ପୁଅକୁ ବାହା କରି ମାତ୍ର ଗୋଟିଏ ଦିନ ହୋଇଥିଲା, ଆଉ ବୋହୂ ମନ୍ଦିର ଯିବ କହି ଫେରାର ହୋଇଗଲା । ସ୍ଥାନୀୟ ଲୋକ ଓ ପୋଲିସ ମାନଙ୍କ ସହାୟତାରେ ଅଳ୍ପକେ ବଞ୍ଚି ଯାଇଛନ୍ତି ତାଙ୍କ ସାନ ପୁଅ । ଏହି ବୁଢା ବାପାଜଣକ ଛାତି ବାଡେଇ ଯାହାସବୁ କହୁଛନ୍ତି ଶୁଣିଲେ ଆପଣଙ୍କ ହୋସ୍ ଉଡିଯିବ । ବୁଢା ବାପାଙ୍କ କହିବା ଅନୁଯାୟୀ ସେ ତାଙ୍କ ସାନ ପୁଅକୁ ବାହା କରିବାକୁ ଚାହୁଁଥିଲେ । ତେଣୁ ଝିଅ ଖୋଜାଖୋଜି ହେଉଥିବା ବେଳେ ପୁରୀର ଏହି ଝିଅକୁ ସେମାନେ ପସନ୍ଦ କରିଥିଲେ ।
ପ୍ରଥମେ ଝିଅଘର ଆସି ତାଙ୍କ ଘର ଏବଂ ସାନ ପୁଅକୁ ଦେଖି ଯାଇଥିଲେ , ଏହାପରେ ପୁଅଘର ମଧ୍ୟ ଭଦ୍ରଲୋକ ନେଇ ଝିଅଘରକୁ ଯାଇ ଦେଖିବା ପରେ କଥା ପକ୍କା କରି ଆସିଥିଲେ । ଏହାପରେ ବାହାଘର ତାରିଖ ଧାର୍ଯ୍ୟ ହୋଇଥିଲା ଆଉ ରୀତିମତେ ବାହାଘର ମଧ୍ୟ ହୋଇଥିଲା । ବାହାଘର ପରଦିନ ନୂଆ ବୋହୂ କହିଥିଲା କି ସେ ମନ୍ଦିର ଯିବାକୁ ଚାହୁଁଛି । କାରଣ ସେ ମାନସିକ କରିଥିଲା କି ବାହାଘର ପରଦିନ ମନ୍ଦିର ଯାଇ ଦର୍ଶନ କରିବ ।
ଏହା ଶୁଣିବା ପରେ ନୂଆ ବୋହୂଙ୍କୁ ମନ୍ଦିର ଯିବାକୁ ଅନୁମତି ଦେଇଥିଲେ ଶ୍ଵଶୁର । ପୁଅ ଓ ବୋହୂ ଉଭୟ ମନ୍ଦିର ଯାଇଥିଲେ, କିନ୍ତୁ ଅନେକ ସମୟ ଧରି ଘରକୁ ଫେରି ନଥିଲେ । ପରେ ଜାଣିବାକୁ ପାଇଲେ ଲିଙ୍ଗରାଜ ମନ୍ଦିରରେ ତାଙ୍କ ବୋହୂର ଘରଲୋକ ତଥା ଭାଇ, ଭଉଣୀ, ଭିଣୋଇ ଅନ୍ୟମାନେ ମିଶି ତାଙ୍କ ପୁଅଙ୍କୁ ନିର୍ଦ୍ଧୂମ ମାଡ ମାରିଛନ୍ତି । ସେଠାରେ ଥିବା ପୂଜାରୀ, ସ୍ଥାନୀୟ ଲୋକେ ଓ ପୋଲିସ ଆସି ତାଙ୍କ ପୁଅକୁ ଉଦ୍ଧାର କରିଛି । ଏହାକୁ ନେଇ ମର୍ମାହତ ହୋଇ ପଡିଛନ୍ତି ବୁଢାବାପା ଜଣକ ।
କାରଣ ବାହାଘର ଠିକ ହେବା ପରେ ଝିଅଘର ଖର୍ଚ୍ଚ କରିପାରିବେ ନାହିଁ ବୋଲି ମନା କରିବାରୁ ସେ ବାହାଘରର ସବୁ ଖର୍ଚ୍ଚ ବହନ କରିଥିଲେ । ଚାରି ଭାରି ସୁନା ଅଳଙ୍କାର ଓ ରୂପ ପାଉଁଝି ମଧ୍ୟ ବୋହୂକୁ ଦେଇଥିଲେ । କିନ୍ତୁ ବାହାଘର ପରଦିନ ହିଁ ଏଭଳି ଘଟଣା ଘଟିଯାଇଛି ଯାହାକୁ ନେଇ ସେ ହାତଯୋଡି ନ୍ୟାୟ ଭିକ୍ଷା କରିଛନ୍ତି । ସେ କହିଛନ୍ତି କି ଏଭଳି ଝିଅ ଯଦି ବାହାରେ ବୁଲିବେ ତେବେ ଅନେକ ପୁଅଙ୍କ ଜୀବନ ନଷ୍ଟ ହୋଇଯିବ ।
ପୋଲିସ ଯୋଗୁଁ ତାଙ୍କ ପୁଅର ଜୀବନ ବଞ୍ଚିଯାଇଛି ସତ କିନ୍ତୁ ସେ ନ୍ୟାୟ ଚାହାନ୍ତି । ଯାହା ତାଙ୍କର କ୍ଷତି ହୋଇଛି ସେସବୁ ସହିଯିବେ ପଛେ ଆଉ ବୋହୂଙ୍କୁ ଗ୍ରହଣ କରିବେ ନାହିଁ ବୋଲି କହିଛନ୍ତି । ଏହା ସାପକୁ ପେଡିରେ ରଖି କ୍ଷୀର ଖାଇବାକୁ ଦେବା ସହ ସମାନ ହେବ ବୋଲି ସେ କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।