କୋର୍ଟ କାଲି ନିର୍ଦ୍ଦେଶ ଦେଇଥିଲେ ଆଉ ଏହାକୁ ଆଜି ପାଳନ କରିଛନ୍ତି ସାଂସଦ ଅନୁଭବ ମହାନ୍ତି । ଆଜ୍ଞା ହଁ, କାଲି କୋର୍ଟ ଦେଇଥିବା ନିର୍ଦ୍ଦେଶ ଅନୁସାରେ ଆଜି ସାଂସଦ ଅନୁଭବ ମହାନ୍ତି ପତ୍ନୀ ବର୍ଷା ପ୍ରିୟଦର୍ଶିନୀଙ୍କୁ ୩୦ ହଜାର ଟଙ୍କା ଦେଇଛନ୍ତି । ବର୍ଷାଙ୍କ ବ୍ଯାଙ୍କ ଖାତାରେ ଅନୁଭବ ଏହି ଟଙ୍କା ଜମା କରିଛନ୍ତି ଏବଂ ଟଙ୍କା ଟଙ୍କା ଜମାଣର ବ୍ଯାଙ୍କ ରସିଦ ଯାଇ କୋର୍ଟରେ ମଧ୍ୟ ଦାଖଲ କରିଛନ୍ତି । ଆଜି ବ୍ଯାଙ୍କରେ ଟଙ୍କା ଜମା କରିବା ପରେ ସିଧା ଏସଡ଼ିଜେଏମ କୋର୍ଟ ଯାଇ ରସିଦ ଦାଖଲ କରିଛନ୍ତି ସାଂସଦ ଅନୁଭବ ମହାନ୍ତି ।
ବର୍ଷା ଓ ଅନୁଭବଙ୍କ ପାରିବାରିକ ଚାଲିଥିବା ବେଳେ ଅନୁଭବ ଛାଡପତ୍ର ପାଇଁ ଆବେଦନ କରିଥିଲେ ହେଁ ବର୍ଷା ଏହାକୁ ଗ୍ରହଣ କରି ନଥିଲେ । ସେ ସ୍ଵାମୀ ଓ ତାଙ୍କ ପରିବାର ସହ ରହିବାକୁ ଚାହୁଁଛନ୍ତି ବୋଲି ଆବେଦନ କରିବା ପରେ କୋର୍ଟ ତାଙ୍କୁ ଅନୁଭବଙ୍କ ଘରେ ସମ୍ମାନର ସହ ରହିବା ପାଇଁ ଅନୁମତି ଦେଇଥିଲେ । କିନ୍ତୁ ବିବାଦ ବଢିବାରୁ ଅନୁଭବ ଓ ତାଙ୍କ ପରିବାର ଅନ୍ୟତ୍ର ଯାଇ ଭଡା ନେଇ ରହୁଥିଲେ ।
ତେବେ ବର୍ତ୍ତମାନ ସେମାନେ ନିଜ ପିତୃକ ଘରକୁ ଫେରିବାକୁ ଚାହୁଁଛନ୍ତି, କିନ୍ତୁ ବର୍ଷା ସେଠାରେ ରହୁଥିବାରୁ ଏହା ତାଙ୍କ ପାଇଁ ସମ୍ଭବ ହୋଇ ପାରୁନାହିଁ । ଏକଥା ଅନୁଭବ ଅନେକ ଥର ଜଣାଇବା ପରେ ବାପାମା’ଙ୍କୁ ଘରକୁ ଫେରାଇ ଆଣିବାକୁ କୋର୍ଟରେ ଏକ ପିଟିସନ ଦାଖଲ କରିଥିଲେ ଅନୁଭବ । ଯାହାର ଶୁଣାଣି କରି କାଲି ଏସଡ଼ିଜେଏମ କୋର୍ଟ ବର୍ଷାଙ୍କୁ ନିଜ ପାଇଁ ଘର ଦେଖିବା ସହ ଅନୁଭବଙ୍କ ପୈତୃକ ଘର ଛାଡିବାକୁ କହିଛନ୍ତି ।
ପ୍ରତି ମାସ ୧ରୁ ୧୦ ତାରିଖ ମଧ୍ୟରେ ରହଣି ବାବଦକୁ ବର୍ଷାଙ୍କୁ ୩୦ ହଜାର ଟଙ୍କା ଦେବା ପାଇଁ କୋର୍ଟ ଅନୁଭବଙ୍କୁ କହିଛନ୍ତି । ପ୍ରଥମ ଟଙ୍କା ପାଇବାର ଦୁଇ ମାସ ମଧ୍ୟରେ ବର୍ଷାଙ୍କୁ ଘର ଛାଡିବାକୁ ନିର୍ଦ୍ଦେଶ ଦିଆଯାଇଛି । ଏହି ଶୁଣାଣି ଆସିବା ପରେ ଅନୁଭବ ଖୁସିରେ କାନ୍ଦି ପକାଇଥିଲେ । ଆଉ ଆଜି ସାଙ୍ଗେ ସଙ୍ଗେ କୋର୍ଟଙ୍କ ଆଦେଶକୁ ପାଳନ କରିଛନ୍ତି । ସେ ତାଙ୍କ ବାପାମା’ଙ୍କୁ ନିଜ ଘରକୁ ଫେରାଇ ଆଣିବାକୁ କେତେ ଉତ୍ସୁକ ଅଛନ୍ତି ଏଥିରୁ ସ୍ପଷ୍ଟ ଜଣାପଡୁଛି ।
ତେବେ ସେପଟେ ଫେସବୁକରେ ବର୍ଷାଙ୍କ ବିରୋଧରେ ଅସମ୍ମାନଜନକ ପୋଷ୍ଟ ହେଉଥିବା ନେଇ ବର୍ଷା ସାଇବର ଥାନାରେ ଏତଲା ଦେଇଥିଲେ । ଯେଉଁଥି ପାଇଁ ଆଜି ଫେସବୁକକୁ ଚିଠି ଲେଖି ତଥ୍ୟ ମାଗିଛି ସାଇବର ଥାନା ପୋଲିସ । ତେବେ ଗତକାଲି କୋର୍ଟ ଦେଇଥିବା ନିର୍ଦ୍ଦେଶକୁ ନେଇ ଏଯାଏଁ ବର୍ଷାଙ୍କର କୌଣସି ପ୍ରତିକ୍ରିୟା ମିଳିନାହିଁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।