ମା’କୁ ଫୋନ କରି କଥା ହେବାର ଦୁଇ ଘଣ୍ଟା ପରେ ଖବର ଆସିଲା ଆପଣଙ୍କ ଝିଅ ଆଉ ଏ ଦୁନିଆରେ ନାହିଁ । ଏଭଳି ଖବର ପାଇବା ପରେ ବାପାମା’ଙ୍କ ଗୋଡ ତଳୁ ମାଟି ଖସିପଡିଛି । ହସଖୁସିର ସଂସାର ମଧ୍ୟରେ ହଠାତ ବିପଦ ମାଡି ଆସିଲର ମଣିଷ ସହିବାର ଶକ୍ତି ହରେଇ ବସେ । ଏଭଳି ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି କେନ୍ଦ୍ରପଡା ଜିଲ୍ଲା ରାଜନଗର ବ୍ଲକ ଚାନ୍ଦି ବାଉଁଶମୂଳ ପଞ୍ଚାୟତ ଅନ୍ତର୍ଗତ ଢୋଲମରା ଗାଁ’ରେ । ସେହି ଗାଁ’ର ପରମେଶ୍ଵର ପ୍ରଧାନଙ୍କ ଭାଗ୍ୟରେ ଏଭଳି ଦୁଃଖ ମାଡିଆସିଛି ।
ପୂର୍ବରୁ ତାଙ୍କ ବଡ ପୁଅ ମାତ୍ର 25 ବର୍ଷ ବୟସରେ ପ୍ରାଣ ହରାଇଥିବା ବେଳେ ଝିଅ ରାଜକନିକାରେ କଲେଜ ପାଠପଢା ଶେଷ କରିବା ପରେ ବାଙ୍ଗାଲୋରରେ ଯାଇ ଚାକିରି କରିଥିଲେ । ଝିଅ 3:40 ରେ ଫୋନ କରି କେତେ କଣ କଥା ହୋଇଥିଲା କିନ୍ତୁ 5ଟା ବେଳକୁ ତାଙ୍କୁ ଖବର ଆସିଥିଲା କି ତାଙ୍କ ଝିଅ ଆଉ ନାହିଁ । ଏଭଳି ଦୁଃଖଦ ଖବର ପାଇବା ପରେ ଘରେ କାନ୍ଦବୋବାଳି ଲାଗି ରହିଛି । ଝିଅ ସହ ବଡ ପୁଅର ଫଟୋ ଧରି ମା’ ଭୁଇଁରେ ଗଡି ଗଡି କାନ୍ଦୁଛନ୍ତି ।
ପରମେଶ୍ଵର ପ୍ରଧାନଙ୍କ ନିଜ ଗାଁ ସାତଭାୟା ଗାଁରେ ହୋଇଥିବା ବେଳେ ସମୁଦ୍ର ଗର୍ଭରେ ତାଙ୍କ ଘରଟି ଲୀନ ହୋଇଯାଇଛି । ତେଣୁ ଦୀର୍ଘ 10 ବର୍ଷ ଧରି ପରମେଶ୍ଵର ନିଜ ଶ୍ଵଶୁର ଘର ଗାଁ ଢୋଲମରାରେ ରହି ଆସୁଛନ୍ତି । ଗତ ବର୍ଷ କିଡନୀ ରୋଗରେ ଆକ୍ରାନ୍ତ ହୋଇ ପରମେଶ୍ଵରଙ୍କ ବଡ ପୁଅ ପ୍ରକାଶ ପ୍ରଧାନ ପ୍ରାଣ ହରାଇଥିଲେ । ଯାହାପରେ ପରିବାରରେ ଅଭାବ ଅନଟନ ଲାଗି ରହିଥିଲା ।
ତେଣୁ ସାନ ଝିଅ ପାର୍ବତୀ ପ୍ରଧାନ ଗ୍ରାଜୁଏସନ ପରେ ପରିବାରକୁ ସାହାଯ୍ୟ କରିବା ପାଇଁ ବେଙ୍ଗାଲୁରୁ ଯାଇଥିଲେ । ସେଠାରେ ଏକ ଘରୋଇ କମ୍ପାନୀରେ କମ୍ପ୍ୟୁଟର ସେକ୍ସନରେ କାମ କରି ଘରକୁ ଟଙ୍କା ପଠାଉଥିଲେ । ହେଲେ ଗତ 12 ନଭେମ୍ବର ସନ୍ଧ୍ଯା 5ଟା ସମୟରେ ଘରକୁ ଫୋନ ଆସିଥିଲା କି ଝିଅର ଦେହ ଅସୁସ୍ଥ ଅଛି ତାକୁ ଆମେ ମେଡିକାଲ ନେଉଛୁ । ଆଉ ତା’ର କିଛି ସମୟ ପରେ ଫୋନ ଆସିଥିଲା କି ଝିଅ ଆଉ ଏ ଦୁନିଆରେ ନାହିଁ ।
ଯାହାପରେ ଢୋଲମରା ଗାଁରେ ଦୁଃଖର ଲହରୀ ଦେଖିବାକୁ ମିଳିଛି । ଏହାପରେ ଝିଅର ମୃତ୍ୟୁ କିଭଳି ହେଲା ସେନେଇ ତଦନ୍ତ କରିବା ପାଇଁ ସେମାନେ ବେଙ୍ଗାଲୁରୁ ପ୍ରଶାସନଙ୍କୁ ଅନୁରୋଧ କରିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।