳିଛି । କିନ୍ତୁ ତାଙ୍କ କଞ୍ଜୁସି ବୋଲିଂ ଚଳିତ ଥର ଚର୍ଚ୍ଚାକୁ ଆସିବାର ସବୁଠାରୁ ବଡ କାରଣ ସାଜିଛି ।
ଚଳିତ ଶୟଦ ମୁସ୍ତାକ ଅଲ୍ଲୀ ଟ୍ରଫିର ୭ଟି ମ୍ଯାଚରେ ସେ ୨୮ ଓଭର ବୋଲିଂ କରିଛନ୍ତି । କିନ୍ତୁ ମାତ୍ର ୧୦୦ ହିଁ ପ୍ରତିପକ୍ଷଙ୍କୁ ଦେଇଛନ୍ତି । ଟି-୨୦ ଫର୍ମାଟରେ ଏଭଳି କଞ୍ଜୁସି ବୋଲିଂ କ୍ଵଚିତ ଦେଖିବାକୁ ମିଳେ । ଚଳିତ ରଫିରେ ୫ ରନ୍ ରେ ୪ଟି ୱିକେଟ ନେଇ ଖୁବ ଶ୍ରେଷ୍ଠ ପ୍ରଦର୍ଶନ କରିଛନ୍ତି ଅକ୍ଷୟ । ସବୁଠୁ ବଡ କଥା ହେଲା ଚଳିତ ଟୁର୍ଣ୍ଣାମେଣ୍ଟରେ ସେ ଏଯାବତ ୧୩ଟି ୱିକେଟ ହାସଲ କରିଛନ୍ତି ।
ଯେଉଁଥିରେ ହାଟ୍ରିକ ୱିକେଟ ମଧ୍ୟ ରହିଛି । ଏସବୁ ବାଦ ଟି-୨୦ ଫର୍ମାଟରେ ଅକ୍ଷୟଙ୍କ ନାଁରେ ଏକ ବିଶ୍ଵ ରେକର୍ଡ ମଧ୍ୟ ରହିଛି । ମଣିପୁର ବିପକ୍ଷ ମ୍ଯାଚରେ ସେ ଚାରି ଓଭର ବୋଲିଂ କରିଥିବା ବେଳେ ସମସ୍ତ ଚାରି ଓଭର ମେଡେନ ଓଭର ନେଇଥିଲେ ଓ ୨ଟି ୱିକେଟ ମଧ୍ୟ ହାତେଇ ଥିଲେ । ଏଭଳି ରେକର୍ଡ ବିଶ୍ଵର ଅନ୍ୟ କୌଣସି ଖେଳାଳିଙ୍କ ନାଁରେ ନାହିଁ । ମହାରାଷ୍ଟ୍ରର ୟବତମାଲରେ ଜନ୍ମିତ ଅକ୍ଷୟ ପିଲାବେଳୁ ଗରିବୀକୁ ଖୁବ ପାଖରୁ ଦେଖିଛନ୍ତି ।
ତାଙ୍କ ବାପା ମହାରାଷ୍ଟ୍ର ରାଜ୍ୟ ପରିବହନ ବିଭାଗରେ ଜଣେ ଡ୍ରାଇଭର ଥିଲେ । ତେବେ ଗରିବୀର ଶିକୁଳିରୁ ବାହାରି ମାତ୍ର ୧୫ ବର୍ଷ ବୟସରେ ସେ ନାଗପୁରର ନବକେତନ କ୍ରିକେଟ କ୍ଲବରେ ଖେଳିବା ଆରମ୍ଭ କରିଥିଲେ । ଆଉ ଏହା ପରଠାରୁ ଗରିବୀ ତାଙ୍କ କ୍ରିକେଟ କ୍ଯାରିୟର ମଧ୍ୟରେ କେବେ ପାଚେରି ହୋଇ ଠିଆ ହୋଇନାହିଁ । ୨୦୧୬ ମସିହାରେ ପ୍ରଥମ ଥର ପାଇଁ ଝାଡ଼ଖଣ୍ଡ ବିପକ୍ଷରେ ପ୍ରଥମ ଶ୍ରେଣୀ କ୍ରିକେଟରେ ପଦାର୍ପଣ କରିଥିଲେ ଅକ୍ଷୟ ।
ଏହାପରେ ଲଗାତର ବିଧର୍ବ ପକ୍ଷରୁ ଅକ୍ଷୟ ଖେଳି ଆସୁଛନ୍ତି । ପୁରଣରୁ ଦୁଇ ହାତରେ ବୋଲିଂ କରି ଆସୁଥିବା ଅକ୍ଷୟ ଏବେ ଟି-୨୦ ଫର୍ମାଟରେ କଞ୍ଜୁସି ବୋଲିଂ କରି ଚର୍ଚ୍ଚାରେ ରହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।