ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ଉପରେ ପୁଣି ଥରେ ମହାଖୋଲି ବର୍ଷିଛନ୍ତି ଗୋପାଳପୁରର ବିଧାୟକ ପ୍ରଦୀପ ପାଣିଗ୍ରାହୀ । ଏଥର ନବୀନଙ୍କୁ ସିଧା ଟାର୍ଗେଟ କରି ସେ କହିଛନ୍ତି, ମୁଖ୍ୟମନ୍ତ୍ରୀ କେବଳ କୁହନ୍ତି ହେଲେ କିଛି କରନ୍ତିନି । ଏପରିକି ଗଞ୍ଜାମ ବଡ ଜିଲ୍ଲା ହୋଇଥିଲେ ବି ସେଠାରେ ଏୟାରପୋର୍ଟ କାହିଁକି କରା ଯାଉନାହିଁ ସେନେଇ ପ୍ରଶ୍ନ ଉଠାଇଛନ୍ତି । ଖାଲି ସେତିକି ନୁହେଁ ବରଂ ରେଲୱେ କ୍ଷେତ୍ରରେ ଜିଲ୍ଲା ଅବହେଳିତ ହେବ ନେଇ ମଧ୍ୟ ସମାଲୋଚନା କରିଛନ୍ତି ।
ସୂତାକଳକୁ ଆଳ କରି ନବୀନଙ୍କୁ ଟାର୍ଗେଟ କରିଛନ୍ତି ପ୍ରଦୀପ । ପ୍ରଦୀପ ସେନା ଗଠନ କରିବା ପରେ ଗୋପାଳପୁର ବିଧାୟକ ଏବେ ଆକ୍ସନ ମୋଡରେ ଆସିଛନ୍ତି । ନିର୍ବାଚନ ମଣ୍ଡଳୀର ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମର ସମୀକ୍ଷା କରିବା ସହ ସରକାରଙ୍କ ଉପରେ ବର୍ଷିବାରେ ଲାଗିଛନ୍ତି । ସେ ନବୀନଙ୍କୁ ଟାର୍ଗେଟ କରି କହିଛନ୍ତି, ଦଶଥରର ବିଧାୟକ ଭି. ସୁଜ୍ଞାନୀ ଦେଓ ଦଳ ଓ ରାଜ୍ୟ ପାଇଁ ଅନେକ କିଛି କରିଛନ୍ତି । ଏବେ ସେ ଚେନ୍ନାଇରେ ଥିବାବେଳେ ନବୀନ ବାବୁ ତାଙ୍କ ସହ ଥରେ ବି କଥା ହେଲେନି ।
ଆହୁରି ମଧ୍ୟ ସେ ବିଜେଡି ସଭାପତି ରମେଶଚନ୍ଦ୍ର ଚାଉ ପଟ୍ଟନାୟକଙ୍କୁ ପ୍ରଦୀପ ମନଖୋଲା ପ୍ରଶଂସା କରିଛନ୍ତି । ଚାଉ ବାବୁ ଜଣେ ଭଲ ଲୋକ ଓ ଭଲ ରାଜନୈତିକ ବିଶେଷଜ୍ଞ । ତେଣୁ ଦଳ ତାଙ୍କୁ ଆଉଥରେ ଟିକେଟ ଦେବା ଉଚିତ । କିଛିଦିନ ଧରି ପ୍ରଦୀପ ପାଣିଗ୍ରାହୀ କାହିଁକି ଏତେ ସକ୍ରିୟ ହୋଇଗଲେ ଏହାକୁ ନେଇ ଗୋପାଳପୁର ରାଜନୀତିରେ ହଇଚଇ ସୃଷ୍ଟି ହୋଇ ସାରିଲାଣି ।
ବିଜେଡ଼ିରୁ ବହିଷ୍କୃତ ହେବାପରେ କିଛିଦିନ ପାଇଁ ଚୁପ୍ ରହିଥିଲେ ପ୍ରଦୀପ । ଆଉ ଏବେ ଦଳ ସମେତ ରାଜ୍ୟ ଶାସନ ଯାହା ହାତରେ ରହିଛି ତାଙ୍କୁ ଟାର୍ଗେଟ କରିବା ଆରମ୍ଭ କରି ଦେଇଛନ୍ତି । ପ୍ରଦୀପଙ୍କୁ ନେଇ ସବୁଆଡେ ଚର୍ଚ୍ଚା ଚାଲିଥିବା ବେଳେ ଚାଉ ପଟ୍ଟନାୟକ ମଧ୍ୟ ତାଙ୍କ ମନ୍ତବ୍ୟକୁ ନେଇ ପ୍ରତିକ୍ରିୟା ଦେଇଛନ୍ତି । ଚାଉ କହିଛନ୍ତି, ଏସବୁ ପ୍ରଦୀପଙ୍କର ଛଳନା ଆଉ କପଟ । ନବୀନ ବାବୁ ପ୍ରଦୀପଙ୍କୁ ବହୁତ ସମ୍ମାନ ଦେଇଛନ୍ତି ଓ କ୍ଯାବିନେଟ ପାହ୍ୟା ବି ଦେଇଛନ୍ତି ।
ଜିଲ୍ଲାରେ ଯେତିକି ଉନ୍ନତିମୂଳକ କାର୍ଯ୍ୟ କରାଯିବା କଥା ତାହା ହେଉଛି । ପ୍ରଦୀପଙ୍କ ଟାର୍ଗେଟ ଓ ଚାଉଙ୍କ ପ୍ରତିକ୍ରିୟାକୁ ନେଇ ଏବେ ଗଞ୍ଜାମ ରାଜନୀତିରେ ହଟଚମଟ ସୃଷ୍ଟି ହୋଇଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର ବ୍କାରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।