ଗାଁ ଝିଅ ରାଷ୍ଟ୍ରପତି ହେଲେ ଗାଁ’କୁ ବିଜୁଳି ସୁବିଧା ମିଳିବ ବୋଲି ଉପରବେଡା ଗ୍ରାମବାସୀ ଆଶା ବାନ୍ଧି ଅନ୍ଧାରରେ ବସିଛନ୍ତି । ଆପଣ ଜାଣିଲେ ଆଶ୍ଚର୍ଯ୍ୟ ହେବେ କି ଏଯାଏଁ ମଧ୍ୟ ଭାବି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଗାଁ’ରେ ବିଜୁଳି ସୁବିଧା ନାହିଁ । ମୟୂରଭଞ୍ଜର ଉପରବେଡା ଗ୍ରାମରେ ଜନ୍ମ ହୋଇଥିଲେ ଦ୍ରୌପଦୀ ମୁର୍ମୁ । ଦ୍ରୌପଦୀଙ୍କ ପାଇଁ ଗାଁ’ରେ ଆଜି ଖୁସିର ମାହୋଲ ଓ ସମସ୍ତଙ୍କ ମୁହଁରେ ହସ । କାରଣ ସମସ୍ତଙ୍କ ମନରେ ଆଜି ଅସରନ୍ତି ଗର୍ବ ।
ଉପରବେଡା ଗ୍ରାମ ଆଜି ଖିଲିଖିଲି ହସୁଛି ସତ କିନ୍ତୁ ରାତି ହେଲେ ପୁଣି କାନ୍ଦିବ ଆଉ ନିଜକୁ କୋଷିବ । ଗାଁ ଝିଅ ସିନା ରାଷ୍ଟ୍ରପତି ହେବାକୁ ଯାଉଛି ଅଥଚ ଗାଁ’ଟି କିଟିକିଟି ଅନ୍ଧାରରେ ବଞ୍ଚୁଛି । ସେଥିପାଇଁ ଗାଁ ଆଶା ବାନ୍ଧି ବସିଛି କି ଗାଁ ଝିଅ ରାଷ୍ଟ୍ରପତି ହେବା ପରେ ଗାଁ’କୁ ବିଜୁଳି ଅଧିକାର ମିଳିବ । ଗାଁ ଛାତିରେ ବଢୁଥିବା ମଣିଷ ଏବେ ରାତିର ଆଲୁଅ ଦେଖିବ । ଭାବି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଗାଁକୁ ଆଜି ଯାଏଁ ମଧ୍ୟଶ ବିଜୁଳି ପହଞ୍ଚି ପାରିନି ।
୨୦ ବର୍ଷ ହେଲା ଜାରି ରହିଛି ସଂଘର୍ଷ କିନ୍ତୁ ପ୍ରତିଶ୍ରୁତି ବ୍ଯତୀତ ଆଉ କିଛି ବି ହାତ ଲାଗିନି । ଯେଉଁଠି ଏବେ ଯାଏଁ ଭାବି ରାଷ୍ଟ୍ରପତିଙ୍କ ଗାଁକୁ ବିଜୁଳି ପହଞ୍ଚି ପାରିନି ସେଠାରେ ବିକାଶ ଓ ଉନ୍ନତିର କଥା ପ୍ରହସନ ବ୍ଯତୀତ ଆଉ କିଛି ନୁହେଁ । ଗାଁ ଲୋକଙ୍କ ହସ ଖୁସି ଭିତରେ ଉଦାସ ମୁହଁ ଆପଣ ଦେଖି ପାରୁଥିବେ । ଗାଁ ଲୋକଙ୍କ ଆଖିରେ ବସା ବାନ୍ଧିଛି ଆଶା ।
ଗାଁ ଝିଅ ଦ୍ରୌପଦୀ ରାଷ୍ଟ୍ରପତି ହେଲେ ନିଶ୍ଚୟ ଗାଁକୁ ବିଜୁଳି ଆସିବ ବୋଲି ଅପେକ୍ଷା । ତାଙ୍କ ଗାଁର ଝିଅ ରାଷ୍ଟ୍ରପତି ହେଲେ ସେମାନେ ବିଜୁଳି ବତୀ ଟିକକ ନିଶ୍ଚୟ ଦେଖିବେ ଓ ତା’ପରେ ଗାଁ ର ଅନ୍ୟାନ୍ୟ ଉନ୍ନତି ହୋଇପାରିବ ବୋଲି ସେମାନେ ଆଶା ବାନ୍ଧି ବସିଛନ୍ତି । ଥରେ ଚିନ୍ତା କରି ଦେଖନ୍ତୁ ତ ଆଜିର ଏକବିଂଶ ଶତାବ୍ଦୀର ଏହି ଆଧୁନିକ ଯୁଗରେ ମଣିଷ କେତେ କଣ ଆବିଷ୍କାର କରି ସାରିଲାଣି । କିନ୍ତୁ ଆଜି ବି ସାମାନ୍ଯ ବିଜୁଳି ବତୀ ଦେଖି ନାହାନ୍ତି ଭାବି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଗାଁ ଲୋକେ ।
ଅପରପକ୍ଷେ ଏପରି ଏକ ଅବିକଶିତ ଗ୍ରାମରୁ ଜନ୍ମ ହୋଇ ସୁଦ୍ଧା ସଂଘର୍ଷ କରି ଦ୍ରୌପଦୀ ମୁର୍ମୁ ଆଜି ଦେଶର ସର୍ବୋଚ୍ଚ ପଦବୀ ପାଇଁ ଦାବିଦାର ହୋଇ ପାରିଛନ୍ତି ଏହା ମଧ୍ୟ ତାଙ୍କ ଗାଁ ପାଇଁ ଏକ ଗର୍ବ ଏବଂ ଗୌରବର କଥା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।