ଓଡିଆ ଟେଲି ଅଭିନେତ୍ରୀ ରଶ୍ମିରେଖା ଓଝାଙ୍କ ମୃତ୍ୟୁକୁ ନେଇ ଏବେ ସାରା ରାଜ୍ୟରେ ଚର୍ଚ୍ଚା ହେଉଛି । ପ୍ରାଥମିକ ତଦନ୍ତରୁ ସେ ଆତ୍ମହତ୍ୟା କରିଥିବା ଜଣା ପଡିଥିବା ବେଳେ ଏନେଇ ସନ୍ଦେହ ଘନେଇବାରେ ଲାଗିଛି । ରଶ୍ମିଙ୍କ ଘରଲୋକ ଏବଂ ସହକର୍ମୀ ସମସ୍ତେ ରଶ୍ମି ଆତ୍ମହତ୍ୟା କରିଥିବା ଗ୍ରହଣ କରି ପାରୁନାହାନ୍ତି । ରଶ୍ମିଙ୍କ ପୁରୁଷ ବନ୍ଧୁ ସନ୍ତୋଷ ପାତ୍ରଙ୍କୁ ନେଇ ଘରଲୋକଙ୍କ ସନ୍ଦେହ ବଢିବାରେ ଲାଗିଛି । ଏନେଇ ଲୋକପ୍ରିୟ ଅଭିନେତା ହର ରଥ ମଧ୍ୟ ନିଜ ମତ ଦେଇଛନ୍ତି ।
ସେ ଶୁଟିଙ୍ଗ ସେଟରୁ ହିଁ ରଶ୍ମିରେଖାଙ୍କୁ ଜାଣନ୍ତି । ଗୋଟିଏ ଓଡିଆ ସିରିଏଲରେ ସେମାନେ ଏକାଠି କାମ କରିବାର ସୁଯୋଗ ପାଇଥିଲେ । ରଶ୍ମିଙ୍କ ସହ ହରଙ୍କର ଅଧିକ ସିନ୍ ନଥିଲେ ମଧ୍ୟ ଅଳ୍ପ ବହୁତ ସେ ରଶ୍ମିଙ୍କୁ ଜାଣିଥିଲେ । ରଶ୍ମି ବହୁତ ଖୁସିମିଜାଜର ଝିଅ ଥିଲେ ଓ ସମସ୍ତଙ୍କ ସହ ସହଜରେ ମିଶି ଯାଉଥିଲେ । ଜଣେ ସିନିୟର କଳାକାର ଭାବେ ସେ ହର ରଥଙ୍କୁ ଯେତେବେଳେ ବି ଦେଖୁଥିଲେ ନମସ୍କାର କରି ସମ୍ମାନ ଦେଉଥିଲେ । ତେଣୁ ତାଙ୍କ ଭଳି ଜଣେ ଝିଅ ଯେ ସୁଇସାଇଡ କରିଥିବ ସେ ବିଶ୍ବାସ କରି ପାରୁନାହାନ୍ତି ।
ମୃତ୍ୟୁର କିଛିଦିନ ପୂର୍ବରୁ ରଶ୍ମି ସିରିଏଲ ଛାଡି ଦେଇଥିବା ସେ ଶୁଣିବାକୁ ପାଇଥିଲେ । ଏନେଇ ପଚାରିବାରୁ ସେ ଜାଣିବାକୁ ପାଇଥିଲେ କି ରଶ୍ମିଙ୍କ ବାହାଘର ହେବ ସେ ସିନ୍ଦୁର ଲଗେଇକି ବି ଆସୁଥିଲା କଣ ହେଇଛି କେଜାଣି ସେ ଆଉ ଆସିବନି । ଏହାପରେ ସେ ଶୁଣିବାକୁ ପାଇଥିଲେ କି ରାଜାଙ୍କୁ ସେ ପ୍ରେମ କରନ୍ତି ତାଙ୍କ ନାଁରେ ଟାଟୁ ବି କରିଛନ୍ତି, ଆଉ ତାକୁ ହିଁ ସେ ବାହା ହେବେ ।
ରଶ୍ମି ତାଙ୍କ ଘରଛାଡି ସିନେମା ଲାଇନରେ କାମ କରିବେ ବୋଲି ସାହସ କରି ଆସିଥିଲେ ସେ ହଠାତ କେମିତି ଅଭିନୟ ଛାଡିବା କଥା ଚିନ୍ତା କରିଲା । ସେ ହଠାତ ଏମିତି ଆତ୍ମହତ୍ୟା କରିଦେବେନି । ତାଙ୍କୁ ନିଶ୍ଚୟ କେହି ଜଣେ ଉସୁକାଇଛି ବା ମାନସିକ ଭାବେ ଧକ୍କା ଦେଇଛି । ନୋଟରେ ମଧ୍ୟ ସେ ଯାହା ଲେଖିଛନ୍ତି ତାହା ନିଜ ହାତର ଲେଖା କି ନାହିଁ ଏବଂ କେଉଁ ପରିସ୍ଥିତିରେ ସେ ଲେଖିଛନ୍ତି ତାହା ମଧ୍ୟ ଫରେନସିକ ଯାଞ୍ଚ ହେବା ଆବଶ୍ୟକ ବୋଲି କହିଛନ୍ତି ହର ।
ରାଜାଙ୍କ ସହ ତାଙ୍କର କେମିତି ସମ୍ପର୍କ ଭାଙ୍ଗିଲା ଓ ସନ୍ତୋଷଙ୍କ ସହ କେବେ ଯୋଡି ହେଲା ଏହା ତଦନ୍ତ କରିବା ଆବଶ୍ୟକ । କାରଣ ବାହାରେ ଚପଲ ଆଉ କାହାର ଭିତରେ ଆଉ କିଏ ପରି ସ୍ଥିତି ଏଠାରେ ଉପୁଜୁଛି ବୋଲି ସେ କହିଛନ୍ତି । ତେବେ ସଠିକ ଭାବେ ତଦନ୍ତ ହୋଇ ରଶ୍ମିଙ୍କୁ ଉଚିତ ନ୍ୟାୟ ମିଳୁ ବୋଲି ହର କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।