ନିମାପଡା ଦହିଜଙ୍ଗ ବ୍ରିଜ ଉପରେ ବିଷ୍ଣୁ ଘୁରିବୁଲୁଛି ଆଉ ସେଇ ବାଟ ଦେଇ ଯାଉଥିବା ଲୋକଙ୍କୁ “ମୋତେ ନ୍ୟାୟ କେବେ ମିଳିବ ?” ବୋଲି ପଚାରୁଛି । ତାକୁ ଉତ୍ତର ନଦେଇ ପଥିକମାନେ ଧାଇଁ ପଳାଉଛନ୍ତି । ତେବେ ଏହି ବିଷ୍ଣୁ କିଏ ? ଦିନେ ରାତିଅଧରେ ବିଷ୍ଣୁ ପାଖକୁ ପ୍ରେମିକର କଲ୍ ଆସେ, ‘ଧନ ଘର ପାଖକୁ ଆସ ଦେଖା କରିବା’ । ପ୍ରେମିକାକୁ ଦେଖାକରିବା ପାଇଁ ବିଷ୍ଣୁ ଘରୁ ବାହାରି ଯାଏ କିନ୍ତୁ ସକାଳୁ ପୋଲ ତଳୁ ମିଳେ ତା’ର ମୃତଦେହ ।
ଦଳିତର ପ୍ରେମ କାହାଣୀ କିପରି ପାଦତଳେ ଦଳି ହୋଇ ମରିଯାଏ ଏ ହେଉଛି ତା’ର ନିଛକ ଉଦାହରଣ । ଦଳିତ ବୋଲି ପ୍ରେମ କରିବାର କିମ୍ବା ନ୍ୟାୟ ପାଇବାର ଅଧିକାର ନାହିଁ ବୋଲି ଏହା କହୁଛି । ଦଳିତ ମାନଙ୍କ ପାଇଁ ନ୍ୟାୟର ନିକିତି ଶକ୍ତିହୀନ ହୋଇଯାଇଛି । ପୁରୀ ଜିଲ୍ଲା ନିମାପଡା ପୌର ପରିଷଦ ଦକ୍ଷିଣ ସାହିରେ ଅନ୍ୟାୟ ଜିତିଥିବା ଦୃଶ୍ୟ ଦେଖିବାକୁ ମିଳିଛି । ଏହି ଘଟଣାକୁ ଏକ ବର୍ଷ ବିତିଗଲା ହେଲେ ବାପମା’ଙ୍କୁ ନ୍ୟାୟ ମିଳିଲାନି ।
ପୁଅ ତ ଗଲା ଓ ନ୍ୟାୟ ବି ମିଳିଲାନି ତେଣୁ ଏ ଜୀବନ ରହି ଆଉ ଲାଭ ନାହିଁ ଆମେ ବି ମରିବୁ ବୋଲି କହୁଛନ୍ତି ବିଷ୍ଣୁଙ୍କ ପିତାମାତା । ବିଷ୍ଣୁଙ୍କ ପ୍ରେମିକା, ତାଙ୍କ ବାପା ଓ ଦାଦା ମିଶି ବିଷ୍ଣୁଙ୍କୁ ମାରି ତଳେ ପକାଇ ଦେଇଥିଲେ । ଏନେଇ ଏତଲା ଦେଇ ରାଲି କରି ଯେତେ ଦୌଡିଲେ ମଧ୍ୟ ତାଙ୍କୁ ନ୍ୟାୟ ମିଳିଲାନି । ତେଣୁ ବୃଦ୍ଧ ବାପାମା’ ଏବେବି କାନ୍ଦୁଛନ୍ତି । ଦଳିତ ବୋଲି କଣ ତାଙ୍କ ପାଇଁ ନ୍ୟାୟ ନାହିଁ ? ପ୍ରଶାସନ ଆଗରେ ହାତ ଯୋଡି ଏମିତି ପ୍ରଶ୍ନ କରିଛନ୍ତି ଏହି ଦଳିତ ପରିବାର ।
ଖବର ମୁତାବକ ଦକ୍ଷିଣାସାହିର ବଳରାମ ଭୋଇଙ୍କ ପୁଅ ବିଷ୍ଣୁ ଭୋଇଙ୍କ ସହ ନିମାପଡା ଦହିଜଙ୍ଗ ଗାଁର ଏକ ଯୁବତୀଙ୍କ ପ୍ରେମ ସମ୍ପର୍କ ଗଢି ଉଠିଥିଲା । ଯୁବତୀ ଜଣକ ବିଷ୍ଣୁଙ୍କୁ ବିବାହ କରିବା ପାଇଁ ତାଙ୍କ ବିଷ୍ଣୁଙ୍କ ସହ ତାଙ୍କ ଘରକୁ ପଳାଇ ଆସିଥିଲେ । କିନ୍ତୁ ଝିଅର ପରିବାର ବିବାହ କରିବା ପାଇଁ ପ୍ରତିଶ୍ରୁତି ଦେଇ ଝିଅକୁ ନେଇ ପଳାଇଥିଲେ । ଏହାର କିଛିଦିନ ପରେ ଅର୍ଥାତ ୧୦ ଅଗଷ୍ଟ ୨୦୨୧ ରାତିରେ ଯୁବତୀ ବିଷ୍ଣୁଙ୍କୁ ଫୋନ କରି ତାଙ୍କ ସହ ଦେଖା କରିବାକୁ ଡ଼ାକିଥିଲେ ।
କିନ୍ତୁ ତା’ ପରଦିନ ଦହିଜଙ୍ଗ ନିକଟସ୍ଥ ଏକ ନିର୍ମାଣଧୀନ ପୋଲତଳୁ ବିଷ୍ଣୁଙ୍କ ମୃତଦେହ ମିଳିଥିଲା । ଏନେଇ ବିଷ୍ଣୁଙ୍କ ବାପା ନିମାପଡା ଥାନାରେ ଏକ ମାମଲା ରୁଜୁ କରିଥିଲେ ସୁଦ୍ଧା ଏପର୍ଯ୍ୟନ୍ତ ତାଙ୍କୁ ନ୍ୟାୟ ମିଳିନାହିଁ । ନ୍ୟାୟ ଅପେକ୍ଷାରେ ଥିବା ବେଳେ ନ୍ୟାୟ ନ ମିଳିଲେ ଜୀବନ ହରିବୁ ବୋଲି ପ୍ରଶାସନକୁ ଧମକ ଦେଇଛନ୍ତି ପୁରା ଦଳିତ ପରିବାର । ଦେଖାଯାଉ ପ୍ରଶାସନ ଏମାନନକୁ ନ୍ୟାୟ ଦେଉଛି ନା ଜୀବନ ହାରିବାକୁ ଅପେକ୍ଷା କରୁଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।