“କଣ ଥିଲା ଚେହେରା ତୁମ କଣ ତୁମେ ହେଲଣି, ଆପେଲ୍ ପରି ଥିଲ ଏବେ କଳା କାଠ ପଡିଗଲଣି” ଆପଣମାନେ ସୋସିଆଲ ମିଡିଆରେ ଏହି ଅଣ୍ଡା କଦଳୀ ଗୀତକୁ ତ ନିଶ୍ଚୟ ଶୁଣିଥିବେ । ୟୁଟ୍ଯୁବ, ଫେସବୁକ ଏବଂ ଇନଷ୍ଟାଗ୍ରାମ ସବୁଠି ଏହି ଓଡିଆ ଗୀତ ଭାଇରାଲ ହେବାର ଲାଗିଛି । ଏବେ ପର୍ଯ୍ୟନ୍ତ ପାଖାପାଖି ସାତ ଲକ୍ଷ ଲୋକ ୟୁଟ୍ଯୁବରେ ଏହି ଗୀତକୁ ଦେଖି ସାରିଲେଣି । ଓଡିଆ ଅଭିନେତା ପପୁ ପମପମ୍ ଏହି ଗୀତକୁ ଗାଉଥିବାର ଆପଣ ମାନେ ସମସ୍ତେ ଦେଖିଥିବେ ।
ଗତ କିଛିଦିନର ଘଟଣା ଆପଣଙ୍କର ନିଶ୍ଚୟ ମନେ ଥିବ । ବିଜୁ ପଟ୍ଟନାୟକ କଲେଜର ଛାତ୍ରୀମାନେ ରାଗିଯାଇ କଲେଜ ଅଧ୍ୟାପକ ଶୁଭେନ୍ଦୁ ସାରଙ୍କ ନାଁରେ ଗଣମାଧ୍ୟମରେ ଜୋରସାର ପ୍ରତିକ୍ରିୟା ରଖିଥିଲେ । ଆଉ ସେହି ସମୟରେ ଜଣେ ଛାତ୍ରୀ ରାଗିଯାଇ କହିଥିଲେ କି, ସାର କହୁଛନ୍ତି ତୁମେ ଝଡି ଗଲଣି ଅଣ୍ଡା କଦଳୀ ଟିକେ ଖାଉନ । ବାସ୍ ତା’ପରେ ଏହି ଡାଇଲଗ ସୋସିଆଲ ମିଡିଆରେ ଘାଇଁ ଘାଇଁ ହୋଇ ଭାଇରାଲ ହେବାରେ ଲାଗିଥିଲା ।
ଆଉ ଏବେ ସେହି ଭାଇରାଲ ଭିଡିଓକୁ ନେଇ ପ୍ରସ୍ତୁତ କରାଯାଇଛି ଏହି ଓଡିଆ ଗୀତ । ଏହି ଗୀତରେ ପପୁ ପମପମ୍ ଗାଉଛନ୍ତି, “କଦଳୀ ଅଣ୍ଡା ଖାଉନ କଣ ଅରେଞ୍ଜ ଜୁସ୍ ପିଉନ, କହିଦେଲି ବୋଲି ତମ ବିଦ୍ଯାରାଣ ଦେହକୁ ନବନି” । ଆଉ ଠିକ ଏହାପରେ ଭାଇରାଲ ହେଉଥିବା ଉକ୍ତ କଲେଜ ଯୁବତୀଙ୍କ ଡାଇଲଗ ଆସୁଛି, ତୁ କିଏ ବେ ! ଆଉ ତା’ପରେ ପପୁ ପମପମ୍ ଗାଉଛନ୍ତି କି, ମାମୁନି ଲୋ ମାମୁନି ତୁମେ ପୁରା ଝଡି ଗଲଣି, ମାମୁନି ଲୋ ମାମୁନି ଶୁଖିକି କଳା ହେଲଣି ।
ଏହି ଗୀତଟି ଏବେ ସୋସିଆଲ ମିଡିଆର ସେନ୍ସେସନ ପାଲଟିବାରେ ଲାଗିଲାଣି । ପିଲାଙ୍କ ଠାରୁ ନେଇ ବୁଢା ପର୍ଯ୍ୟନ୍ତ ସମସ୍ତେ ଏହି ଗୀତର ତାଳେ ତାଳେ ଝୁମୁଛନ୍ତି । କିଛିଦିନ ତଳେ ଭୁବନେଶ୍ବରର ଏକ କଲେଜରେ ଛାତ୍ର ଅଶାନ୍ତି ଦେଖିବାକୁ ମିଳିଥିଲା । ଆଉ ସେହି ସମୟର ଖବର ନେବା ପାଇଁ ସବୁ ଗଣମାଧ୍ୟମ ପ୍ରତିନିଧିଙ୍କ ଭିଡ ମଧ୍ୟ ଜମିଥିଲା । ଆଉ ସାରଙ୍କ କଥା କହୁ କହୁ କିଛି ଏମିତି ଢଙ୍ଗରେ ‘ତୁ କିଏ ବେ’ କହି ଦେଇଥିଲେ ଛାତ୍ରୀ ଜଣକ ।
ହୁଏତ ସେ ନିଜେ ବି ଜାଣି ନଥିବେ କି ପରବର୍ତ୍ତୀ ସମୟରେ ତାଙ୍କର ଏହି ଡାଇଲଗରୁ ଗୀତ ତିଆରି ହୋଇଯିବ ବୋଲି । ସେ ଯାହା ବି ହେଉ ଏବେ ଏହି ଗୀତଟି ବେଶ ଭାଇରାଲ ହେବାରେ ଲାଗୁଛି ଓ ଲୋକେ ଏହାର ମଜା ଉଠାଉଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।