ବାପାଙ୍କର ମେଡ଼ିସିନ୍ ପାଇଁ ପୁଅ କୁ ୧୬୦ କିମି ସାଇକେଲ ଚଳାଇ ବରେଲୀ ଯିବାକୁ ପଡିଲା ଓ ତା ପରେ ପୁଣି ୧୬୦ କିମି ସାଇକେଲ ଚଲାଇ ଘରକୁ ଫେରିବାକୁ ପଡ଼ିଲା। ଏହା ଜଣା ପଡ଼ିବା ପରେ ମେଡ଼ିସିନ୍ ଦୋକାନୀ ଅଧା ଦାମରେ ୧ ମାସର ଔଷଧ ଦେବା ସହିତ ତାଙ୍କୁ ଖାଇବାକୁ ମଧ୍ୟ ଦେଲା ପରେ ତାଙ୍କୁ ଛାଡିଥିଲେ। ଏହାପରେ ସେ ଦୋକାନୀ ଜଣକ ମଧ୍ୟ ଚର୍ଚ୍ଚାରେ ଆସିଥିଲେ ।
ହର୍ଦୋଇ ଜିଲ୍ଲାର ତହସିଲ ଶାହାବାଦ୍ ମଙ୍ଗଳ କ୍ଷେତ୍ରର ରସୁଲପୁର ଗ୍ରାମ ନିବାସୀ ରାଜେଶ କୁମାରଙ୍କ ୬୦ ବର୍ଷୀୟ ପିତା ସ୍ଵାମୀ ଦୟାଲ ମାନସିକ ରୋଗରେ ପୀଡ଼ିତ ଅଟନ୍ତି। ତାଙ୍କର ୨୦ ବର୍ଷ ହେଲା ଚିକିତ୍ସା ଚାଲିଛି । ରବିବାର ସକାଳୁ ସେ ହର୍ଦୋଇ ରୁ ସାଇକେଲ ଧରି ବରେଲି ଯାଇଥିଲେ ସେ ସୋମବାର ଦିନ ସକାଳ ୯ ଟାରେ ବରେଲିରେ ପହଞ୍ଚିଥିଲେ । ଶ୍ୟାମଗଞ୍ଜ ର ମେଡ଼ିସିନ୍ ଷ୍ଟୋରରୁ ସେ ମେଡ଼ିସିନ୍ ଆଣିଲେ ।
ରାଜେଶ କହିଲେ ୧ ସପ୍ତାହ ପୂର୍ବରୁ ତାଙ୍କ ବାପାଙ୍କ ସ୍ଵାସ୍ଥ୍ୟ ଅବସ୍ଥା ବିଗିଡ଼ିବାକୁ ଲାଗିଥିଲା । ସେ ହର୍ଦୋଇ ରୁ ଆରମ୍ଭ କରି ସୀତାପୁର ପର୍ଯ୍ୟନ୍ତ ଖୋଜିଥିଲେ ହେଲେ ମେଡ଼ିସିନ୍ ମିଳିନଥିଲା । ଡାକ୍ତର ତାଙ୍କୁ କହିଥିଲେ କି କେବଳ ବରେଲିରେ ହିଁ ଏହି ଔଷଧ ମିଳିବ । ଶନିବାର ଦିନ ହାଇୱେରେ ଗାଡ଼ିକୁ ଅପେକ୍ଷା କଲେ ଓ ରାତି ପର୍ଯ୍ୟନ୍ତ କୌଣସି ଗାଡ଼ି ନମିଳିବାରୁ ରବିବାର ସକାଳୁ ବରେଲୀ ଜିଲ୍ଲାକୁ ସାଇକେଲରେ ବାହାରି ସୋମବାର ସକାଳୁ ପହଞ୍ଚିଥିଲେ ।
ଔଷଧ ବିକ୍ରେତା ଦୂର୍ଗେଶ୍ ଖଟୱାନି କହିଲେ କି ସେ ୧ ମାସର ଔଷଧ ନେବା ପାଇଁ ଆସିଥିଲେ । ତାଙ୍କ ପାଖରେ ପୁରା ଔଷଧ ପଇସା ମଧ୍ୟ ଥିଲା । ହେଲେ ମାନବିକତା ଦୃଷ୍ଟି କୋଣରୁ ସେ ଔଷଧକୁ ଅଧା ଦାମରେ ବିକ୍ରି କରିଥିଲେ ଓ ତାଙ୍କ ଖାଦ୍ୟ ପେୟର ବ୍ୟବସ୍ଥା ମଧ୍ୟ କରିଥିଲେ। । ରାଜେଶଙ୍କ ପିତୃ ଭକ୍ତି ଆଗରେ ସେ ହାର ମାନି ଯାଇଥିଲେ । ପରେ ଔଷଧ ଦୋକାନୀଙ୍କ ଉଦାରତା ମଧ୍ୟ ଚର୍ଚ୍ଚର ବିଷୟ ପାଲଟି ଯାଇଥିଲା । ଏହି ଘଟଣାକୁ ନେଇ ଆପଣଙ୍କ ମତାମତ କମେଣ୍ଟ କରନ୍ତୁ । ଦୈନନ୍ଦିନ ଘଟୁଥିବା ଘଟଣା ବିଷୟରେ ଅପଡେଟ ରହିବା ପାଇଁ ପେଜକୁ ଲାଇକ ଲାଇକ କରନ୍ତୁ ।