ଗତ ଶନିବାର ଦିନ ରାତିରେ କ୍ରିକେଟ ଦୁନିଆର ସର୍ବଶ୍ରେଷ୍ଠ ଅଲରାଉଣ୍ଡର ତଥା କିମ୍ବଦନ୍ତୀ ଆଣ୍ଡ୍ର୍ଯୁ ସାଇମଣ୍ଡସ ଏକ କାର୍ ଦୁର୍ଘଟଣାରେ ପ୍ରାଣ ହରାଇଛନ୍ତି । ସେ ନିଜ ହୋମଟାଉନ କୁଇନ୍ସଲାଣ୍ଡର ଟାଉନ୍ସଭିଲେରେ ଏକାକୀ କାର୍ ଚଲେଇ ଯିବାବେଳେ ଏହି ଦୁର୍ଘଟଣାର ଶିକାର ହୋଇଛନ୍ତି । ଆଲିସ ନଦୀ ବ୍ରିଜ ନିକଟସ୍ଥ ହରଭେରୀ ରେଞ୍ଜ ରୋଦରେ ତାଙ୍କ କାର୍ ଭାରସାମ୍ୟ ହରାଇ ତଳକୁ ଖସି ପଡିଥିଲା । ଯାହାଫଳରେ ତାଙ୍କ ମୁଣ୍ଡରେ ଭୀଷଣ ଆଘାର ଲାଗିଥିଲା ଓ ସେ ଘଟଣାସ୍ଥଳରେ ମୃତ୍ୟୁବରଣ କରିଥିଲେ ।
୪୬ ବର୍ଷୀୟ ଆଣ୍ଡ୍ର୍ଯୁ ସାଇମଣ୍ଡସଙ୍କୁ ହସ୍ପିଟାଲ ନିଆଯିବା ପରେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଆଣ୍ଡ୍ର୍ଯୁ ସାଇମଣ୍ଡସଙ୍କ ମୃତ୍ୟୁ ପରେ ତାଙ୍କୁ ନେଇ ଚର୍ଚ୍ଚା ଜୋର ଧରିଛି ଓ ଅନେକ ରହସ୍ୟ ସାମ୍ନାକୁ ଆସୁଛି । ଆଜି ଆମେ ଆପଣଙ୍କୁ ସାଇମଣ୍ଡସଙ୍କ ଜୀବନର ଏପରି ଏକ ରହସ୍ୟ ବିଷୟରେ କହିବୁ ଯାହା ଆପଣ ହୁଏତ ଜାଣି ନଥିବେ । ଆଣ୍ଡ୍ର୍ଯୁ ସାଇମଣ୍ଡସ ଅଷ୍ଟ୍ରେଲିଆ ଦଳ ପାଇଁ କ୍ରିକେଟ ଖେଳୁଥିଲେ ମଧ୍ୟ ସେ ଇଂଲଣ୍ଡରେ ଜନ୍ମଗ୍ରହଣ କରିଥିଲେ ।
ସାଇମଣ୍ଡସ ଥରେ ନିଜେ ଏକ ସାକ୍ଷାତକାରରେ କହିଥିଲେ କି, ସେ ତାଙ୍କ ପ୍ରକୃତ ପିତାମାତାଙ୍କୁ କେବେବି ଭେଟି ନାହାନ୍ତି । ସାଇମଣ୍ଡସଙ୍କ କହିବା ମୁତାବକ ସେ ୯ ଜୁନ ୧୯୭୫ରେ ଇଂଲଣ୍ଡର ବର୍ମିଂହାମରେ ଜନ୍ମଗ୍ରହଣ କରିଥିଲେ । ସେ ଜଣେ ପୋଷ୍ୟ ସନ୍ତାନ ଥିଲେ, ତେଣୁ ସେ ତାଙ୍କ ଅସଲି ପିତାମାତାଙ୍କୁ ଜାଣନ୍ତି ନାହିଁ । ସେମାନଙ୍କ ସହ ଆଣ୍ଡ୍ର୍ଯୁ ସାଇମଣ୍ଡସଙ୍କ କେବେବି ସାକ୍ଷାତ ହୋଇନାହିଁ । ସାଇମଣ୍ଡସ ଜନ୍ମ ହେବା ପରେ ତାଙ୍କ ପିତାମାତା ତାଙ୍କୁ ପୋଷ୍ୟ ସନ୍ତାନ ଭାବରେ ଛାଡି ଦେଇଥିଲେ ।
ଆଣ୍ଡ୍ର୍ଯୁଙ୍କୁ ମାତ୍ର ୩ ମାସ ହୋଇଥିବା ବେଳେ କେନ୍ ଓ ବାର୍ବରା ତାଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରିଥିଲେ । ଏହାପରେ କେନେଥ ୱାଲ୍ଟର ଓ ବାର୍ବରା ତାଙ୍କ ନାମ ଆଣ୍ଡ୍ର୍ଯୁ ସାଇମଣ୍ଡସ ରଖିଥିଲେ । ସାଇମଣ୍ଡସଙ୍କ କ୍ରିକେଟ କ୍ଯାରିୟର ଖୁବ ଶାନଦାର ଥିଲା । ତାଙ୍କ ପ୍ରତିନିଧିତ୍ଵ ଅଷ୍ଟ୍ରେଲିଆ ଦୁଇଥର ବିଶ୍ଵ ବିଜୟୀ ହୋଇଛି । ସାଇମଣ୍ଡସ ତାଙ୍କ କ୍ରିକେଟ କ୍ଯାରିୟର ମଧ୍ୟରେ ୨୬ଟି ଟେଷ୍ଟ ମ୍ଯାଚ, ୧୯୮ଟି ଦିନିକିଆ ମ୍ଯାଚ ଓ ୧୪ଟି ଟି-୨୦ ଆନ୍ତର୍ଜାତୀୟ ମ୍ଯାଚ ଖେଳିଥିଲେ ।
ସେ ଟେଷ୍ଟ ମ୍ଯାଚରେ ୨ଟି ଶତକ, ୧୦ଟି ଅର୍ଦ୍ଧଶତକ ସହ ୧୪୬୨ ରନ୍ ଏବଂ ଦିନିକିଆରେ ୬ଟି ଶତକ ଓ ୩୦ଟି ଅର୍ଦ୍ଧଶତକ ବଳରେ ମୋଟ ୫୦୮୮ ରନ୍ କୋର କରିଥିଲେ । କ୍ଯାରିୟରର ଶୀର୍ଷରେ ଥିବା ବେଳେ କିନ୍ତୁ କିଛି ଭୁଲ ଯୋଗୁଁ ଆଣ୍ଡ୍ର୍ଯୁ ସାଇମଣ୍ଡସଙ୍କୁ ଦଳରୁ ବିତାଡିତ ହେବାକୁ ପଡିଥିଲା । ଏହାର ମୁଖ୍ୟ କାରଣ ତାଙ୍କର ମଦ ନିଶା ବୋଲି କୁହାଯାଏ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।