ନୂଆ ଡ୍ରାଇଭିଙ୍ଗ ଲାଇସେନ୍ସ ବନେଇବାକୁ ଚାହୁଁଥିଲେ ଆଉ ଆପଣଙ୍କୁ ଯିବାକୁ ପଡିବନି ଆରଟିଓ ଅଫିସ । ଏନେଇ କେନ୍ଦ୍ର ଦେଲା ନୂଆ ଗାଇଡଲାଇନ । ଯଦି ଆପଣ ନୂଆ କରି ଡ୍ରିଆଭୟଙ୍ଗ ଲାଇସେନ୍ସ କରିବାକୁ ଚାହୁଁଛନ୍ତି କିମ୍ବା ରିନ୍ୟୁ କରିବାକୂ ଚାହୁଁଛନ୍ତି ତେବେ ଆପଣଙ୍କ ପାଇଁ ଆସିଛି ଏହି ଗୁରୁତ୍ୱପୂର୍ଣ୍ଣ ଖବର । କେନ୍ଦ୍ର ସରକାରଙ୍କ ତରଫରୁ ଡ୍ରାଇଭିଙ୍ଗ ଲାଇସେନ୍ସ ତିଆରି କରିବା ନିଯମରେ କିଛି ପରିବର୍ତ୍ତନ କରାଯାଇଛି । ଯାହା ସାଧାରଣ ଲୋକଙ୍କୁ ବେଶ ସୁହାଇବ ବୋଲି ଆଶା କରାଯାଉଛି ।
ଏହି ନିୟମ ଲାଗୁ ହେବା ପରେ ଡ୍ରାଇଭିଙ୍ଗ ଲାଇସେନ୍ସ ତିଆରି କରିବାକୁ ଆଉ ଆରଟିଓ ଅଫିସର ଚାକର କାଟିବାକୁ ପଡିବ ନାହିଁ । କେନ୍ଦ୍ର ସରକାରଙ୍କ ତରଫରୁ ପ୍ରସ୍ତୁତ ହୋଇଥିବା ଡ୍ରାଇଭିଙ୍ଗ ଲାଇସେନ୍ସର ନୂଆ ନିୟମ ପୂର୍ବାପେକ୍ଷା ସହଜ କରି ଦିଆଯାଇଛି । ଡ୍ରାଇଭିଙ୍ଗ ଲାଇସେନ୍ସ ତିଆରି ପାଇଁ ସଂଶୋଧିତ ନିୟମ ଅନୁସାରେ ବର୍ତ୍ତମାନ ଆପଣଙ୍କୁ ଆରଟିଓ ଅଫିସ ଯାଇ କୌଣସି ପ୍ରକାରର ଡ୍ରାଇଭିଙ୍ଗ ଟେଷ୍ଟ ଦେବାକୁ ପଡିବ ନାହିଁ ।
କେନ୍ଦ୍ର ସଡକ ପରିବହନ ଓ ରାଜପଥ ମନ୍ତ୍ରଣାଳୟ ଦ୍ଵାରା ଜାରି ହୋଇଥିବା ଏହି ନୂଆ ନିୟମ ଜୁଲାଇ ୧ ତାରିଖରୁ ଲାଗୁ ହେବାକୁ ଯାଉଛି । ଡ୍ରାଇଭିଙ୍ଗ ଲାଇସେନ୍ସ ପାଇଁ ଆପଣଙ୍କୁ ଆଉ ଆରଟିଓ ଅଫିସ ଯାଇ ଟେଷ୍ଟ ଦେବାକୁ ପଡିବନି ବରଂ ଆପଣ ଯେକୌଣସି ସ୍ବୀକୃତିପ୍ରାପ୍ତ ଡ୍ରାଇଭିଙ୍ଗ ଟ୍ରେନିଂ ସ୍କୁଲରେ ଡ଼ିଏଲ ପାଇଁ ରେଜିଷ୍ଟ୍ରେଶନ କରିପାରିବେ । ଏଠାରୁ ଟ୍ରେନିଂ ନେବା ସମୟରେ ଆପଣଙ୍କୁ ସେଠାରେ ପରୀକ୍ଷା ଦେବାକୁ ପଡିବ । ଯେଉଁମାନେ ପରୀକ୍ଷାରେ ଉତ୍ତୀର୍ଣ୍ଣ ହେବେ ସେମାନଙ୍କୁ ଟ୍ରେନିଂ ସ୍କୁଲ ସାର୍ଟିଫିକେଟ ପ୍ରଦାନ କରିବ ।
ଏହି ସାର୍ଟିଫିକେଟ ଆଧାରରେ ଆପଣଙ୍କର ଡିଏଲ ପ୍ରସ୍ତୁତ ହୋଇପାରିବ । ଦୁଇ ଚକିଆ ଓ ତିନି ଚକିଆ ହାଲୁକା ମୋଟର ଜାଣ ପାଇଁ ଟ୍ରେନିଂ ସେଣ୍ଟରରେ ଅତିକମରେ ଏକ ଏକର ଜମି ଥିବା ଆବଶ୍ୟକ । ଭାରି ଯାତ୍ରୀବାହୀ, ମାଲବାହୀ କିମ୍ବା ଟ୍ରଲର ପାଇଁ ଟ୍ରେନିଂ ସେଣ୍ଟରରେ ଅତିକମରେ ଦୁଇ ଏକର ଜମି ଥିବା ଆବଶ୍ୟକ । ଟ୍ରେନର ଅତିକମରେ ଦ୍ଵାଦଶ ପାସ୍ କରିଥିବେ ଓ ତାଙ୍କ ପାଖରେ ଅତିକମରେ ୫ବର୍ଷର ଡ୍ରାଇଭିଙ୍ଗ ଅଭିଜ୍ଞତା ଥିବା ଆବଶ୍ୟକ । ଡ୍ରାଇଭିଙ୍ଗ ସେଣ୍ଟର ମାନଙ୍କର ସିଲାବସ ଥିଓରି ଓ ପ୍ରାକ୍ଟିକାଲ ଦୁଇଭାଗରେ ବିଭକ୍ତ କରାଯାଇଛି ।
ଏହାସହ ଟ୍ରେନିଂ ସେଣ୍ଟରରେ ବାୟୋମେଟ୍ରିକ ସିଷ୍ଟମ ରହିବା ଆବଶ୍ୟକ ବୋଲି ଆଦି ଗାଇଡଲାଇନ ସବୁ ଜାରି ହୋଇଛି । ମଧ୍ୟମ ଏବଂ ଭାରି ଯାନ ପାଇଁ ୬ ସପ୍ତାହରେ ୩୮ କୋର୍ସର ଅବଧି ରହିଛି । ସେଠାରେ ୮ ଘଣ୍ଟା ଥିଓରି ଓ ଅବଶିଷ୍ଟ ୩୧ ଘଣ୍ଟାର ପ୍ରାକ୍ଟିକାଲ ହେବ । ଏହି ନୂଆ ନିୟମ ଲାଗୁ ହେଲେ ଡ୍ରାଇଭିଙ୍ଗ ଲାଇସେନ୍ସ ପାଇଁ ୱେଟିଙ୍ଗ ଲିଷ୍ଟରେ ରହୁଥିବା ହଜାର ହଜାର ଆଶ୍ଵସ୍ତି ପାଇବେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।