ଗତ ଶନିବାର ଦିନ ରାତି ୧୧ଟା ସମୟରେ ଏକ କାର୍ ଦୁର୍ଘଟଣାରେ ଅଷ୍ଟ୍ରେଲିଆ କ୍ରିକେଟ ଦଳର ପ୍ରସିଦ୍ଧ ଅଲରାଉଣ୍ଡର ଆଣ୍ଡ୍ର୍ଯୁ ସାଇମଣ୍ଡସ ମୃତ୍ୟୁବରଣ କରିଛନ୍ତି । ଯାହାପରେ କ୍ରିକେଟ ଜଗତ ତଥା କ୍ରିକେଟ ପ୍ରେମୀଙ୍କ ମଧ୍ୟରେ ଶୋକର ଛାୟା ଖେଳିଯାଇଛି । ସାଇମଣ୍ଡସଙ୍କ ନେତୃତ୍ବରେ ଅଷ୍ଟ୍ରେଲିଆ ଦୁଇଥର ବିଶ୍ଵକପ୍ ବିଜୟୀ ହୋଇପାରିଛି । ତେବେ ସାଇମଣ୍ଡସଙ୍କ ବ୍ଯତୀତ ଆହୁରି କେତେକ ଖେଳାଳି ମଧ୍ୟ ଅଛନ୍ତି ଯେଉଁମାନେ ପୂର୍ବରୁ କାର୍ ଦୁର୍ଘଟଣାରେ ମୃତ୍ୟୁବରଣ କରିଛନ୍ତି । ତେବେ ଚାଲନ୍ତୁ ଜାଣିବା ଏହି ଲିଷ୍ଟରେ କେଉଁ ଖେଳାଳି ଅଛନ୍ତି ।
ଲୌରୀ ୱିଲିୟମସ: ଲୌରୀ ୱିଲିୟମସ ୱେଷ୍ଟଇଣ୍ଡିଜର ଜଣେ ଅଲରାଉଣ୍ଡର ଥିଲେ । ଥରେ ସେ ନିଜ ସାନ ଭାଇଙ୍କ ସହ ଯାଉଥିବା ବେଳେ ଜାମାଇକାରେ ଏକ ବସ୍ ସହ ତାଙ୍କ କାର୍ ମୁହାଁମୁହିଁ ଧକ୍କା ହୋଇଥିଲା । ଯାହାଫଳରେ ଘଟଣାସ୍ଥଳରେ ଉଭୟଙ୍କ ମୃତ୍ୟୁ ହୋଇଥିଲା । ମୃତ୍ୟୁ ବେଳେ ଲୌତି ୱିଲିୟମସଙ୍କୁ ମାତ୍ର ୩୩ ବର୍ଷ ବୟସ ହୋଇଥିଲା । ସେ ୱେଷ୍ଟଇଣ୍ଡିଜ ପାଇଁ ୧୫ଟି ଦିନିକିଆ ମ୍ଯାଚ ଖେଳିଥିଲେ ।
ବେନ୍ ହଲିଅକ୍: ବେନ୍ ହଲିଅକ୍ ୧୯ ବର୍ଷ ବୟସରେ ଇଂଲଣ୍ଡ କ୍ରିକେଟ ଦଳରୁ ଡେବ୍ୟୁ କରିଥିଲେ । ସେ ଇଂଲଣ୍ଡ ପାଇଁ ୨ଟି ଟେଷ୍ଟ ମ୍ଯାଚ ଓ ୨୦ଟି ଦିନିକିଆ ମ୍ଯାଚ ଖେଳିଛନ୍ତି । କିନ୍ତୁ ତାଙ୍କୁ ମାତ୍ର ୨୪ ବର୍ଷ ବୟସ ହୋଇଥିବା ବେଳେ ସେ ସଡକ ଦୁର୍ଘଟଣାର ଶିକାର ହୋଇଥିଲେ । ତାଙ୍କ କାର୍ ନିୟନ୍ତ୍ରଣ ହରାଇ ଏକ କାନ୍ଥରେ ପିଟି ହୋଇଯିବା ଫଳରେ ତାଙ୍କର ମୃତ୍ୟୁ ହୋଇଥିଲା ।
ରନାକୋ ମୋର୍ଟନ: ୱେଷ୍ଟଇଣ୍ଡିଜର ଏହି ପୂର୍ବତନ ବ୍ୟାଟ୍ସମ୍ୟାନ ମଧ୍ୟ ମାତ୍ର ୩୩ ବର୍ଷ ବୟସରେ ସଡକ ଦୁର୍ଘଟଣାର ଶିକାର ହୋଇଥିଲେ, ଯାହାଫଳରେ ତାଙ୍କର ମୃତ୍ୟୁ ହୋଇଥିଲା । ୱେଷ୍ଟଇଣ୍ଡିଜର ଏହି ପୂର୍ବତନ କ୍ରିକେଟର ୱେଷ୍ଟଇଣ୍ଡିଜ ପାଇଁ ସମୁଦାୟ ୧୫ଟି ଟେଷ୍ଟ ମ୍ଯାଚ ଓ ୫୬ଟି ଦିନିକିଆ ଖେଳିଥିଲେ । ଏହାସହ ରନାକୋ ମୋର୍ଟନ ୱେଷ୍ଟଇଣ୍ଡିଜ ପାଇଁ ୭ଟି ଟି-୨- ମ୍ଯାଚ ମଧ୍ୟ ଖେଳିଥିଲେ ।
ଟମ୍ ମେନାର୍ଡ: ଏହି ବ୍ରିଟିଶ କ୍ରିକେଟର ମଧ୍ୟ ମାତ୍ର ୨୩ ବର୍ଷ ବୟସରେ ସଡକ ଦୁର୍ଘଟଣାରେ ପ୍ରାଣ ହରାଇଥିଲେ । ତାଙ୍କ କାର୍ ଦୁର୍ଘଟଣାଗ୍ରସ୍ତ ହେବାର ପ୍ରକୃତ କାରଣ ସେ ଡ୍ରଗ୍ସ ଓ ମଦ୍ୟପାନ କରିଥିଲେ । ସେଥିପାଇଁ ତାଙ୍କୁ ପୋଲିସ ଗୋଡାଇଥିଲା । ପୋଲିସ ଠୁ ବଞ୍ଚିବା ପାଇଁ ଜୋରରେ ଗାଡି ଚଳେଇ ଯାଉଥିବା ବେଳେ ଏକ ଟ୍ରେନ ସହ ଧକ୍କା ହେବା ଯୋଗୁଁ ତାଙ୍କର ମୃତ୍ୟୁ ହୋଇଥିଲା ବୋଲି କୁହାଯାଏ । ସେ ତାଙ୍କ କ୍ଯାରିୟରରେ ୪୮ଟି ମ୍ଯାଚ ଏବଂ ୬୩ଟି ତାଲିକା ମ୍ଯାଚ ଖେଳିଛନ୍ତି ।
ଧ୍ରୁଭ ପାଣ୍ଡୋଭ: ଭାରତର ଏହି ଦକ୍ଷ ବାମହାତୀ ବ୍ୟାଟ୍ସମ୍ୟାନ ମାତ୍ର ୧୩ ବର୍ଷ ବୟସରେ ଡେବ୍ୟୁ କରିଥିଲେ । ପଞ୍ଜାବର ଏହି ଖେଳାଳିଙ୍କୁ ଭାରତୀୟ କ୍ରିକେଟ ଦଳର ଭବିଷ୍ୟତ ବୋଲି କୁହା ଯାଉଥିଲା । କିନ୍ତୁ ଦୁର୍ଭାଗ୍ୟବଶତଃ ୧୯୯୨ରେ ସେ ଏକ ସଡକ ଦୁର୍ଘଟଣାରେ ପ୍ରାଣ ହରାଇଥିଲେ । ମୃତ୍ୟୁ ବେଳେ ତାଙ୍କ ବୟସ ମାତ୍ର ୧୮ ବର୍ଷ ହୋଇଥିଲା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।